ಮುಂಬೈ: ಜನವರಿ ತಿಂಗಳಿನಲ್ಲಿ ಭಾರಿ ಸದ್ದು ಮಾಡಿದ ಮುಖೇಶ್ ಅಂಬಾನಿ ಅವರ ಅಲೋಕ್ ಇಂಡಸ್ಟ್ರೀಸ್ ಷೇರುಗಳ ಬೆಲೆ ಈಗ ಕುಸಿತ ಕಂಡಿದೆ. ಜವಳಿ ವಲಯದ ಈ ಕಂಪನಿಯ ಷೇರುಗಳ ಬೆಲೆ ಜನವರಿ ತಿಂಗಳಿನಲ್ಲಿ 39.24 ರೂ. ಇತ್ತು. ಇದು 52 ವಾರಗಳ ಗರಿಷ್ಠ ಬೆಲೆ ಆಗಿತ್ತು. ಇದಾದ ನಂತರ ಹೂಡಿಕೆದಾರರು ಲಾಭಕ್ಕಾಗಿ ಷೇರುಗಳನ್ನು ಮಾರಾಟ ಮಾಡತೊಡಗಿದ ಕಾರಣ ಈ ಪೇರುಗಳ ಬೆಲೆ ಈಗ 30 ರೂ.ಗಿಂತ ಕಡಿಮೆಯಾಗಿದೆ. ಪ್ರಸ್ತುತ ಬಿಎಸ್‌ಇಯಲ್ಲಿ ಈ ಷೇರಿನ ಬೆಲೆ 27 ರೂ. ಇದೆ.
ಇತ್ತೀಚೆಗೆ ಅಲೋಕ್ ಇಂಡಸ್ಟ್ರೀಸ್ ಕಂಪನಿಯು ಇತ್ತೀಚಿಗೆ ಷೇರು ಮಾರುಕಟ್ಟೆಗೆ ಮಾಹಿತಿ ನಿಡಿದೆ. ಸಿಜಿಎಸ್ಟಿ ಮತ್ತು ಸೆಂಟ್ರಲ್ ಎಕ್ಸೈಸ್ನಿಂದ ಆದೇಶ ಬಂದಿದೆ. ಈ ಆದೇಶದಲ್ಲಿ ಕಂಪನಿಗೆ ಕೇಂದ್ರ ಸರಕು ಸೇವಾ ತೆರಿಗೆ ಕಾಯ್ದೆ 2017ರ ಸೆಕ್ಷನ್ 73(9)ರ ಅಡಿಯಲ್ಲಿ 22,508 ರೂ. ದಂಡ ವಿಧಿಸಲಾಗಿದೆ. 2019 ರ ಈ ಪ್ರಕರಣದಲ್ಲಿ, ಕಂಪನಿಯು ಇನ್‌ಪುಟ್ ತೆರಿಗೆ ಕ್ರೆಡಿಟ್‌ಗೆ ಹೆಚ್ಚುವರಿಯಾಗಿ ಮರುಪಾವತಿಗಾಗಿ ತಪ್ಪು ಕ್ಲೈಮ್ ಅನ್ನು ಮಾಡಿದೆ ಎಂದು ಆರೋಪಿಸಿ ಆದೇಶವನ್ನು ರವಾನಿಸಲಾಗಿದೆ. ಈ ಆದೇಶದ ವಿರುದ್ಧ ಮೇಲ್ಮನವಿ ಸಲ್ಲಿಸಲು ಕಂಪನಿ ಉದ್ದೇಶಿಸಿದೆ ಎಂದು ಅಲೋಕ್ ಇಂಡಸ್ಟ್ರೀಸ್ ಷೇರು ವಿನಿಮಯ ಕೇಂದ್ರಕ್ಕೆ ತಿಳಿಸಿದೆ. ಆದರೂ. ಈ ಆದೇಶವು ಕಂಪನಿಯ ಕಾರ್ಯಾಚರಣೆಗಳು ಅಥವಾ ಇತರ ಚಟುವಟಿಕೆಗಳ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದು ಅದು ಹೇಳಿದೆ.
