ಅಪರಾಧವೇ ಮಾಡದೆ 28 ವರ್ಷ ಜೈಲುವಾಸ ಅನುಭವಿಸಿದ; ಜೈಲಿನಿಂದ ಹೊರಬಂದವನಿಗೆ ಸಿಕ್ಕಿದ್ದು 71 ಕೋಟಿ ರೂಪಾಯಿ!

ವಾಷಿಂಗ್ಟನ್​: ಅಪರಾಧವೇ ಮಾಡದವರಿಗೆ ಶಿಕ್ಷೆ ನೀಡುವುದು ದೊಡ್ಡ ಅಪರಾಧವೆನ್ನುತ್ತಾರೆ. ಅದೇ ರೀತಿ ಸರ್ಕಾರದ ತಪ್ಪಿನಿಂದಾಗಿ ಜೈಲು ವಾಸ ಅನುಭವಿಸಿದ ವ್ಯಕ್ತಿಯೊಬ್ಬ ಇದೀಗ ಕೋಟ್ಯಧಿಪತಿಯಾಗಿರುವ ಘಟನೆ ಅಮೆರಿಕದಲ್ಲಿ ನಡೆದಿದೆ.

ಇದನ್ನೂ ಓದಿ: ಅಂತ್ಯಸಂಸ್ಕಾರ ಮಾಡಲು ಬಂದಿದ್ದವರ ಮೇಲೆ ಕುಸಿದ ಛಾವಣಿ! 18 ಮಂದಿ ದುರ್ಮರಣ

ಅಮೆರಿಕದ ಫಿಲಡೆಲ್ಫಿಯಾದಲ್ಲಿ ನಡೆದ ಕೊಲೆ ಪ್ರಕರಣದಲ್ಲಿ ಚೆಸ್ಟರ್ ಹಾಲ್ಮನ್ ಎಂಬ ವ್ಯಕ್ತಿಯನ್ನು ಜೈಲಿಗೆ ಹಾಕಲಾಯಿತು. ಆದರೆ ಕೊಲೆ ನಡೆದ 28 ವರ್ಷಗಳ ನಂತರ ಕೊಲೆಯ ನಿಜಾಂಶ ಬಯಲಾಗಿದೆ. ಚೆಸ್ಟರ್​ ಅಪರಾಧಿಯಲ್ಲ ಎನ್ನುವುದು ಗೊತ್ತಾಗಿದೆ. ಸುಳ್ಳು ಸಾಕ್ಷಿ ಹೇಳಿಸಿ, ಆತನನ್ನು ಅಪರಾಧಿಯಾಗಿ ಮಾಡಿದ್ದಾಗಿ ದೃಢವಾಗಿದೆ.

ಇದನ್ನೂ ಓದಿ: ತಂಗಿಗಾಗಿ ಅಕ್ಕನನ್ನೇ ನಗ್ನಗೊಳಿಸಿದ! ಸಹಾಯಕ್ಕೆ ಕೇಳಿ ಬರಲಿ ಎಂದು ಕಾದಿದ್ದವನಿಗೆ ಕಾದಿತ್ತು ದೊಡ್ಡ ಶಾಕ್​!

2019ರಲ್ಲಿ ಚೆಸ್ಟರ್​ ನಿರಪರಾಧಿ ಎಂದು ಸಾಬೀತಾದ ಹಿನ್ನೆಲೆಯಲ್ಲಿ ಆತನನ್ನು ಬಿಡುಗಡೆ ಮಾಡಲಾಯಿತು. ಆದರೆ ತನ್ನ ತಪ್ಪಿಲ್ಲದಿದ್ದರೂ 28 ವರ್ಷ ಜೈಲಿನಲ್ಲಿಟ್ಟ ಸರ್ಕಾರದ ಮೇಲೆ ಚೆಸ್ಟರ್​ ದೂರಿದ್ದರು. ಚೆಸ್ಟರ್​ ಪ್ರಕರಣದಲ್ಲಿ ಸರ್ಕಾರ ತಪ್ಪಾಗಿ ವಿಚಾರಣೆ ನಡೆಸಿದೆ ಎಂದು ದೂರಲಾಗಿದ್ದು, ಅದಕ್ಕಾಗಿ 71.6 ಕೋಟಿ ರೂಪಾಯಿ ಪರಿಹಾರ ಹಣವನ್ನು ಆತನಿಗೆ ನೀಡುವಂತೆ ಅಲ್ಲಿನ ಮೇಯರ್​ ಆದೇಶ ಹೊರಡಿಸಿದ್ದಾರೆ. ಜೈಲು ವಾಸ ಅನುಭವಿಸಿ ಬಂದ ಚೆಸ್ಟರ್​ ಇದೀಗ ಕೋಟಿಗಳ ಒಡೆಯನಾಗಿದ್ದಾನೆ. (ಏಜೆನ್ಸೀಸ್​)

https://www.vijayavani.net/mother-of-two-children-died-then-the-children-kept-waiting-in-the-hope-that-god-would-return-her-soul/

https://www.vijayavani.net/civil-in-hospital-woman-belagum/