ಅಜ್ಜ, ತಂದೆ, ತಾಯಿ ಸರ್ಕಾರಿ ಸೇವೆಯಲ್ಲಿದ್ದವರೇ. ಪ್ರಸ್ತುತ ಪತ್ನಿ, ಚಿಕ್ಕಪ್ಪ ಕೂಡ ಐಎಎಸ್ ಆಫೀಸರ್. ಹೀಗೆ ಕುಟುಂಬ ಸದಸ್ಯರೆಲ್ಲಾ ಒಂದಲ್ಲಾ ಒಂದು ಉನ್ನತ ಹುದ್ದೆ ಅಲಂಕರಿಸಿದ್ದಾರೆ. ಐಎಎಸ್ ಆಫೀಸರ್ ಆಗುವ ಮೊದಲು ಇವರು ಕೂಡ ವಾರನ್ ಬೆಟ್ ಕಂಪೆನಿಯಲ್ಲಿ ಕೆಲಸ ಮಾಡುವ ಅವಕಾಶ ಪಡೆದಿದ್ದರು. ಒಳ್ಳೆಯ ಸಂಬಳವಿತ್ತು. ಆದರೆ ಟಿಪಿಕಲ್ ಕಾರ್ಪೊರೇಟ್ ಲೈಫ್ ಎಂಜಾಯ್ ಮಾಡುವ ಬದಲು ತಾನೊಬ್ಬ ಒಳ್ಳೆಯ ಅಧಿಕಾರಿಯಾಗಿ ಜನರ ಸೇವೆ ಮಾಡಬೇಕೆಂಬ ಅಭಿಲಾಷೆಯಿಂದ ಯುಪಿಎಸ್ಸಿ ಪರೀಕ್ಷೆಯಲ್ಲಿ ಒಳ್ಳೆಯ ಅಂಕ ಗಳಿಸಿ, ಆ ನಂತರ ವಿವಿಧೆಡೆ ಏಳು ವರ್ಷಗಳ ಕಾಲ ಸೇವೆಸಲ್ಲಿಸಿ ಪ್ರಸ್ತುತ ಹಾವೇರಿ ಜಿ.ಪಂ.ನಲ್ಲಿ ಸಿಇಒ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ ಮೊಹಮ್ಮದ್ ರೋಶನ್.
-ಅಶ್ವಿನಿ ಎಚ್.ಆರ್.
ಮೂರನೇಪ್ರಯತ್ನದಲ್ಲಿ ಯಶಸ್ವಿ
ಮೊಹಮ್ಮದ್ ರೋಶನ್ ಹೈದರಾಬಾದ್ ಮೂಲದವರು. ತಂದೆ ತಾಯಿ ಇಬ್ಬರೂ ವೈದ್ಯರು. ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣವನ್ನು ಹೈದರಾಬಾದ್ನಲ್ಲಿಯೇ ಮುಗಿಸಿದರು. ಆ ನಂತರ ಪದವಿಯಲ್ಲಿ ಇಂಜಿನಿಯರಿಂಗ್ ಹಾಗೂ ಎಂಬಿಎನಲ್ಲಿ ಸ್ನಾತಕೋತ್ತರ ಪದವಿ ಪಡೆದರು. ಕುಟುಂಬದವರೆಲ್ಲಾ ಸಿವಿಲ್ ಸರ್ವೀಸ್ನಲ್ಲಿ ಇದ್ದುದರಿಂದ ತಾನು ಕೂಡ ಒಮ್ಮೆ ಪ್ರಯತ್ನಿಸೋಣವೆಂದು ಇಂಜಿನಿಯರಿಂಗ್ 4ನೇ ವರ್ಷದಲ್ಲಿದ್ದಾಗ ಪರೀಕ್ಷೆಗೆ ಸಿದ್ಧತೆ ಶುರು ಮಾಡಿಕೊಳ್ಳಲಾಯಿತು. ಪ್ರಥಮ ಪ್ರಯತ್ನದಲ್ಲಿ ಪ್ರಿಲಿಮ್ಸ್ನಲ್ಲಿ ಯಶಸ್ವಿಯಾದರೂ, ಮುಖ್ಯ ಪರೀಕ್ಷೆಯಲ್ಲಿ ಆಗಲಿಲ್ಲ. ಮತ್ತೆ ಎಂಬಿಎ ಮಾಡುವಾಗ ಎರಡನೇ ಹಾಗೂ ಮೂರನೇ ಪ್ರಯತ್ನ ಮಾಡಿದರು. ಆದರೆ ಮೂರನೇ ಪ್ರಯತ್ನದಲ್ಲಿ ಯಶ ಕಂಡರು. 2014ರಲ್ಲಿ 44ನೇ ರ್ಯಾಂಕ್ ಪಡೆಯುವ ಮೂಲಕ ಅತ್ಯುತ್ತಮ ಅಂಕ ಪಡೆದರು. ಸಂದರ್ಶನದಲ್ಲಿಯೂ ಸಹ ಒಳ್ಳೆಯ ಮಾರ್ಕ್ಸ್ ಬಂತು.
