ಮುಂಬೈ: ಸಾಮಾನ್ಯವಾಗಿ ಸ್ಟಾರ್ ನಟರ ಮಕ್ಕಳು ದೊಡ್ಡ ಆಫರ್ಗಳನ್ನಯ ಕೈಯಲ್ಲಿ ಇಟ್ಟುಕೊಂಡು ಚಿತ್ರರಂಗವನ್ನು ಪ್ರವೇಶಿಸುತ್ತಾರೆ. ಇವರಿಗಾಗಿಯೇ ಖ್ಯಾತ ನಿರ್ಮಾಪಕರು ಹಾಗೂ ನಿರ್ದೇಶಕರು ಸಿನಿಮಾ ಮಾಡಲು ಮುಂದಾಗುತ್ತಾರೆ. ಕೆಲವರಿಗೆ ಲಕ್ ಕೈ ಹಿಡಿದರೆ ಇನ್ನೂ ಕೆಲವರಿಗೆ ಅದೃಷ್ಟ ಅಷ್ಟಾಗಿ ಖುಲಾಯಿಸುವುದಿಲ್ಲ. ಆದರೆ, ಇಲ್ಲೊಬ್ಬ ನಟಿ ಬಾಲಿವುಡ್ನಲ್ಲಿ ನಡೆದು ಬಂದ ರೀತಿ ಮಾತ್ರ ಎಲ್ಲರ ಹುಬ್ಬೇರುವಂತೆ ಮಾಡಿದೆ.
ಹಿಂದಿ ಚಿತ್ರರಂಗದ ಹಿರಿಯ ನಟನ ಮಗಳಾಗಿದ್ದರು ಸಹ ಕುಟುಂಬದವರ ಸಹಾಯವಿಲ್ಲದೆ ಈ ನಟಿ ಬಾಲಿವುಡ್ನಲ್ಲಿ ತಮ್ಮದೇ ಆದ ಛಾಪನ್ನು ಮೂಡಿಸಿದ್ದಾರೆ. ನಟಿಸಿದ ಮೊದಲ ಚಿತ್ರ ಫ್ಲಾಪ್ ಆದರೂ ನಟಿ ಎದೆಗುಂದದೆ 3 ವರ್ಷದ ಬಳಿಕ ಮತ್ತೊಮ್ಮೆ ಅದೃಷ್ಟ ಪರೀಕ್ಷೆಗಿಳಿದು ಯಶಸ್ವಿಯಾದರು. ಪ್ರಸಿದ್ಧ ನಟನ ಪುತ್ರಿಯ ಹೆಸರು ಸಾಕಷ್ಟು ಜನಪ್ರಿಯವಾಗಿದ್ದು, ಒಂದೇ ಚಿತ್ರದ ಮೂಲಕ ರಾತ್ರೋರಾತ್ರಿ ಸ್ಟಾರ್ ಆದರು ಎಂದು ಹೇಳಿದರೆ ತಪ್ಪಾಗಲಾರದು.
ಇದೀಗ ನಾವು ಹೇಳಲು ಹೊರಟಿರುವ ನಟಿ ಯಾರೆಂದರೆ 2013ರಲ್ಲಿ ಆಶಿಕಿ-2 ಚಿತ್ರದಲ್ಲಿ ಆರೋಹಿ ಪಾತ್ರ ಮಾಡುವ ಮೂಲಕ ರಾತ್ರೋ ರಾತ್ರಿ ಫೇಮಸ್ ಆದ ಶ್ರದ್ಧಾ ಕಪೂರ್ ಅವರ ಬಗ್ಗೆ. ಬಾಲಿವುಡ್ನ ಹಿರಿಯ ನಟ ಶಕ್ತಿ ಕಪೂರ್ ಅವರ ಪುತ್ರಿಯಾಗಿರುವ ಇವರು ನಟನೆ ಮಾತ್ರವಲ್ಲದೆ ಗಾಯನದಲ್ಲೂ ಪ್ರಖ್ಯಾತಿ ಪಡೆದಿದ್ದಾರೆ.
ಇದನ್ನೂ ಓದಿ: ಮನಮೋಹನ್ ಸಿಂಗ್ ಅವರ ಅಧಿಕಾರವಧಿಯನ್ನು ಜನ ಈಗಲೂ ನೆನಪಿಸಿಕೊಳ್ಳತ್ತಾರೆ: ಮಲ್ಲಿಕಾರ್ಜುನ ಖರ್ಗೆ
ನಟನೆಯತ್ತ ಒಲವು ಹೊಂದಿದ್ದರೂ, ಶ್ರದ್ಧಾ ಕಪೂರ್ ಚಲನಚಿತ್ರ ಜಗತ್ತಿಗೆ ಪ್ರವೇಶಿಸುವ ಮೊದಲು ವಿದೇಶದಲ್ಲಿ ಕಾಫಿ ಶಾಪ್ ಒಂದರಲ್ಲಿ ಕೆಲಸ ಮಾಡುತ್ತ ವ್ಯಾಸಂಗ ಮಾಡುತ್ತಿದ್ದರು. 16ನೇ ವಯಸ್ಸಿಗೆ ಅವರಿಗೆ ಸಲ್ಮಾನ್ ಖಾನ್ ಚಿತ್ರದಲ್ಲಿ ನಟಿಸಲು ಆಫರ್ ಸಹ ಬಂದಿತ್ತಂತೆ. ಆದರೆ, ಓದಬೇಕಾಗಿರುವ ಕಾರಣ ಚಿತ್ರದಲ್ಲಿ ನಟಿಸಲು ಸಾಧ್ಯವಿಲ್ಲ ಎಂದು ಹೇಳಿ ಶ್ರದ್ಧಾ ಆಫರ್ ತಿರಸ್ಕರಿಸಿದ್ದರಂತೆ.
ಪ್ರತಿ ಚಿತ್ರಕ್ಕೆ 5-7 ಕೋಟಿ ರೂಪಾಯಿ ಚಾರ್ಜ್ ಮಾಡುವ ಶ್ರದ್ಧಾ ಕಪೂರ್ ಅವರ ನಿವ್ವಳ ಆಸ್ತಿ ಮೌಲ್ಯ ಸುಮಾರು 123 ಕೋಟಿ ಎಂದು ಅಂದಾಜಿಸಲಾಗಿದೆ. ಅಮರ್ ಕೌಶಿಕ್ ನಿರ್ದೇಶನದ ವರುಣ್ ಧವನ್, ರಾಜ್ಕುಮಾರ್ ರಾವ್ ನಟನೆಯ ಸ್ತ್ರೀ-2 ಚಿತ್ರದ ಚಿತ್ರೀಕರಣದಲ್ಲಿ ಶ್ರದ್ಧಾ ಕಪೂರ್ ಬ್ಯುಸಿಯಾಗಿದ್ದಾರೆ.