ಮುಂಬೈ: ಬಾಲಿವುಡ್ ನಟರಾದ ಶಾರೂಖ್ ಖಾನ್ ಮತ್ತು ಮನೋಜ್ ಬಾಜ್ಪೇಯಿ ಇಬ್ಬರೂ ಜತೆಯಾಗಿ ನಟಿಸಿದ್ದು ಒಂದೇ ಚಿತ್ರದಲ್ಲಿ. ಅದೂ ಯಶ್ ಚೋಪ್ರಾ ನಿರ್ದೇಶನದ ವೀರ್-ಝಾರಾ. ಆ ನಂತರ ಇಬ್ಬರನ್ನೂ ಒಟ್ಟಿಗೆ ತರುವ ಪ್ರಯತ್ನವಾದರೂ ಇದುವರೆಗೂ ಅವರಿಬ್ಬರೂ ಜತೆಯಾಗಿ ನಟಿಸುವುದಕ್ಕೆ ಸಾಧ್ಯವಾಗಿಲ್ಲ.
ಇದನ್ನೂ ಓದಿ: ಆರ್ಆರ್ಆರ್ನ ಡಿಜಿಟಲ್ ಮತ್ತು ಸ್ಯಾಟಿಲೈಟ್ ಹಕ್ಕುಗಳು 325 ಕೋಟಿಗೆ ಮಾರಾಟ?
ಜತೆಯಾಗಿ ನಟಿಸುವುದಕ್ಕೆ ಸಾಧ್ಯವಾಗದಿದ್ದರೇನು? ನಾವಿಬ್ಬರೂ ಒಂದೇ ಬೀಡಿ ಹಂಚಿಕೊಂಡು ಸೇದುವಷ್ಟು ಒಳ್ಳೆಯ ಸ್ನೇಹಿತರು ಎಂದು ಹೇಳಿಕೊಂಡಿದ್ದಾರೆ ಮನೋಜ್ ಬಾಜ್ಪೇಯಿ. ಮನೋಜ್ ಅಭಿನಯದ ದಿ ಫ್ಯಾಮಿಲಿ ಮ್ಯಾನ್ 2, ಜೂನ್ 4ರಂದು ಅಮೇಜಾನ್ ಪ್ರೈಮ್ನಲ್ಲಿ ಸ್ಟ್ರೀಮ್ ಆಗಲಿದೆ. ಈ ವೆಬ್ಸರಣಿಯ ಪ್ರಚಾರದ ಸಂದರ್ಭದಲ್ಲಿ ಮಾತನಾಡಿರುವ ಮನೋಜ್, ತಮ್ಮ ಹಾಗೂ ಶಾರೂಖ್ ಅವರ ಸ್ನೇಹದ ಬಗ್ಗೆ ಮಾತನಾಡಿದ್ದಾರೆ.
ನಾನು ಮತ್ತು ಶಾರೂಖ್ ಇಬ್ಬರೂ ಚಿತ್ರರಂಗಕ್ಕೆ ಬರುವುದಕ್ಕಿಂತ ಮುಂಚಿನಿಂದಲೂ ಒಳ್ಳೆಯ ಸ್ನೇಹಿತರು. ಇಬ್ಬರೂ ದೆಹಲಿಯಲ್ಲಿ ಬ್ಯಾರಿ ಜಾನ್ ಟ್ರೂಪ್ನಲ್ಲಿ ಒಟ್ಟಿಗೆ ಅಭಿನಯ ಕಲಿತವರು. ಒಂದೇ ಬೀಡಿ, ಸಿಗರೇಟ್ ಹಂಚಿಕೊಂಡು ಸೇದುತ್ತಿದ್ದವರು. ನಮ್ಮ ಸ್ನೇಹಿತರ ಗುಂಪಲ್ಲಿ ಮಾರುತಿ ವ್ಯಾನ್ ಇದ್ದಿದ್ದು ಶಾರೂಖ್ ಬಳಿ ಮಾತ್ರ. ನನ್ನನ್ನು ಒಮ್ಮೆ ಶಾರೂಖ್, ಡಿಸ್ಕೋತೆಕ್ಗೆ ಸಹ ಕರೆದುಕೊಂಡು ಹೋಗಿದ್ದರು. ಜನರನ್ನು ಸೆಳೆಯುವ ಶಕ್ತಿ ಶಾರೂಖ್ಗೆ ಆಗಿನಿಂದಲೂ ಇದೆ. ಅದರಲ್ಲೂ, ಶಾರೂಖ್ ಕಂಡರೆ ಹುಡುಗಿಯರು ಬಾಯಿಬಿಡುತ್ತಿದ್ದರು ಎಂದು ಮನೋಜ್ ನೆನಪಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ದಿ ಫ್ಯಾಮಿಲಿ ಮ್ಯಾನ್ ವಿರುದ್ಧ ಎನ್ಟಿಕೆ ಆಕ್ರೋಶ … ಇಲ್ಲಿದೆ ಕಾರಣ
ಆ ನಂತರ ಶಾರೂಖ್ ಫೌಜಿ, ಸರ್ಕಸ್ ಮುಂತಾದ ಧಾರಾವಾಹಿಗಳಲ್ಲಿ ಕಾಣಿಸಿಕೊಂಡು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರು. ಇನ್ನು, ಮನೋಜ್ ಸಹ ಸ್ವಾಭಿಮಾನ್ ಮುಂತಾದ ಧಾರಾವಾಹಿಗಳಲ್ಲಿ ಅಭಿನಯಿಸಿ ಚಿತ್ರರಂಗಕ್ಕೆ ಬಂದರು. ಅಲ್ಲಿಂದ ಇಲ್ಲಿಯವರೆಗೂ ಇಬ್ಬರೂ ಅಭಿನಯದಲ್ಲಿ ಸಕ್ರಿಯವಾಗಿದ್ದಾರೆ.
ಆರ್ಆರ್ಆರ್ನ ಡಿಜಿಟಲ್ ಮತ್ತು ಸ್ಯಾಟಿಲೈಟ್ ಹಕ್ಕುಗಳು 325 ಕೋಟಿಗೆ ಮಾರಾಟ?