ಅಧಿಕಾರಿ ಆಗುವ ಮುನ್ನ…
ಯಪಿಎಸ್ಸಿ ಪರೀಕ್ಷೆ ಬರೆದು, ಲಿತಾಂಶ ಬರುವ ಕೆಲವೇ ದಿನಗಳಿರುವಾಗ ವಾರನ್ ಬೆಟ್ ಕಂಪೆನಿಯಲ್ಲಿ ರೋಶನ್ ಅವರಿಗೆ ಕ್ಯಾಂಪಸ್ ಸೆಲೆಕ್ಷನ್ನಲ್ಲಿ ಒಳ್ಳೆಯ ಕೆಲಸ ಸಿಕ್ಕಿತು. ಸಂಬಳ ಕೂಡ ಚೆನ್ನಾಗಿತ್ತು. ಆದರೆ ಒಂದು ತಿಂಗಳು ಕೆಲಸ ಮಾಡಿದ ನಂತರ ಆ ಕೆಲಸ ಬಿಟ್ಟರು. “ಕಾರ್ಪೊರೇಟ್ ಕಂಪನಿಯಲ್ಲಿ ಕೆಲಸ ಮಾಡಿದ್ದರೆ, ಈ ತರಹ ಜನರ ಸೇವೆ ಮಾಡುವ ಅವಕಾಶ ಸಿಗುತ್ತಿರಲಿಲ್ಲ. ಉದ್ದೇಶಪೂರ್ವಕವಾಗಿ ಖಾಸಗಿ ಕಂಪನಿ ಕೆಲಸ ಬಿಟ್ಟು, ಗ್ರಾಮೀಣ ಭಾಗದಲ್ಲಿ ಕೆಲಸಗಳನ್ನು ಮಾಡಲು, ವಿಶೇಷವಾಗಿ ಅಲ್ಲಿಯ ಜನರ ಸಮಸ್ಯೆ ಬಗೆಹರಿಸಲು ಈ ಹುದ್ದೆಯನ್ನು ಆಯ್ಕೆ ಮಾಡಿಕೊಂಡೆ. ಜನರು ಹಾಗೂ ವಿವಿಧ ಸಂ ಸಂಸ್ಥೆಗಳ ಜತೆ ಇದ್ದು, ಅವರ ಕಷ್ಟಗಳನ್ನು ಬಗೆಹರಿಸುವುದು ನನ್ನ ಮುಖ್ಯ ಉದ್ದೇಶವೆನ್ನುತ್ತಾರೆ’ ರೋಶನ್.
ಯಾರು ಐಎಎಸ್ ಅಧಿಕಾರಿಯಾಗಲು ಸಾಧ್ಯ?
