ಸೋಶಿಯಲ್ ಅಂಡ್ ಇವಾಂಜೆಲಿಕಲ್ ಅಸೋಸಿಯೇಷನ್ ಫಾರ್ ಲವ್ (ಸೀಲ್) ಎಂಬ ಸಾಮಾಜಿಕ ಸಂಘಟನೆಯ ಕಾರ್ಯಕರ್ತರು, ವ್ಯಕ್ತಿಯೊಬ್ಬ ತನ್ನ ಫ್ಲಾಟ್ನಲ್ಲಿ ಮೂರು ವರ್ಷಗಳಿಂದ ಒಬ್ಬಂಟಿಯಾಗಿ ವಾಸಿಸುತ್ತಿದ್ದಾನೆಂಬ ಮಾಹಿತಿ ತಿಳಿದುಕೊಂಡ ತಕ್ಷಣ ಸ್ಥಳಕ್ಕೆ ಭೇಟಿ ನೀಡಿದರು. ಈ ವೇಳೆ ನಾಯರ್ ಅವರನ್ನು ನೋಡಿದಾಗ ಅವರು ಭಯಾನಕ ಸ್ಥಿತಿಯಲ್ಲಿದ್ದರು. ಕೂದಲು ಮತ್ತು ಗಡ್ಡ ಅತಿಯಾಗಿ ಬೆಳೆದಿತ್ತು. ಅಲ್ಲದೆ, ಆತನ ಕೋಣೆ ಮಲದಿಂದ ತುಂಬಿ ಕೆಟ್ಟ ವಾಸನೆ ಬರುತ್ತಿತ್ತು. ಅದನ್ನು ನೋಡಿ ಸೀಲ್ ಸಂಘನೆಯ ಕಾರ್ಯಕರ್ತರಿಗೆ ಒಂದು ಕ್ಷಣ ಶಾಕ್ ಆಯಿತು. ಈ ವೇಳೆ ನಾಯರ್ ಜತೆ ಮಾತನಾಡಿ, ಅವರಿಗೆ ಆರಾಮದಾಯಕ ಭಾವನೆ ಮೂಡಿಸಿದ ಕಾರ್ಯಕರ್ತರು ಅವರನ್ನು ಹೊರ ಜಗತ್ತಿಗೆ ಕರೆತಂದಿದ್ದಾರೆ. ಅಲ್ಲದೆ, ತಮ್ಮ ಆಶ್ರಮಕ್ಕೆ ಕರೆದೊಯ್ದಿದ್ದಾರೆ. ಈ ವೇಳೆ ನಾಯರ್ ಅವರು ಪಾದದ ಸೋಂಕಿನಿಂದ ಬಳಲುತ್ತಿದ್ದರು. ಅವರಿಗೆ ಚಿಕಿತ್ಸೆ ನೀಡಲಾಗಿದೆ. ನಾಯರ್, ತಮ್ಮ ಕುಟುಂಬವನ್ನು ಕಳೆದುಕೊಂಡ ನಂತರ ತೀವ್ರ ಜಿಗುಪ್ಸೆಯಿಂದ ಬಳಲುತ್ತಿದ್ದರು ಎಂದು ತಿಳಿದುಬಂದಿದೆ. ಸೀಲ್ ಸಂಘಟನೆ ಕಾರ್ಯಕರ್ತರು ನಾಯರ್ ಅವರನ್ನು ಹೊರಗೆ ಕರೆದೊಯ್ದು ಕ್ಷೌರ ಮಾಡಿಸಿ, ಸ್ನಾನ ಮಾಡಿಸಿದ್ದಾರೆ. ಇದೀಗ, ನಾಯರ್ ಸಹಜ ಸ್ಥಿತಿಗೆ ಮರಳಿದ್ದಾರೆ.
