Black Box ಬಗ್ಗೆ ಬಿಗ್​​ ಅಪ್ಡೇಟ್​​ ಕೊಟ್ಟ ಸಚಿವ ರಾಮ್​ ಮೋಹನ್​​ ನಾಯ್ಡು: ವಿಮಾನ ದುರಂತದ ಬಗ್ಗೆ ಹೇಳಿದ್ದೇನು?

Black Box: ಆಹಮದಾಬಾದ್​ನಲ್ಲಿ ಜೂ.12ರಂದು ನಡೆದ ಏರ್​ ಇಂಡಿಯಾ ವಿಮಾನ ದುರಂತದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಕೆಲ ಮಾಹಿತಿಯನ್ನು ವಿಮಾನಯಾನ ನಾಗರಿಕ ಸಚಿವ ರಾಮ್​​ಮೋಹನ್​ ನಾಯ್ಡು ಶನಿವಾರ ಸುದ್ದಿಗಾರರ ಜತೆ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ:KKRDB ಗೆ 13 ಸಾವಿರ ಕೋಟಿ ರೂ. ಅನುದಾನ ನೀಡಿ ನಮ್ಮ ಸರ್ಕಾರ ದಾಖಲೆ ನಿರ್ಮಿಸಿದೆ: ಸಿಎಂ ಸಿದ್ದರಾಮಯ್ಯ

ಪತನಗೊಂಡ ವಿಮಾನದ ಕಪ್ಪು ಪೆಟ್ಟಿಗೆಯ(ಬ್ಲಾಕ್​​ ಬಾಕ್ಸ್​) ಡೇಟಾವನ್ನು ಡಿಕೋಡ್ ಮಾಡಲಾಗುತ್ತಿದೆ. ಆದರೆ ಅನೇಕ ಸಂಸ್ಥೆಗಳು ಮತ್ತು ಉನ್ನತ ಮಟ್ಟದ ಸಮಿತಿಗಳು ಘಟನೆಯ ಬಗ್ಗೆ ವ್ಯಾಪಕ ತನಿಖೆ ನಡೆಸುತ್ತಿವೆ. ಕಪ್ಪು ಪೆಟ್ಟಿಗೆಯ ದತ್ತಾಂಶವು ಅಪಘಾತದ ಕಾರಣದ ಬಗ್ಗೆ ನಿರ್ಣಾಯಕ ಮಾಹಿತಿಯನ್ನು ಒದಗಿಸುವ ನಿರೀಕ್ಷೆಯಿದೆ ಎಂದಿದ್ದಾರೆ.

ಇದನ್ನೂ ಓದಿ:ಓವರ್ ಲೋಡ್ ಆಟೋಗಳಿಗೆ ಪೊಲೀಸರಿಂದ ದಂಡ / ಸಂಚಾರಿ ನಿಯಮಗಳ ಪಾಲನೆ ಮುಂದಾದ ಪೋಲಿಸರು

"ಕಪ್ಪು ಪೆಟ್ಟಿಗೆಯ ಈ ಡಿಕೋಡಿಂಗ್ ಅಪಘಾತದ ಸಮಯದಲ್ಲಿ ಅಥವಾ ಅಪಘಾತಕ್ಕೆ ಕೆಲವು ಕ್ಷಣಗಳ ಮೊದಲು ನಿಜವಾಗಿ ಏನಾಯಿತು ಎಂಬುದರ ಬಗ್ಗೆ ಆಳವಾದ ಒಳನೋಟವನ್ನು ನೀಡುತ್ತದೆ ಎಂದು ವಿಮಾನ ಅಪಘಾತ ತನಿಖಾ ಬ್ಯೂರೋ(AAIB) ತಂಡ ನಂಬುತ್ತದೆ. AAIB ತನ್ನ ಸಂಪೂರ್ಣ ತನಿಖೆಯನ್ನು ಪೂರ್ಣಗೊಳಿಸಿದ ನಂತರ ಫಲಿತಾಂಶಗಳು ಅಥವಾ ವರದಿ ಏನಾಗಲಿದೆ ಎಂದು ನಾವು ಕುತೂಹಲದಿಂದ ಕಾಯುತ್ತಿದ್ದೇವೆ" ಎಂದರು.

ಘಟನೆ ಹಿನ್ನೆಲೆ

ಜೂ.12ರ ಮಧ್ಯಾಹ್ನ ಸರ್ದಾರ್ ವಲ್ಲಭಭಾಯಿ ಪಟೇಲ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ 242 ಪ್ರಯಾಣಿಕರು ಮತ್ತು ಸಿಬ್ಬಂದಿಗಳನ್ನು ಹೊತ್ತೊಯ್ಯುತ್ತಿದ್ದ ಬೋಯಿಂಗ್ 787 ಡ್ರೀಮ್‌ಲೈನರ್ (AI-171) ವಿಮಾನವು ಮೇಘನಿನಗರದಲ್ಲಿರುವ ವೈದ್ಯಕೀಯ ಹಾಸ್ಟೆಲ್ ಮತ್ತು ಅದರ ಕ್ಯಾಂಟೀನ್ ಸಂಕೀರ್ಣಕ್ಕೆ ಅಪ್ಪಳಿಸಿತು. ಈ ಅಪಘಾತದಲ್ಲಿ ಒಟ್ಟು 270 ಜನರು ಸಾವನ್ನಪ್ಪಿದರು.(ಏಜೆನ್ಸೀಸ್​​)

https://www.vijayavani.net/newly-engaged-couple-among-those-killed-in-air-india-crash

https://www.vijayavani.net/plane-crash-daughter-breaks-down-at-bjmc-says-ill-pay-rs-2-crore-to-tata-group-just-bring-my-dad-back