ರಾಂಚಿ: ಭಾರತೀಯ ಕ್ರಿಕೆಟ್ ತಂಡದ ಮಾಜಿ ನಾಯಕ, ಚೆನ್ನೈ ಸೂಪರ್ ಕಿಂಗ್ಸ್ ಟೀಮ್ನ ಕ್ಯಾಪ್ಟನ್ ಕೂಲ್ ಮಹೇಂದ್ರ ಸಿಂಗ್ ಧೋನಿ ಅವರು ರಾಂಚಿಯಲ್ಲಿ ತಮ್ಮ ಹಳೇ ಕಾಲದ ಕಾರನ್ನು ಚಲಾಯಿಸಿದ ದೃಶ್ಯವೊಂದು ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ಹರಿದಾಡಿದೆ.
ಇದನ್ನೂ ಓದಿ: ಕ್ಲಿಯರ್ ಆಗಿರುವ ಹೊಳೆಯುವ ಚರ್ಮ ಬೇಕೇ? ಬೆಳಗ್ಗೆ ಎದ್ದ ತಕ್ಷಣ ಈ ಪಾನೀಯಗಳನ್ನು ಕುಡಿಯಿರಿ
ಧೋನಿ ಅವರಿಗೆ ಕಾರು ಮತ್ತು ಬೈಕ್ಗಳು ಎಂದರೆ ಬಹಳ ಆಸೆ ಎಂಬುದು ಅವರ ಅಭಿಮಾನಿಗಳಿಗೆ ತಿಳಿದಿರುವ ಸಂಗತಿ. ಇತ್ತೀಚೆಗಷ್ಟೆ ತಮ್ಮ ಮನೆಯಲ್ಲಿ ಶೋ ರೂಂ ರೀತಿಯಲ್ಲಿ ಬೈಕ್ಗಳ ಕಲೆಕ್ಷನ್ ಅನ್ನು ತೋರಿಸಿದ ಕ್ಯಾಪ್ಟನ್ ಕೂಲ್, ಇದೀಗ ತಮ್ಮ ಕಾರಿನ ಮೇಲಿರುವ ಪ್ರೇಮವನ್ನು ಮತ್ತೊಮ್ಮೆ ಫ್ಯಾನ್ಸ್ಗೆ ಪರಿಚಯಿಸಿದ್ದಾರೆ.
ತಮ್ಮ ವಿಂಟೇಜ್ 1980 ರೋಲ್ಸ್ ರಾಯ್ಸ್ ಕಾರನ್ನು ರಾಂಚಿಯ ರಸ್ತೆಗಳಲ್ಲಿ ಚಲಾಯಿಸಿದ ದೃಶ್ಯವನ್ನು ಅವರ ಅಭಿಮಾನಿಯೊಬ್ಬರು ಮೊಬೈಲ್ನಲ್ಲಿ ರೆಕಾರ್ಡ್ ಮಾಡಿಕೊಂಡಿದ್ದಾರೆ. ಈ ವಿಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದು, ಸದ್ಯ ಸೋಷಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ಹರಿದಾಡಿದೆ. ನೆಟ್ಟಿಗರು ಎಂ.ಎಸ್ ಧೋನಿ ಅವರ ಬೈಕ್ ಮತ್ತು ಕಾರುಗಳ ಕ್ರೇಜ್ ನೋಡಿ ಭಾರೀ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ,(ಏಜೆನ್ಸೀಸ್).