ಸೋಲೇ ಗೆಲುವಿನ ಮೆಟ್ಟಿಲು. ನಾನೇಕೆ ಸೋತೆ ಎನ್ನುವ ವಿಷಯ ವಿಮರ್ಶೆ ಮಾಡಿ, ಆ ನಂತರ ಅದರ ಕಡೆ ಗಮನ ಕೇಂದ್ರಿಕರಿಸಿದಾಗ ಪರೀಕ್ಷೆಯಲ್ಲಿ ಯಶಸ್ಚಿಯಾಗಬಹುದು. ವಿಶೇಷವಾಗಿ ಐಎಎಸ್ ಅಧಿಕಾರಿಯಾಗಬೇಕೆನ್ನುವ ಅಭ್ಯರ್ಥಿಗಳಿಗೆ ಬಲವಾದ ಪ್ಯಾಶನ್ ಇರಬೇಕು.
ಬಿಸಿಲು, ಮಳೆ ಎನ್ನದೆ ಕೆಲಸ ಮಾಡಲು ಸಿದ್ಧರಿರಬೇಕು. ಎರಡನೇ ಮುಖ್ಯ ಅಂಶವೆಂದರೆ ಐಎಎಸ್ ಅಧಿಕಾರಿಯಾಗಬೇಕೆನ್ನುವವರು ಪ್ರತಿ ದಿನಾ ಬೇರೆ ಬೇರೆ ವಿಚಾರಗಳ ಬಗ್ಗೆ ಕೆಲಸ, ಚರ್ಚೆ ಮಾಡಬೇಕಾಗುತ್ತದೆ. ಇದು ಡೈನಾಮಿಕ್ ವೃತ್ತಿ. ಒಂದು ಗಂಟೆ ಶಿಕ್ಷಣವಾದರೆ, ಮತ್ತೊಂದು ಗಂಟೆಗೆ ಮಹಿಳಾ ಮತ್ತು ಕಲ್ಯಾಣ ಅಭಿವೃದ್ಧಿ ಇಲಾಖೆ ನೋಡಬೇಕು, ತದನಂತರ ಟೂರಿಸಂ. ಹೀಗೆ ವಿಪರೀತ ವೈವಿಧ್ಯತೆಗಳಿರುತ್ತವೆ. ಆದ್ದರಿಂದ ಪ್ಯಾಶನ್ ಇರುವವರು ಈ ಹುದ್ದೆಗೆ ಬರಬೇಕು. ಮೂರನೇ ಆಂಶ ಐಎಎಸ್ ಜಾಬ್ ಅಂದರೆ ಅದು ಹೈಯರ್ ರೈಟಿಂಗ್. ಪ್ರತಿ ನಿಮಿಷ, ಹಗಲು ರಾತ್ರಿ ಕರೆಗಳು ಬರುತ್ತವೆ. ಜನರನ್ನು ಭೇಟಿಯಾಗಬೇಕು, ಫೀಲ್ಡ್ಗೆ ಹೋಗಬೇಕು. ಹಾಗಾಗಿ ಇದಕ್ಕೆಲ್ಲಾ ಸಿದ್ಧವಿರುವವರು ಈ ಕೆಲಸವನ್ನು ಆರಿಸಿಕೊಂರೆ ಒಳ್ಳೆಯದು ಎನ್ನುವುದು ರೋಶನ್ ಅವರ ಅಭಿಪ್ರಾಯ.
