ಬೆಂಗಳೂರು: ಆಸ್ಟ್ರೆಲಿಯಾದ ಮಾಜಿ ಬ್ಯಾಟ್ಸ್ಮನ್ ಮ್ಯಾಥ್ಯೂ ಹೇಡನ್ ಅವರ ಪುತ್ರಿ ಗ್ರೇಸ್ ಹೇಡನ್ ಏಕದಿನ ವಿಶ್ವಕಪ್ ವೇಳೆ ಟಿವಿ ನಿರೂಪಕಿಯಾಗಿ ಹೊಸ ವೃತ್ತೀಜಿವನ ಆರಂಭಿಸಲಿದ್ದಾರೆ. ಮ್ಯಾಥ್ಯೂ ಹೇಡನ್ ನಿವೃತ್ತಿಯ ನಂತರ ಈಗಾಗಲೆ ವೀಕ್ಷಕವಿವರಣೆಕಾರರಾಗಿ ಜನಪ್ರಿಯರಾಗಿದ್ದರೆ, ಈಗ 21 ವರ್ಷದ ಗ್ರೇಸ್ ಕೂಡ “ಸ್ಟಾರ್ ಸ್ಪೋರ್ಟ್ಸ್’ ವಾಹಿನಿಯಲ್ಲಿ ಕಾರ್ಯನಿರ್ವಹಿಸಲು ಭಾರತಕ್ಕೆ ಆಗಮಿಸಿದ್ದಾರೆ.
ಭಾರತದ ಜನಪ್ರಿಯ ಟಿವಿ ನಿರೂಪಕಿ ಮಯಾಂತಿ ಲ್ಯಾಂಗರ್ಗೆ ಗ್ರೇಸ್ ಹೇಡನ್ ಸಾಥ್ ನೀಡಲಿದ್ದಾರೆ. ಇತ್ತೀಚೆಗೆ ಚೆನ್ನೈ ಬೀಚ್ಗೆ ಭೇಟಿ ನೀಡಿದ್ದ ಗ್ರೇಸ್ ಹೇಡನ್ ಬಳಿಕ ಬಿಕಿನಿ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವ ಮೂಲಕ ಸುದ್ದಿಯಾಗಿದ್ದರು. “ನನ್ನ ತಂದೆಗೆ ಭಾರತವೆಂದರೆ ಬಹಳ ಇಷ್ಟ. ಅದೇ ರೀತಿ ನಾನೂ ಅವರೊಂದಿಗೆ ಭಾರತಕ್ಕೆ ಭೇಟಿ ನೀಡುವ ಸಮಯವನ್ನು ಆನಂದಿಸುತ್ತೇನೆ’ ಎಂದು ಗ್ರೇಸ್ ಹೇಳಿಕೊಂಡಿದ್ದಾರೆ.
ಡಿಸ್ನಿ+ಹಾಟ್ಸ್ಟಾರ್ನಲ್ಲಿ ಈ ಬಾರಿ ಕನ್ನಡ ಸಹಿತ ಒಟ್ಟು 9 ಭಾಷೆಗಳಲ್ಲಿ ವೀಕ್ಷಕವಿವರಣೆ ಪ್ರಸಾರವಾಗಲಿದ್ದು, ಒಟ್ಟು 120 ವೀಕ್ಷಕ ವಿವರಣೆಕಾರರು ವಿಶ್ವಕಪ್ ವೇಳೆ ಕಾರ್ಯನಿರ್ವಹಿಸಲಿದ್ದಾರೆ.
VIDEO: ಇಶ್ ಸೋಧಿ ರನೌಟ್ ಮಾಡಿ ವಾಪಸ್ ಕರೆದ ಬಾಂಗ್ಲಾ; ಹೃದಯ ಗೆದ್ದ ಕ್ರೀಡಾಸ್ಫೂರ್ತಿ!