ಪುಂಡರ ತಾಣವಾಗಿದೆ ಮುದಗಲ್​ ಕೋಟೆ; ಪ್ರಾಚ್ಯವಸ್ತು ಇಲಾಖೆ ಗಮನ ಹರಿಸುತ್ತಾ?

ರಾಯಚೂರು: ಇತಿಹಾಸ ಪ್ರಸಿದ್ಧ ವಿಭಿನ್ನ ಶೈಲಿಯ ಎರಡು ಸುತ್ತಿನ ಮುದಗಲ್ ಕೋಟೆ ಇದೀಗ ನಿರ್ವಹಣೆ ಕೊರತೆಯಿಂದ ಪುಂಡ ಪೋಕರಿಗಳ ಅಡ್ಡಾ ಆಗಿ ಮಾರ್ಪಡುತ್ತಿದೆ.

14ನೇ ಶತಮಾನದಲ್ಲಿ ಬಹುಮನಿ ಸುಲ್ತಾನರು, ವಿಜಯನಗರದ ಅರಸರು, ಕೊನೆಯಲ್ಲಿ ವಿಜಯಪುರದ ಆದಿಲ್ ಶಾಹಿಗಳು ಎಲ್ಲರು ಈ ಕೋಟೆಯನ್ನು ತಮಗೆ ಬೇಕಾದ ರಿತಿ ಮಾರ್ಪಾಡು ಮಾಡಿದ್ದರು. ಇವರ ಆಡಳಿತದಲ್ಲಿ ವಿಭಿನ್ನ ಶೈಲಿಯಲ್ಲಿ ಈ ಮುದಗಲ್​ ಕೋಟೆ ನಿರ್ಮಾಣಗೊಂಡಿತ್ತು. ಸ್ವಾತಂತ್ರ್ಯ ನಂತರದಲ್ಲಿ ಈ ಕೋಟೆಗೆ ಸರಿಯಾದ ರೀತಿಯಲ್ಲಿ ನಿರ್ವಹಣೆ, ಮೇಲುಸ್ತುವಾರಿ ಮುಂತಾದವುಗಳ ಕೊರತೆಯಿಂದ ಮುಳ್ಳುಕಂಟಿ ಬೆಳೆದು ಕೋಟೆ ಕಳೆಗುಂದುತ್ತಿದೆ.

ಈ ಕೋಟೆಯ ದ್ವಾರದ ಬಾಗಿಲು ಭಾಗಶಃ ಮುರಿದಿದ್ದು ಮುಚ್ಚಲು-ತೆರೆಯಲು ಸಾಧ್ಯ ಆಗುತ್ತಿಲ್ಲ. ಕೋಟೆ ಸುತ್ತಲಿನ ಕಂದಕ ಇದೀಗ ಘನತ್ಯಾಜ್ಯ ಹಾಕುವ ಸ್ಥಳವಾಗಿದ್ದು, ಇಲ್ಲಿ ಕೊಳಚೆ ನೀರು ಸಂಗ್ರಹಗೊಂಡು ರೋಗ ಹರಡುವ ತಾಣವಾಗಿ ಬದಲಾಗಿದೆ. ಜತೆಗೆ ಈ ಕೋಟೆಯನ್ನು ಪುಂಡರು ಪೋಕರಿಗಳು ತಮ್ಮ ಅನೈತಿಕ ಚಟುವಟಿಕೆಗಳಿಗಾಗಿ ಬಳಸಿಕೊಳ್ಳುತ್ತಿದ್ದಾರೆ.

ಪ್ರಾಚ್ಯವಸ್ತು ಇಲಾಖೆಯ ನಿರ್ಲಕ್ಷ್ಯದಿಂದ ಐತಿಹಾಸಿಕ ಪ್ರಸಿದ್ಧ ಎರಡು ಸುತ್ತಿನ ಕೋಟೆ ರಕ್ಷಣೆ ಇಲ್ಲದೇ ಜೀರ್ಣಾವಸ್ಥೆಗೆ ತಲುಪುತ್ತಿದೆ. ಇಲ್ಲಿ ಪ್ರಾಚೀನ ಶಿಲಾಶಾಸನಗಳಿದ್ದು ಕೋಟೆಯನ್ನ ರಕ್ಷಿಸಲು ಪ್ರಾಚ್ಯವಸ್ತು ಇಲಾಖೆ ಮುಂದಾಗುವಂತೆ ಸ್ಥಳೀಯರು ಒತ್ತಾಯಿಸುತ್ತಿದ್ದಾರೆ.

https://www.vijayavani.net/five-people-form-hanagal-cheat-kerala-guy-by-selling-fake-gold-coins/

https://www.vijayavani.net/e-cigarettes-banned-ccb-raids/

https://www.vijayavani.net/maha-government-falls-in-its-own-trap/