ಈ ಸಮಯದಲ್ಲಿ ಕೋಚಿಂಗ್ ಬೇಕು…
“ನನ್ನ ಪ್ರಕಾರ ಮೊದಲನೇ ಹೆಜ್ಜೆಯೇ ಕೋಚಿಂಗ್ ಅಲ್ಲ, ಕೋಚಿಂಗ್ ಇಂಟರ್ಮಿಡಿಯೇಟ್ ಸ್ಟೆಪ್. ಮೊಟ್ಟಮೊದಲಿಗೆ ಸೆಲ್ಫ ಸ್ಟಡಿ ಮಾಡ್ಬೇಕು. ದಿನಪತ್ರಿಕೆ ಓದಬೇಕು, ಯುಪಿಎಸ್ಸಿಯಲ್ಲಿ ಎನ್ಸಿಇಆರ್ಟಿ ಪಠ್ಯಪುಸ್ತಕಗಳಲ್ಲಿ ಬಂದಿರುವುದನ್ನೇ ಕೇಳುವುದು. ಪುಸ್ತಕಗಳನ್ನು ಓದಿ, ಅರ್ಥವಾಗದಿದ್ದರೆ ಆಗ ಕಾಲೇಜು ವಿಶ್ವವಿದ್ಯಾಲಯದ ಪ್ರೊೆಸರ್ ಹತ್ತಿರ ಹೋಗಿ, ಟಾಪಿಕ್ ಬಗ್ಗೆ ಕೇಳಿ. ಇದನ್ನು ಮೀರಿಯೂ ಅರ್ಥವಾಗದಿದ್ದರೆ ಕೋಚಿಂಗ್ ಹೋಗಬೇಕು. ನಾನು ಕೂಡ ಆಂತ್ರೋಪಾಲಜಿಯಲ್ಲಿ ಕೆಲವು ವಿಷಯಗಳು ಅರ್ಥವಾಗದಿದ್ದಾಗ ನಮ್ಮ ಪ್ರಾಧ್ಯಪಕರ ಬಳಿ ಆ ವಿಷಯದ ಬಗ್ಗೆ ಕೋಚಿಂಗ್ ತೆಗೆದುಕೊಂಡೆ’.
ಪ್ಲಾನ್ ಹೀಗಿರಲಿ…
ಈಗ ಎಲ್ಲ ವಿಷಯಗಳು ಆನ್ಲೈನ್ನಲ್ಲಿ ಸಿಗುತ್ತಿವೆ. ಎಲ್ಲ ವಿಷಯಗಳನ್ನು ಆನ್ಲೈನ್ನಲ್ಲಿ ಹುಡುಕಬಹುದು. ಯುಪಿಎಸ್ಸಿ ಆಯ್ಕೆ ಮಾಡಿಕೊಂಡಿದ್ದೇವೆ ಎಂದರೆ ಅದಕ್ಕೆ 100% ಶ್ರಮ ಹಾಕಬೇಕು. ಕಾಲೇಜಿಗೆ ಹೋಗಿ ವಾಪಸ್ ಬಂದ ಮೇಲೂ ಓದಬಹುದು. ನೀವು ಕೆಲಸ ಮಾಡಿಕೊಂಡಿಯೂ ಓದಬಹುದು. ದಿನಕ್ಕೆ ಐದು ತಾಸದರೂ ಓದಬೇಕಾಗುತ್ತದೆ. ಸಮಯ ನಿಗದಿಮಾಡಿಕೊಳ್ಳಬೇಕು. ಸ್ಥಿರತೆ ಮುಖ್ಯ. ದಿನಪತ್ರಿಕೆಗಳನ್ನು ಯುಪಿಎಸ್ಸಿ ಅಭ್ಯರ್ಥಿ ವಿಶ್ಲೇಷಿಸುವ ರೀತಿ, ದೃಷ್ಟಿಕೋನ ಬೇರೆ ತರಹ ಇರಬೇಕು. ಮಾಮೂಲಿಯಾಗಿರಬಾರದು. ವಿವರಗಳನ್ನು ನೋಡಬೇಕು. ದಿನಪತ್ರಿಕೆಗಳನ್ನು ಪುಸ್ತಕದ ರೀತಿ ಓದಬೇಕು. ನಿಧಾನವಾಗಿ ಒಂದು ವರ್ಷದಲ್ಲಿ ಎಲ್ಲದನ್ನು ಕವರ್ ಮಾಡುವ ರೀತಿ ಪ್ಲಾನ್ ಮಾಡಬೇಕು. ಆಗ ಯಶಸ್ಸು ಸಿಗುವ ಸಾಧ್ಯತೆ ಹೆಚ್ಚಿರುತ್ತದೆ ಎನ್ನುತ್ತಾರೆ ರೋಶನ್.