ರಿಪೇರಿ ಸರಿಯಾಗಿ ಮಾಡಿಲ್ಲವೆಂದು ಶೋರೂಮ್​ಗೆ ಬೆಂಕಿಯಿಟ್ಟ ಭೂಪ; ಅಪಾರ ವಸ್ತು ನಾಶ

ಕಲಬುರಗಿ: ಎಲೆಕ್ಟ್ರಿಕ್ ಬೈಕ್ ಸರಿಯಾಗಿ ರಿಪೇರಿ ಮಾಡಿಲ್ಲ ಎಂಬ ಕಾರಣಕ್ಕೆ ವ್ಯಕ್ತಿಯೋರ್ವ ಶೋರೂಮ್​ಗೆ ಬೆಂಕಿ ಹಚ್ಚಿರುವ ಘಟನೆ ಕಲಬುರಗಿ ಜಿಲ್ಲೆಯಲ್ಲಿ ನಡೆದಿದೆ. ಘಟನೆ ಸಂಬಂಧ ಪೊಲೀಸರು ಆರೋಪಿ ಮೊಹಮ್ಮದ್​ ನದೀಮ್​ನನ್ನು ವಶಕ್ಕೆ ಪಡೆದಿದ್ದಾರೆ.

ಆರಂಭದಲ್ಲಿ ಇದು ಶಾರ್ಟ್​ ಸರ್ಕ್ಯೂಟ್​ ಎಂದು ಹೇಳಲಾಗಿತ್ತು. ಆದರೆ, ಪೊಲೀಸರು ಆಳವಾಗಿ ತನಿಖೆ ನಡೆಸಿದಾಗ ಇದು ಶಾರ್ಟ್​ ಸರ್ಕ್ಯೂಟ್​ನಿಂದಲ್ಲ ಸಂಭವಿಸಿದ ಅವಘಡವಲ್ಲ ಎಂದು ವರದಿಯಾಗಿತ್ತು. ಸಿಸಿಟಿನವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದಾಗ ಆರೋಪಿಯ ಕೃತ್ಯ ಬಯಲಾಗಿದ್ದು, ಕೂಡಲೇ ಪೊಲೀಸರು ಆತನನ್ನು ವಶಕ್ಕೆ ಪಡೆದಿದ್ದಾರೆ.

ಇದನ್ನೂ ಓದಿ: ನನಗೆ ಹೇಳದೆ… ಪಿಟಿ ಉಷಾ ವಿರುದ್ಧ ಗಂಭೀರ ಆರೋಪ ಮಾಡಿದ ವಿನೇಶ್​

ಬೆಂಕಿ ಹಚ್ಚಲು ಕಾರಣವೇನು?

ಆರೋಪಿ ಮೊಹಮ್ಮದ್​ ನದೀಮ್​ 20 ದಿನಗಳ ಹಿಂದಷ್ಟೇ ಹೊಸ ಓಲಾ ಎಲೆಕ್ಟ್ರಿಕ್​ ಸ್ಕೂಟರ್​ಅನ್ನು ಖರೀದಿಸಿದ್ದನು. ತೆಗೆದುಕೊಂಡ ಕೆಲ ದಿನಗಳಲ್ಲೇ ಪದೇ ಪದೇ ರಿಪೇರಿಗೆ ಬಂದ ಕಾರಣ ಆರೋಪಿ ಬೇರೊಂದು ಗಾಡಿ ಕೊಡುವಂತೆ ಕಂಪನಿಯವರಿಗೆ ಆಗ್ರಹಿಸಿದ್ದ. ಈ ವಿಚಾರವಾಗಿ ಶೋರೂಮ್​ ಅವರೊಂದಿಗೆ ಕಗಳವಾಡಿದ್ದ. ಆ ಬಳಿಕ ಪೆಟ್ರೋಲ್ ತಂದು ಶೋ ರೂಂ ಒಳಗೆ ಬೆಂಕಿ ಹಚ್ಚಿದ್ದಾನೆ.

ಘಟನೆಯಲ್ಲಿ 6 ಹೊಸ ಎಲೆಕ್ಟ್ರಿಕ್ ಬೈಕ್​ಗಳು ಸುಟ್ಟು ಭಸ್ಮವಾಗಿವೆ. ಲಕ್ಷಾಂತರ ರೂಪಾಯಿ ಮೌಲ್ಯದ ವಸ್ತುಗಳು ಸುಟ್ಟು ಕರಕಲಾಗಿವೆ. ಘಟನೆ ಸಂಬಂಧ ಕಲಬುರಗಿಯ ಚೌಕ್​ ಠಾಣೆಯ ಪೊಲೀಸರು ಆರೋಪಿಯನ್ನು ವಶಕ್ಕೆ ಪಡೆದಿದ್ದು, ತನಿಖೆ ನಡೆಸುತ್ತಿದ್ದಾರೆ.

https://www.vijayavani.net/videos-of-prime-accused-having-sex-with-corpses-reportedly-recovered-from-phone

https://www.vijayavani.net/rachita-ram-post-goes-viral-in-social-media