ಚೆನ್ನೈ: ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ದೇಶಾದ್ಯಂತ ಅಪಾರ ಅಭಿಮಾನಿಗಳನ್ನು ಹೊಂದಿದ್ದು, ತಮಿಳುನಾಡಿನಲ್ಲಿ ತುಸು ಹೆಚ್ಚು ಎಂದು ಹೇಳಬಹುದು. ಐಪಿಎಲ್ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಮುನ್ನಡೆಸುವ ಅವರಿಗೆ ತಮಿಳುನಾಡಿನ ಜನತೆ ತಲಾ ಎಂದು ಕರೆಯುವ ಮೂಲಕ ತಮ್ಮ ಪ್ರೀತಿಯನ್ನು ವ್ಯಕ್ತಪಡಿಸುತ್ತಿದ್ದಾರೆ.
ಮಹೇಂದ್ರ ಸಿಂಗ್ ಧೋನಿ ದಂಪತಿಗಳು ನಿರ್ಮಿಸಿರುವ ಚೊಚ್ಚಲ ತಮಿಳು ಸಿನಿಮಾ LGM (Let’s Get Married) ಚಿತ್ರ ಧ್ವನಿಸಾಂದ್ರಿಕೆ ಹಾಗೂ ಟ್ರೇಲರ್ಅನ್ನು ಜುಲೈ 10ರಂದು ಚೆನ್ನೈನಲ್ಲಿ ನಡೆದ ಅದ್ದೂರಿ ಕಾರ್ಯಕ್ರಮದಲ್ಲಿ ಬಿಡುಗಡೆ ಮಾಡಲಾಯಿತು.
ಕೇಕ್ ಕತ್ತಿರುಸವ ಮೂಲಕ ಚಿತ್ರದ ಆಡಿಯೋವನ್ನು ಧೋನಿ ಬಿಡುಗಡೆ ಮಾಡಿದರು. ಕೇಕ್ ಕತ್ತರಿಸುವ ವೇಳೆ ನಟ ಯೋಗಿ ಬಾಬು ಹಾಗೂ ಧೋನಿ ನಡುವೆ ತಮಾಷೆಯ ಸನ್ನಿವೇಶ ಒಂದು ನಡೆದಿದ್ದು, ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ: VIDEO| ಹುಲಿ ಬಂದರೂ ಕಾಯಕವೇ ಕೈಲಾಸ ಎಂದ ರೈತ
ಕೇಕ್ ಕತ್ತರಿಸಿದ ಬಳಿಕ ಧೋನಿ ಯೋಗಿಬಾಬು ಅದರ ಮೊದಲ ಪೀಸ್ ತಿನ್ನಿಸುತ್ತಾರ ಎಂದು ಎಲ್ಲರು ಭಾವಿಸಿದ್ದರು. ಆದರೆ, ಅದನ್ನು ಧೋನಿ ಅವರೇ ತಿಂದಿದ್ದರು. ಇದನ್ನು ಗಮನಿಸಿದ ಯೋಗಿ ಬಾಬು ಧೋನಿಯತ್ತ ಹತಾಶೆಯಿಂದ ನೋಡುತ್ತಾರೆ. ಈ ವೇಳೆ ಯೋಗಿ ಬಾಬುರನ್ನು ನೋಡಿದ ಧೋನಿ ನಗಲು ಶುರು ಮಾಡಿದ್ದು, ಇದನ್ನು ಗಮನಿಸಿ ಬೇರೆಯವರು ಮೊಗದಲ್ಲಿ ಮಂದಹಾಸ ಮೂಡಿದೆ.
ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರು ಇದು ಧೋನಿಯವರ ಹ್ಯೂಮರ್ ಸೈಡ್ ಎಂದು ಕೆಲವರು ಹೇಳಿದ್ದರೆ. ಮತ್ತಷ್ಟು ಜನ ಕ್ಯಾಪ್ಟನ್ ಕೂಲ್ ಎಲ್ಲಿದ್ದರು ನಗೆ ಬೀರುತ್ತಾರೆ ಎಂದು ಮತ್ತಷ್ಟು ಜನ ಕಮೆಂಟ್ ಮಾಡಿದ್ದಾರೆ.