ಕಾಶ್ಮೀರದಲ್ಲಿ ಭಾರಿ ಎನ್‌ಕೌಂಟರ್.. ಮೋಸ್ಟ್ ವಾಂಟೆಡ್ ಭಯೋತ್ಪಾದಕ ಸೇರಿ ಮೂವರ ಹತ್ಯೆ

ನವದೆಹಲಿ: ಕಾಶ್ಮೀರದ ಕುಲ್ಗಾಮ್ ಜಿಲ್ಲೆಯಲ್ಲಿ ಬುಧವಾರ ರಾತ್ರಿ ಭದ್ರತಾ ಪಡೆಗಳು ಮತ್ತು ಭಯೋತ್ಪಾದಕರ ನಡುವೆ ಗುಂಡಿನ ಚಕಮಕಿ ನಡೆದಿದ್ದು, ರಾಷ್ಟ್ರೀಯ ತನಿಖಾ ಸಂಸ್ಥೆ(ಎನ್‌ಐಎ)ಗೆ ಬೇಕಾಗಿದ್ದ ಮೋಸ್ಟ್ ವಾಂಟೆಡ್ ಭಯೋತ್ಪಾದಕ ಸೇರಿದಂತೆ ಮತ್ತಿಬ್ಬರು ಭಯೋತ್ಪಾದಕರು ಎನ್‌ಕೌಂಟರ್ ನಲ್ಲಿ ಹತರಾಗಿದ್ದಾರೆ.

ಇದನ್ನೂ ಓದಿ:ವ್ಹಾವ್​.. ಅಮೆರಿಕಾದಲ್ಲೂ ಇದೇ ದೃಶ್ಯ.. ಭಾರತೀಯರಿಗೆ ಅಚ್ಚರಿ!

ದಕ್ಷಿಣ ಕಾಶ್ಮೀರದ ಕುಲ್ಗಾಮ್‌ನ ರೆಡ್ವಾನಿ ಪಯೆನ್ ಪ್ರದೇಶದಲ್ಲಿ ಭದ್ರತಾ ಪಡೆಗಳು ಸೋಮವಾರ ತಡರಾತ್ರಿ ಶೋಧ ಕಾರ್ಯಾಚರಣೆಯನ್ನು ಆರಂಭಿಸಿದ್ದವು. ಇದು ಬುಧವಾರ ರಾತ್ರಿವರೆಗೂ ಮುಂದುವರಿದಿತ್ತು. ಈ ವೇಳೆ ಮೂವರು ಉಗ್ರರು ಭದ್ರತಾ ಪಡೆಗಳನ್ನು ಎದುರಿಸಿದರು. ಇದು ಎರಡೂ ಕಡೆಯಿಂದ ಗುಂಡಿನ ದಾಳಿಗೆ ಕಾರಣವಾಯಿತು. ಕಾರ್ಯಾಚರಣೆಯಲ್ಲಿ ಅಂತಿಮವಾಗಿ ಮೂವರು ಉಗ್ರರು ಹತರಾಗಿದ್ದಾರೆ.

ವಾಂಟೆಡ್ ಭಯೋತ್ಪಾದಕ ಬಸಿತ್ ಅಹ್ಮದ್ ದಾರ್, ಲಷ್ಕರ್-ಎ-ತೊಯ್ಬಾದ ಮೊಮಿನ್ ಗುಲ್ಜಾರ್ ಮತ್ತು ಫಹೀಮ್ ಅಹ್ಮದ್ ಬಾಬಾ ಮೃತ ಭಯೋತ್ಪಾದಕರು.

ಇವರು 18 ಮಂದಿ ಹತ್ಯೆಗೆ ಕಾರಣರಾಗಿದ್ದರು. ಇಂತಹ ದುಷ್ಕರ್ಮಿಗಳನ್ನು ಎನ್‌ಕೌಂಟರ್ ಮಾಡಿರುವುದು ದೊಡ್ಡ ಯಶಸ್ಸು ಎಂದು ಭದ್ರತಾ ಪಡೆಗಳು ತಿಳಿಸಿವೆ.

ಮೇ 4 ರಂದು ಪೂಂಚ್ ಜಿಲ್ಲೆಯಲ್ಲಿ ಭದ್ರತಾ ಪಡೆಗಳನ್ನು ಗುರಿಯಾಗಿಸಿಕೊಂಡು ದಾಳಿಯಲ್ಲಿ ಭಾರತೀಯ ವಾಯುಪಡೆಯ ಅಧಿಕಾರಿಯೊಬ್ಬರು ಮೃತಪಟ್ಟಿದ್ದರು.

https://www.vijayavani.net/iit-madras-which-created-history-has-received-donations-of-rs-513-crores