ಎರಡು ಹೆಣ್ಣು ಮಕ್ಕಳ ತಂದೆಯಾಗಿರುವ ನೊಬ್ಸ್ 1984ರ ಒಲಿಂಪಿಕ್ಸ್ನಲ್ಲಿ ಆಸ್ಟ್ರೆಲಿಯಾ ಹಾಕಿ ತಂಡದ ಭಾಗವಾಗಿದ್ದರು. 2011 ರಿಂದ 2013ರವರೆಗೆ ಭಾರತ ತಂಡದ ಕೋಚ್ ಆಗಿದ್ದ ಅವರು, 2012ರಲ್ಲಿ ಭಾರತ ತಂಡ ಒಲಿಂಪಿಕ್ಸ್ಗೆ ಅರ್ಹತೆ ಗಿಟ್ಟಿಸಿಕೊಳ್ಳುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. 2008ರ ಬೀಜಿಂಗ್ ಒಲಿಂಪಿಕ್ಸ್ಗೆ ಭಾರತ ಅರ್ಹತೆ ಪಡೆಯಲು ವಿಲವಾಗಿತ್ತು. ತಮ್ಮ ಇಬ್ಬರು ಮಕ್ಕಳಾದ ಕೈಟ್ಲಿನ್ ಹಾಗೂ ಜೈಮೀಗೆ ನೊಬ್ಸ್ ಅವರೇ ಕೋಚ್ ಆಗಿದ್ದರು. ಕೈಟ್ಲಿನ್ ಆಸ್ಟ್ರೆಲಿಯಾ ಮಹಿಳಾ ಹಾಕಿ ತಂಡದ ಪ್ರಮುಖ ಸದಸ್ಯರಾಗಿದ್ದಾರೆ. ಮಗಳು ಟೋಕಿಯೊ ಒಲಿಂಪಿಕ್ಸ್ ಸಿದ್ಧತೆಯಲ್ಲಿದ್ದಳು, ಈ ವೇಳೆ ಮಾರ್ಚ್ ತಿಂಗಳಲ್ಲಿ ನನಗೆ ಶ್ವಾಸಕೋಶದಲ್ಲಿ ಸಮಸ್ಯೆ ಕಂಡು ಬಂತು. ಚಿಕಿತ್ಸೆ ಪಡೆಯಲು ವೈದ್ಯರ ಬಳಿ ಹೋದಾಗ ಕ್ಯಾನ್ಸರ್ ಇರುವುದು ಪತ್ತೆಯಾಯಿತು. ತಕ್ಷಣವೇ ಶಸ್ತ್ರ ಚಿಕಿತ್ಸೆಗೆ ಒಳಗಾದೆ ಎಂದು ನೊಬ್ಸ್ ಹೇಳಿದ್ದಾರೆ.
