ವಿಮಾನ ನಿಲ್ದಾಣದಿಂದ ಓಪನ್ ಬಸ್ನಲ್ಲಿ ವಿಜಯೋತ್ಸವ ಯಾತ್ರೆ ಆರಂಭಿಸಿದ ಆಟಗಾರರನ್ನು ನೋಡಿ ಅಭಿಮಾನಿಗಳು ಖುಷಿಪಟ್ಟರು. ಸಂಭ್ರಮಾಚರಣೆ ವೇಳೆ ನೆರದಿದ್ದ ಜನಸ್ತೋಮವು ಅಂಬುಲೆನ್ಸ್ಗಾಗಿ ದಾರಿ ಮಾಡಿಕೊಡುತ್ತಿರುವ ಫೋಟೋ ಹಾಗೂ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ. ಅಭಿಮಾನಿಗಳು ಈ ಗೆಸ್ಚರ್ ಎಲ್ಲರ ಮನ ಗೆಲ್ಲುತ್ತಿದ್ದು, ಮೆಚ್ಚುಗೆಯ ಮಹಾಪೂರವೇ ಹರಿದು ಬರುತ್ತಿದೆ. ತಂಡವು ತೆರೆದ ಬಸ್ನಲ್ಲಿ ವಾಂಖೆಡೆ ಕ್ರೀಡಾಂಗಣವನ್ನು ತಲುಪಿತು. ಈ ವೇಳೆ ಅಭಿಮಾನಿಯೋರ್ವ ಆಟಗಾರರನ್ನು ನೋಡಲು ಮರವೇರಿದ್ದು, ಬಸ್ ಹತ್ತಿರ ಬಂದಾಗ ಫೋಟೋ ತೆಗೆದಿದ್ದಾನೆ. ಕೂಡಲೇ ಇದನ್ನು ನೋಡಿದ ಪೊಲೀಸರು ಆತನನ್ನು ವಶಕ್ಕೆ ಪಡೆದರು. ನಂತರ ಮೈದಾನದಲ್ಲಿ ನಡೆದ ವಿಶೇಷ ಕಾರ್ಯಕ್ರಮದಲ್ಲಿ ಬಿಸಿಸಿಐ 125 ಕೋಟಿ ಬಹುಮಾನದ ಮೊತ್ತದ ಚೆಕ್ ವಿತರಿಸಿತು. ಒಟ್ಟಿನಲ್ಲಿ ಟೀಮ್ ಇಂಡಿಯಾ ವಿಜಯೋತ್ಸವವನ್ನು ಅಭಿಮಾನಿಗಳು ಸ್ಮರಣೀಯವಾಗಿಸಿದ್ದಾರೆ.
