VIDEO| ಹುಲಿ ಬಂದರೂ ಕಾಯಕವೇ ಕೈಲಾಸ ಎಂದ ರೈತ

ಲಖನೌ: ಕಾಡು ಪ್ರಾಣಿಗಳು ಆಹಾರ ಅರಸಿ ಆಗಿಂದಾಗೆ ಕಾಡಿನಿಂದ ನಾಡಿನತ್ತ ಬರುವುದನ್ನು ನೋಡಿದ್ದೇವೆ. ಇದೀಗ ಅಂತಹದೆ ಒಂದು ಪ್ರಕರಣದಲ್ಲಿ ಹುಲಿಯೊಂದು ಹೊಲದಲ್ಲಿ ತಿರುಗಾಡುತ್ತಿದ್ದ ವೇಳೆ ರೈತನೋರ್ವ ಅದರ ಅರಿವಿಲ್ಲದೆ ತನ್ನ ಪಾಡಿಗೆ ತಾನು ಕೆಲಸದಲ್ಲಿ ತೊಡಗಿರುವ ಘಟನೆ ಉತ್ತರಪ್ರದೇಶದ ಫಿಲಿಬಿತ್​ ಜಿಲ್ಲೆಯಲ್ಲಿ ನಡೆದಿದೆ.

ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿರುವ ವಿಡಿಯೋವನ್ನು ರಾಜ್​ ಲಖಾನಿ ಎಂಬುವವರು ಹಂಚಿಕೊಂಡಿದ್ದು, ಭತ್ತದ ಗದ್ದೆಯಲ್ಲಿ ಹುಲಿ ಸುತ್ತಾಡುತ್ತಿರುವುದು ಕಂಡು ಬರುತ್ತದೆ. ಅದರ ಹಿನ್ನಲೆಯಲ್ಲಿ ರೈತ ತನ್ನ ಪಾಡಿಗೆ ತಾನು ಟ್ರ್ಯಾಕ್ಟರ್​ನಲ್ಲಿ ಉಳುಮೆ ಮಾಡುತ್ತಿರುವುದು ಎಲ್ಲರ ಹುಬ್ಬೇರಿಸಿದೆ.

ಟ್ವಿಟರ್​ನಲ್ಲಿ ಈಗಾಗಲೇ ವಿಡಿಯೋವನ್ನು ಮಿಲಿಯನ್​ಗಟ್ಟಲ್ಲೇ ಜನ ವೀಕ್ಷಿಸಿದ್ದು, ಕಾಯಕವೇ ಕೈಲಾಸ ಎಂದು ಕೆಲವರು ಕಮೆಂಟ್​ ಮಾಡಿದ್ದಾರೆ. ಪ್ರಾಣಿ ಹಾಗೂ ಮನುಷ್ಯನ ನಡುವಿನ ಸಂಬಂಧ ಅಸ್ತಿತ್ವದಲ್ಲಿದೆ ಎಂದು ಬಣ್ಣಿಸಿದ್ದಾರೆ. ನಗಬೇಕೋ ಅಳಬೇಕೋ ಎಂದು ತಿಳಿದಿಲ್ಲ ಇದು ಸಹಬಾಳ್ವೆಯ ಸ್ಪಷ್ಟ ಪ್ರಯತ್ನವನ್ನು ತೋರಿಸುತ್ತದೆ. ಹುಲಿಗೆ ಯಾವುದೇ ಬೇಟೆ ಸಿಗದಿದ್ದಲ್ಲಿ ಈ ರೀತಿ ಹುಲ್ಲು ತಿನ್ನಲು ಬರುತ್ತದೆ ಎಂದು ಮತ್ತೊಬ್ಬರು ಕಮೆಂಟ್​ ಮಾಡಿದ್ದಾರೆ.

ಇದನ್ನೂ ಓದಿ: ಅನ್ನಭಾಗ್ಯ ಯೋಜನೆಯ ಅಕ್ಕಿ ಕಳ್ಳರ ಪಾಲು; ಅಧಿಕಾರಿಗಳ ಸಮ್ಮುಖದಲ್ಲೇ ಜೀವಬೆದರಿಕೆ ಹಾಕಿದ ಕಾಳಧನಿಕರು

https://www.vijayavani.net/azam-khan-gets-2-year-jail-for-remarks-on-pm-modi-up-cm-adityanath

https://www.vijayavani.net/headmaster-uses-schoolbag-as-pillow-to-take-nap-as-children-sweep-floor