ಕುಕ್ಕೆಯ ಭೋಜನ ಪ್ರಸಾದ ಎಸೆದ ವಲಸೆ ಕಾರ್ಮಿಕರು!

ಸುಬ್ರಹ್ಮಣ್ಯ: ಲಾಕ್‌ಡೌನ್ ಹಿನ್ನೆಲೆಯಲ್ಲಿ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ವಸತಿಗೃಹದಲ್ಲಿ ವಲಸೆ ಕಾರ್ಮಿಕರಿಗೆ ವಸತಿ ಹಾಗೂ ದೇವಸ್ಥಾನದಿಂದ ಉಚಿತ ಭೋಜನ ವ್ಯವಸ್ಥೆ ಮಾಡಲಾಗಿದೆ.

ಆದರೆ ಈ ವಲಸೆ ಕಾರ್ಮಿಕರು ಭೋಜನ ಪ್ರಸಾದಕ್ಕೆ ನೀಡಬೇಕಾದ ಗೌರವವನ್ನು ನೀಡದೇ ಚೆಲ್ಲಿದ ಘಟನೆ ಸೋಮವಾರ ನಡೆದಿದೆ.

ಇದನ್ನೂ ಓದಿ ಇತರ ಕಾಯಿಲೆಗಳ ಚಿಕಿತ್ಸೆಗಾಗಿ ಖಾಸಗಿ ಆಸ್ಪತ್ರೆಗಳ ಪುನರಾರಂಭ: ಮೋದಿ ವಿಡಿಯೋ ಕಾನ್ಫರೆನ್ಸ್‌ನಲ್ಲಿ ಬಿಎಸ್‌ವೈ

ಹೀಗೇಕೆ ಮಾಡಿದಿರಿ ಎಂದು ದೇವಸ್ಥಾನದ ಆಡಳಿತದವರು ಆ ವಲಸೆ ಕಾರ್ಮಿಕರನ್ನು ವಿಚಾರಿಸಿದ್ದಾರೆ. ‘‘ನಾವು ಅನ್ನ ತಿನ್ನುವುದಿಲ್ಲ’’ ಎಂದ ಕಾರ್ಮಿಕರು, ಚಪಾತಿಯ ಬೇಡಿಕೆಯಿಟ್ಟಿದ್ದಾರೆ.

ಈ ಹಿನ್ನೆಲೆಯಲ್ಲಿ ಅವರಿಗೆ ಭೋಜನ ಪ್ರಸಾದದ ಬದಲು ಚಪಾತಿ ಊಟದ ವ್ಯವಸ್ಥೆಯನ್ನು ಮಾಡಲಾಗಿದೆ. ಸುಬ್ರಹ್ಮಣ್ಯ ದೇವಳದ ವಸತಿಗೃಹದಲ್ಲಿ ಉಪ್ಪಿನಂಗಡಿಯಿಂದ ಕರೆತಂದು ಆಶ್ರಯ ನೀಡಿದ ಕಾರ್ಮಿಕರು ದೇವರ ಭೋಜನ ಪ್ರಸಾದ ಎಸೆಯುವುದಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವಿರೋಧ ವ್ಯಕ್ತವಾಗಿದೆ. ಈ ಎಲ್ಲ ಕಾರ್ಮಿಕರು ರೈಲಿನಲ್ಲಿ ಮಂಗಳವಾರ ಊರಿಗೆ ತೆರಳಲಿದ್ದಾರೆ.

https://www.vijayavani.net/sania-mirza-donates-the-fed-cup-heart-award-to-cm-relief-fund/