ಬೆಂಗಳೂರು: ಈಗ ಆನ್ಲೈನ್ನಲ್ಲಿ ಫುಡ್ ಆರ್ಡರ್ ಮಾಡುವುದು ಸಾಮಾನ್ಯವಾಗಿಬಿಟ್ಟಿದೆ. ಅದೆಷ್ಟೇ ಜನರು ಮನೆಯಲ್ಲಿ ಅಡುಗೆಯನ್ನೇ ಮಾಡದೆ ಆನ್ಲೈನ್ನಲ್ಲೇ ಫುಡ್ ತರಿಸಿಕೊಂಡು ತಿನ್ನುವವರಿದ್ದಾರೆ. ಅದೇ ರೀತಿ ಹೊಟ್ಟೆ ಹಸಿವು ಎನ್ನುತ್ತಿದ್ದ ಮಗನಿಗಾಗಿ ಆನ್ಲೈನ್ನಲ್ಲಿ ಫುಡ್ ಆರ್ಡರ್ ಮಾಡಿದ ಮಹಿಳೆಯೊಬ್ಬಳು, ಬಾಕ್ಸ್ನಲ್ಲಿ ಬಂದ ಫುಡ್ ನೋಡಿ ಶಾಕ್ ಆದ ಘಟನೆಯೊಂದು ನಡೆದಿದೆ.
ವಿದೇಶದಲ್ಲಿ ನೆಲೆಸಿರುವ ಅಲಿಕ್ ಪೆರೆಜ್ ಹೆಸರಿನ ಮಹಿಳೆ ಆನ್ಲೈನ್ ಫುಡ್ ಡೆಲಿವರಿ ಆ್ಯಪ್ ಒಂದರಲ್ಲಿ ಚಿಕನ್ ಫ್ರೈಗೆ ಆರ್ಡರ್ ಮಾಡಿದ್ದಳಂತೆ. ಆರ್ಡರ್ ಮಾಡಿದೆ ಕೆಲ ಹೊತ್ತಿನಲ್ಲಿ ಆಕೆಯ ಮನೆ ಬಾಗಿಲಿಗೆ ಫುಡ್ ಬಂದಿದೆ. ಡೆಲಿವರಿ ಬಾಯ್ ಅದನ್ನು ಆಕೆಯ ಕೈಗಿತ್ತು ವಾಪಸಾಗಿದ್ದಾನೆ. ಇತ್ತ ಫುಡ್ ಬಾಕ್ಸ್ ತೆಗೆದ ಅಲಿಕ್ ಅದರಲ್ಲಿದ್ದ ಚಿಕನ್ ಅನ್ನು ತಿನ್ನಲು ಮುಂದಾಗಿದ್ದಾಳೆ. ಅದೆಷ್ಟೇ ಕಚ್ಚಿದರೂ ಚಿಕನ್ ತುಂಡಾಗಿಲ್ಲ.
ತುಂಡಾಗದ ಚಿಕನ್ ಅನ್ನು ಬಾಯಿಯಿಂದ ಹೊರಗೆ ತೆಗೆದು ಅದನ್ನು ಪರಿಶೀಲಿಸಿದ್ದಾಳೆ. ಆಗ ಅದು ಚಿಕನ್ ಅಲ್ಲ, ಟವೆಲ್ ಎನ್ನುವುದು ತಿಳಿದುಬಂದಿದೆ. ಚಿಕನ್ ಬದಲಿಗೆ ಯಾವುದೋ ಸಣ್ಣ ಟವೆಲ್ ಒಂದನ್ನು ಫ್ರೈ ಮಾಡಿ ಕಳುಹಿಸಿಕೊಡಲಾಗಿದೆ. ಈ ಕುರಿತಾಗಿ ಅಲಿಕ್ ಫೇಸ್ಬುಕ್ನಲ್ಲಿ ಸಂಪೂರ್ಣ ಮಾಹಿತಿ ಹಂಚಿಕೊಂಡಿದ್ದಾಳೆ. ತಾನು ಮಾಡಿದ್ದ ಆರ್ಡರ್ನ ಸ್ಕ್ರೀನ್ಶಾಟ್ ಹಾಗೂ ಬಂದಿರುವ ಫುಡ್ನ ಫೋಟೋ ಮತ್ತು ವಿಡಿಯೋವನ್ನೂ ಹಂಚಿಕೊಂಡಿದ್ದಾಳೆ. (ಏಜೆನ್ಸೀಸ್)
ಬಾಸ್ ಮರ್ಮಾಂಗವನ್ನೇ ಕತ್ತರಿಸಿ ಪೊಲೀಸರಿಗೆ ಕರೆ ಮಾಡಿದ ಮಹಿಳೆ! ಕಾರಣ ಕೇಳಿ ಬೆಚ್ಚಿಬಿದ್ದ ಪೊಲೀಸ್