'ಒಳ್ಳೆಯ ಬ್ಯಾಂಕ್, ಒಂದು ರೂಪಾಯಿಯೂ ಸಿಗಲಿಲ್ಲ' ಎಂದು ನೋಟ್​ ಬರೆದಿಟ್ಟ ಕಳ್ಳ..

ಮಂಚೇರಿಯಲ್: ಬ್ಯಾಂಕ್ ದರೋಡೆ ಮಾಡಲು ಹೋದ ಕಳ್ಳನಿಗೆ ವಿಚಿತ್ರ ಅನುಭವವಾಗಿದ್ದು, ತಮಾಷೆಯ ಪತ್ರ ಬರೆದಿಟ್ಟು ಹೋಗಿರುವ ಘಟನೆ ತೆಲಂಗಾಣದ ಮಂಚೇರಿಯಲ್​ ಜಿಲ್ಲೆಯ ನೆನ್ನಾಲ್​ಮಂಡಲಲ್ಲಿ ನಡೆದಿದೆ.

ಇದನ್ನೂ ಓದಿ: ಮಾಟ ಮಾಡಿದ್ದಾಳೆಂಬ ಅನುಮಾನದ ಮೇಲೆ 65 ವರ್ಷದ ವೃದ್ಧೆಯ ದಾರುಣ ಹತ್ಯೆ

ತೆಲಂಗಾಣ ಗ್ರಾಮೀಣ ಬ್ಯಾಂಕ್ ಶಾಖೆಯಲ್ಲಿ ಗುರುವಾರದಂದು ಮಧ್ಯರಾತ್ರಿ ಅಪರಿಚಿತ ಕಳ್ಳನೊಬ್ಬ ದರೋಡೆಗೆ ಯತ್ನಿಸಿದ್ದಾನೆ. ಸೆಕ್ಯುರಿಟಿಯಿಂದ ತಪ್ಪಿಸಿಕೊಂಡು ಬ್ಯಾಂಕ್​ನ ಬೀಗ ಒಡೆದು ಒಳಗೆ ಹೋಗಿರುವ ಆತ ಲಾಕರ್ ಕೋಣೆಗೆ ನುಸುಳಲು ಪ್ರಯತ್ನಿಸಿದ್ದು, ಆತನ ಪ್ರಯತ್ನ ವಿಫಲವಾಗಿದೆ.

ಕೊನೆಗೆ ಬ್ಯಾಂಕ್​ನಲ್ಲಿ ಹುಡುಕಾಡಿದರೂ ಆತನಿಗೆ ಒಂದು ರೂಪಾಯಿಯೂ ಸಿಕ್ಕಿಲ್ಲ. ಈ ಕಳ್ಳತನ ಯಶಸ್ವಿಯಾದರೆ ತನ್ನ ಜೀವನ ಸೆಟಲ್​ ಆಗುತ್ತದೆ. ರಾತ್ರೋರಾತ್ರಿ ಕೋಟ್ಯಾಧಿಪತಿಯಾಗುತ್ತೇನೆ ಎಂದು ಕನಸು ಕಂಡಿದ್ದ ಆತನಿಗೆ ಬ್ಯಾಂಕಿನಲ್ಲಿ ಏನೂ ಸಿಗದ ಕಾರಣ ‘ಒಳ್ಳೆಯ ಬ್ಯಾಂಕ್, ಒಂದು ರೂಪಾಯಿಯೂ ಸಿಕ್ಕಿಲ್ಲ, ನನ್ನನ್ನು ಹಿಡಿಯಬೇಡಿ ನನ್ನ ಬೆರಳಚ್ಚು ಕೂಡ ಇಲ್ಲ’ ಎಂದು ಪತ್ರ ಬರೆದು ಅಲ್ಲಿಂದ ಹೊರಟು ಹೋಗಿದ್ದಾನೆ.

ಇದನ್ನೂ ಓದಿ: ಕೇವಲ 6000ರೂ.ಗೆ ಮಗುವಿನ ಮಾರಾಟಕ್ಕೆ ಯತ್ನಿಸಿದ ಹೆತ್ತ ತಾಯಿ..

ಮರುದಿನ ಬೆಳಿಗ್ಗೆ ಬ್ಯಾಂಕ್‌ಗೆ ಬಂದ ಅಧಿಕಾರಿಗಳು ಬೀಗ ಮುರಿದಿರುವುದು ಗಮನಿಸಿದ್ದಾರೆ. ಆ ಬಳಿಕ ಬ್ಯಾಂಕಿನಲ್ಲಿ ಸಿಕ್ಕ ಪತ್ರದ ಆಧಾರದ ಮೇಲೆ ಪೊಲೀಸರಿಗೆ ದೂರು ನೀಡಲಾಗಿದ್ದು ಪ್ರಕರಣ ದಾಖಲಿಸಿಕೊಂಡ ಪೋಲಿಸರು ತನಿಖೆ ಆರಂಭಿಸಿದ್ದಾರೆ.(ಏಜೆನ್ಸೀಸ್)

https://www.vijayavani.net/countdown-to-ganesh-chaturthi-festival-bbmp-releases-guidelines

https://www.vijayavani.net/black-magic-suspect-man-ends-old-womans-life-with-sharp-weapon-in-jharkhand