ಮಾರ್ಚ್ 2024ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ಅಲೋಕ್ ಇಂಡಸ್ಟ್ರೀಸ್ನ ನಿವ್ವಳ ನಷ್ಟವು 215.93 ಕೋಟಿ ರೂ. ಇದೆ. ಒಂದು ವರ್ಷದ ಹಿಂದೆ, ಮಾರ್ಚ್ 2023ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ, ಕಂಪನಿಯ ನಷ್ಟವು 297.55 ಕೋಟಿ ರೂ. ಇತ್ತು. ಈ ನಿಟ್ಟಿನಲ್ಲಿ ನಷ್ಟ ಕಡಿಮೆಯಾಗಿದೆ. ಮಾರ್ಚ್ 2024ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ ಮಾರಾಟವು 6.44% ರಷ್ಟು ಕುಸಿದು 1469.31 ಕೋಟಿ ರೂ. ಆಗಿದೆ. ಮಾರ್ಚ್ 2023ಕ್ಕೆ ಕೊನೆಗೊಂಡ ತ್ರೈಮಾಸಿಕದಲ್ಲಿ 1570.48 ಕೋಟಿ ರೂ.ಗಳ ಮಾರಾಟವಾಗಿದೆ.
ಮಾರ್ಚ್ 2024ಕ್ಕೆ ಕೊನೆಗೊಳ್ಳುವ ಸಂಪೂರ್ಣ ಆರ್ಥಿಕ ವರ್ಷದ ಬಗ್ಗೆ ಮಾತನಾಡಿದರೆ, 846.82 ಕೋಟಿ ರೂಪಾಯಿ ನಷ್ಟವಾಗಿದೆ. ಇದೇ ಸಮಯದಲ್ಲಿ, ಮಾರ್ಚ್ 2023 ರ ಆರ್ಥಿಕ ವರ್ಷದಲ್ಲಿ ರೂ. 880.46 ಕೋಟಿ ನಷ್ಟವಾಗಿದೆ. ಇದರ ಹೊರತಾಗಿ, ಮಾರ್ಚ್ 2024 ಕ್ಕೆ ಕೊನೆಗೊಂಡ ವರ್ಷದಲ್ಲಿ ಮಾರಾಟವು 21.17% ರಷ್ಟು ಕುಸಿದು 5509.59 ಕೋಟಿ ರೂ. ಆಗಿದೆ.
ಈ ಕಂಪನಿಯ ಪ್ರವರ್ತಕ, ರಿಲಯನ್ಸ್ ಇಂಡಸ್ಟ್ರೀಸ್, ಒಟ್ಟು 1,98,65,33,333 ಷೇರುಗಳನ್ನು ಅಥವಾ ಶೇಕಡಾ 40.01 ಪಾಲನ್ನು ಹೊಂದಿದೆ. ಮತ್ತೊಂದು ಪ್ರವರ್ತಕ ಕಂಪನಿಯಾದ JM ಫೈನಾನ್ಷಿಯಲ್ ಅಸೆಟ್ ರೀಕನ್ಸ್ಟ್ರಕ್ಷನ್ 1,73,73,11,844 ಷೇರುಗಳನ್ನು ಅಥವಾ ಶೇ. 34.99 ಪಾಲನ್ನು ಹೊಂದಿದೆ. ಈ ಎರಡೂ ಕಂಪನಿಗಳು ಜಂಟಿ ಉದ್ಯಮದಲ್ಲಿ ಅಲೋಕ್ ಇಂಡಸ್ಟ್ರೀಸ್ ಅನ್ನು ಹೊಂದಿವೆ.
ಶಾಹಿದ್ ಕಪೂರ್ಗೆ ಪ್ರೀತಿಯಲ್ಲಿ ಮೋಸ ಮಾಡಿದ ನಟಿಯರು: ಈ ಇಬ್ಬರು ಹಿರೋಯಿನ್ಗಳು ಯಾರು ಗೊತ್ತೆ?
ನೀನೆಲ್ಲೂ ಹೋಗಬಾರದು.. ಬಟ್ಟೆ ಬದಲಾಯಿಸು… ಸೆಟ್ನಲ್ಲಿ ನಡೆದ ಕಿರುಕುಳ ಘಟನೆಯನ್ನು ಬಹಿರಂಗಗೊಳಿಸಿದ ನಟಿ