ಬೆಂಗಳೂರು ಮೂಲದ ಉದ್ಯಮಿಯನ್ನು ಮದುವೆಯಾಗ್ತಾರಾ ಮಾನುಷಿ ಛಿಲ್ಲರ್?

ಬೆಂಗಳೂರು: ತಮ್ಮ ಮೊದಲ ಚಿತ್ರ 'ಸಾಮ್ರಾಟ್​ ಪೃಥ್ವಿರಾಜ್​' ಬಗ್ಗೆ ವಿಶ್ವ ಸುಂದರಿ ಮಾನುಷಿ ಛಿಲ್ಲರ್​ ಬಹಳ ನಿರೀಕ್ಷೆ ಇಟ್ಟುಕೊಂಡಿದ್ದರು. ಆದರೆ, ಆ ಚಿತ್ರ ಬಾಕ್ಸ್​ ಆಫೀಸ್​ನಲ್ಲಿ ಅಷ್ಟೇನೂ ಸುದ್ದಿ ಮಾಡಲಿಲ್ಲ. ಈಗ ಇನ್ನೊಂದು ಕಾರಣಕ್ಕೆ ಮಾನುಷಿ ಸುದ್ದಿಯಲ್ಲಿದ್ದಾರೆ.

ಇದನ್ನೂ ಓದಿ: ‘ಕೆಜಿಎಫ್​’ ಎನ್ನುವುದು ಕಾನ್ಫಿಡೆನ್ಸ್​; ‘ಕಾಂತಾರ’ ಎನ್ನುವುದು ಎಮೋಷನ್​ … ರವಿಚಂದ್ರನ್​ ವ್ಯಾಖ್ಯಾನ

ನಿಖಿಲ್​ ಮತ್ತು ಮಾನುಷಿ ಕಳೆದ ವರ್ಷ ಭೇಟಿಯಾದರಂತೆ. ಕ್ರಮೇಣ ಹತ್ತಿರವಾದ ಅವರಿಬ್ಬರೂ, ಇದುವರೆಗೂ ಹಲವು ಕಡೆ ಸುತ್ತಿ ಬಂದಿದ್ದಾರಂತೆ. ಕೆಲವು ದಿನಗಳಿಂದ ಅವರಿಬ್ಬರೂ ಜತೆಯಾಗಿಯೇ ಇದ್ದಾರೆ ಎಂಬ ಸುದ್ದಿಯೂ ಇದೆ. ಆದರೆ, ಈ ಸುದ್ದಿ ಹೊರಬಿದ್ದರೆ, ಅದು ಮಾನುಷಿ ವೃತ್ತಿಜೀವನಕ್ಕೆ ಸಮಸ್ಯೆ ಆಗಬಹುದು ಎಂಬ ಅಳುಕು ಇಬ್ಬರಲ್ಲೂ ಇದೆ. ಮೊದಲೇ ಆಕೆಯ ಮೊದಲ ಚಿತ್ರ ಸೋತಿದೆ. ಇನ್ನು, ಆಕೆ ಮದುವೆ ಆಗುತ್ತಿದ್ದಾರೆ ಎಂಬ ಸುದ್ದಿ ಕೇಳಿ ಬಂದರೆ, ಆಕೆಗೆ ಆಫರ್​ಗಳು ಕಡಿಮೆಯಾಗಬಹುದು ಎಂಬ ಭಯಕ್ಕೆ ಈ ವಿಷಯವನ್ನು ಮುಚ್ಚಿಡಲಾಗಿದೆಯಂತೆ.

ಇದನ್ನೂ ಓದಿ: ಹೆದರುವ ಅವಶ್ಯಕತೆ ಇಲ್ಲ ಎಂದು ಆಶಿಕಾಗೆ ಧೈರ್ಯ ತುಂಬಿದ ರವಿಚಂದ್ರನ್

ನಿಖಿಲ್​, ಮಾನುಷಿಯನ್ನು ಮದುವೆಯಾದರೆ ಇದು ಅವರ ಎರಡನೇ ಮದುವೆಯಾದಂತಾಗುತ್ತದೆ. ಇದಕ್ಕೂ ಮುನ್ನ 2019ರಲ್ಲಿ ಅವರು ಅಮಾಂಡಾ ಪೂರ್ವಾಂಕರ ಅವರನ್ನು ಮದುವೆಯಾಗಿದ್ದರು. ಅದಾಗಿ ಒಂದು ವರ್ಷದಲ್ಲೇ ಅವರಿಬ್ಬರ ಮದುವೆ ಮುರಿದ್ದು ಬಿದ್ದಿತ್ತು. ಈಗ ಮಾನುಷಿಯತ್ತ ನಿಖಿಲ್​ ಆಕರ್ಷಿತರಾಗಿದ್ದಾರೆ ಎಂದು ಹೇಳಲಾಗುತ್ತಿದೆ.

https://www.vijayavani.net/three-films-of-achyuth-kumar-to-release-this-week/