ಚಕ್ರಬಡ್ಡಿ ಮೊತ್ತವನ್ನು ನವೆಂಬರ್ 5ರೊಳಗೆ ಸಾಲಗಾರರ ಖಾತೆಗಳಿಗೆ ಜಮಾ ಮಾಡುವಂತೆ ಬ್ಯಾಂಕ್ ಮತ್ತು ಇತರ ಸಂಸ್ಥೆಗಳಿಗೆ ಸರ್ಕಾರ ಸೂಚಿಸಿದೆ. ಇದು ಮಾರಟೋರಿಯಂನ ಆರು ತಿಂಗಳ ಅವಧಿಯ ಚಕ್ರಬಡ್ಡಿ ಮತ್ತು ಸರಳ ಬಡ್ಡಿ ನಡುವಿನ ವ್ಯತ್ಯಾಸವಾಗಿರುತ್ತದೆ. ಸಾಲದಾತ ಬ್ಯಾಂಕ್, ಇತರ ಸಂಸ್ಥೆಗಳು ಚಕ್ರಬಡ್ಡಿಯ ರೀಇಂಬರ್ಸ್ಗಾಗಿ ಡಿಸೆಂಬರ್ 15ರೊಳಗೆ ಅರ್ಜಿ ಸಲ್ಲಿಸಬೇಕಾಗುತ್ತದೆ. ಆದರೆ ಸರ್ಕಾರ ಹಣ ಜಮೆ ಮಾಡುವ ದಿನಾಂಕವನ್ನು ಇನ್ನೂ ನಿರ್ಧರಿಸಲಾಗಿಲ್ಲ. ಎರಡು ಕೋಟಿ ರೂಪಾಯಿ ವರೆಗಿನ ಅರ್ಹ ಸಾಲಗಳ ಮೇಲಿನ ಚಕ್ರಬಡ್ಡಿ ಸಹಿತ ಬಡ್ಡಿಯನ್ನು ಸಂಪೂರ್ಣ ಮನ್ನಾ ಮಾಡಿದರೆ 1.5 ಲಕ್ಷ ಕೋಟಿ ರೂಪಾಯಿವರೆಗೆ ಹೊರೆಯಾಗಿ ಸರ್ಕಾರ ಮತ್ತು ಆರ್ಥಿಕ ಕ್ಷೇತ್ರಕ್ಕೆ ಸವಾಲಾಗುತ್ತಿತ್ತು ಎಂದು ಕ್ರಸಿಲ್ ಅಭಿಪ್ರಾಯಪಟ್ಟಿದೆ. (ಏಜೆನ್ಸೀಸ್)
