ಇವನ ಹಣೆಬರಹ ನೋಡಿ; ಈಗ ಪಶ್ಚಾತ್ತಾಪ ಕಾಡ್ತಿದೆಯಂತೆ!

ನವದೆಹಲಿ: ಈತ ತನ್ನ ಹಣೆಬರಹ ತಾನೇ ಬರೆಸಿಕೊಂಡಿದ್ದಾನೆ. ಆದರೆ ಇದೀಗ ಅದೇ ಕಾರಣಕ್ಕೆ ಈತ ಪಶ್ಚಾತ್ತಾಪ ಪಡುತ್ತಿದ್ದಾನಂತೆ. ಫುಟ್​​ಬಾಲ್​ ಅದರಲ್ಲೂ ಲಿಯೊನೆಲ್ ಮೆಸ್ಸಿಯ ಭಯಂಕರ ಅಭಿಮಾನಿಯೊಬ್ಬನ ಕಥೆ ಇದು. ತನ್ನ ನೆಚ್ಚಿನ ಆಟಗಾರನ ಹೆಸರನ್ನೇ ಹಣೆಯ ಮೇಲೆ ಹಚ್ಚೆ ಹಾಕಿಸಿಕೊಂಡಿರುವ ಈತ ಅದಕ್ಕಾಗಿಯೇ ಪಶ್ಚಾತ್ತಾಪ ಪಡುತ್ತಿದ್ದಾನೆ.

ಫುಟ್​ಬಾಲ್​ ವಿಶ್ವಕಪ್​ ಪಂದ್ಯದಲ್ಲಿ ಟ್ರೋಫಿ ಗೆದ್ದಿದ್ದ ಅರ್ಜೆಂಟೀನಾ ತಂಡದ ಲಿಯೊನೆಲ್ ಮೆಸ್ಸಿಯ ಭಾರಿ ಅಭಿಮಾನಿಯಾಗಿರುವ ಈತ ಆತನ ಹೆಸರನ್ನೇ ಹಣೆ ಮೇಲೆ ದೊಡ್ಡದಾಗಿ 'ಮೆಸ್ಸಿ' ಎಂದು ದೊಡ್ಡದಾಗಿ ಬರೆಸಿಕೊಂಡಿದ್ದಾನೆ. ಸ್ಪ್ಯಾನಿಷ್ ವ್ಯಕ್ತಿ ಮೈಕ್​ ಜಾಂಬ್ಸ್ ಎಂಬಾತ ಇಂಥದ್ದೊಂದು ಹಚ್ಚೆ ಹಾಕಿಸಿಕೊಂಡು ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿಕೊಂಡು ಗಮನ ಸೆಳೆದಿದ್ದಾನೆ.

ಮೈಕ್ ಹಣೆ ಮೇಲೆ ಮೆಸ್ಸಿ ಎಂದು ಬರೆಸಿಕೊಂಡಿರುವುದರ ವಿಡಿಯೋ ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್ ಮಾಡಿಕೊಂಡಿದ್ದಾನೆ. ಮೈಕ್​ನ ಈ ಹಣೆಬರಹಕ್ಕೆ ಸೋಷಿಯಲ್ ಮೀಡಿಯಾದಲ್ಲಿ ನಕಾರಾತ್ಮಕ ಅಭಿಪ್ರಾಯ ವ್ಯಕ್ತವಾಗಿದೆ. ಈ ರೀತಿ ಹಣೆಯಲ್ಲಿ ಹಚ್ಚೆ ಹಾಕಿಸಿಕೊಂಡಿದ್ದಕ್ಕೆ ಆರಂಭದಲ್ಲಿ ನಾನು ಹೆಮ್ಮೆ ಪಡುತ್ತಿದ್ದೆ. ಆದರೆ ಈಗ ಇದಕ್ಕೆ ಬರುತ್ತಿರುವ ನೆಗೆಟಿವ್ ಕಮೆಂಟ್​ಗಳನ್ನು ನೋಡಿ ಪಶ್ಚಾತ್ತಾಪ ಪಡುವಂತಾಗಿದೆ, ಕೆಲವರು ನನ್ನ ಈ ನಡೆ ಸಮಾಜಕ್ಕೆ ಉತ್ತಮ ಸಂದೇಶವಲ್ಲ ಎನ್ನುತ್ತಿದ್ದಾರೆ ಎಂದು ಮೈಕ್ ಹೇಳಿಕೊಂಡಿದ್ದಾನೆ. -ಏಜೆನ್ಸೀಸ್

https://www.vijayavani.net/this-is-inspirational-story-of-first-transgender-international-beauty-queen-naaz-joshi/

https://www.vijayavani.net/pre-marriage-and-post-marriage-course-by-family-institute/

https://www.vijayavani.net/a-fungus-named-cordyceps-costlier-than-gold-china-people-illegally-enters-india-to-collect-it/