ಮಗಳಿಗೆ ತೊಂದರೆ ಕೊಡುತ್ತಿದ್ದ ಯುವಕರನ್ನು ಹೊಡೆದು ಮೂಟೆ ಕಟ್ಟಿದ ತಂದೆ..!

ಅಗರ್​ಮಾಲ್ವಾ: ತನ್ನ ಮಗಳಿಗೆ ಕಿರುಕುಳ ನೀಡುತ್ತಿದ್ದ ಯುವಕರಿಬ್ಬರನ್ನು ತಂದೆಯೊಬ್ಬ ಹತ್ಯೆಗೈದು ಗೋಣಿ ಚೀಲದಲ್ಲಿ ತುಂಬಿರುವ ಘಟನೆ ಮಧ್ಯಪ್ರದೇಶದ ಅಗರ್​ಮಾಲ್ವಾ ಎಂಬಲ್ಲಿ ನಡೆದಿದೆ.

ಇದನ್ನೂ ಓದಿ: ಆ್ಯಪ್​ ಮೂಲಕ ಕಾರ್​ ಬುಕ್: ಬಾಡಿಗೆ ನೆಪದಲ್ಲಿ ಕೊಂಡೊಯ್ದು ಜಿಪಿಎಸ್​ ಕಿತ್ತು ಹಾಕಿ ಆರೋಪಿಗಳು ಎಸ್ಕೇಪ್..

ಮೃತರನ್ನು ನಂದ್ರಾಂ ಗುರ್ಜರ್ ಮತ್ತು ಗೋವಿಂದ್ ಗುರ್ಜಾರ್ ಎಂದು ಗುರುತಿಸಲಾಗಿದ್ದು, ಇಬ್ಬರ ಯುವಕ ಮೃತದೇಹಗಳು ತೋಟದ ಮನೆಯೊಂದರಲ್ಲಿ ಪತ್ತೆಯಾಗಿವೆ. ಈ ಕುರಿತು ಮೆಹರ್ಬಾನ್ ಸಿಂಗ್ ಮತ್ತು ಈಶ್ವರ್ ಎಂಬ ಮತ್ತೊಬ್ಬ ಶಂಕಿತನ ವಿರುದ್ಧ ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡಿದ್ದರು.

ಬಳಿಕ ತನಿಖೆ ವೇಳೆ ಮೆಹರ್ಬಾನ್ ಸಿಂಗ್​ನನ್ನು ವಶಕ್ಕೆ ಪಡೆದು ವಿಚಾರಿಸಿದಾಗ, ಕೃತ್ಯವೆಸಗಿರುವುದಾಗಿ ಆತ ಒಪ್ಪಿಕೊಂಡಿದ್ದಾನೆ. ಶನಿವಾರದಂದು ಆತ ಇಬ್ಬರು ಯುವಕರು ಹೋಗುತ್ತಿದ್ದ ಮೋಟಾರ್ ಸೈಕಲ್‌ಗೆ ತನ್ನ ವಾಹನದಿಂದ ಡಿಕ್ಕಿ ಹೊಡೆದಿದ್ದಾನೆ. ಆ ಬಳಿಕ ಇಬ್ಬರು ನೆಲಕ್ಕೆ ಬಿದ್ದಿದ್ದು, ಅವನು ಅವರನ್ನು ತನ್ನ ತೋಟಕ್ಕೆ ಎಳೆದುಕೊಂಡು ಹೋಗಿ ಇಬ್ಬರಿಗೆ ಮನಬಂದಂತೆ ದೊಣ್ಣೆಯಿಂದ ಥಳಿಸಿದ್ದಾನೆ.

ಇದನ್ನೂ ಓದಿ: ಬೆಳಿಗ್ಗೆ ಕಸ ಗುಡಿಸುವ ವೇಳೆ ದುರಂತ: ಮಹಿಳೆಯ ಪ್ರಾಣ ತೆಗೆದ ಮಂಗಗಳ ಗುಂಪು..?

ಪರಿಣಾಮವಾಗಿ ಯುವಕರು ಮೃತಪಟ್ಟಿದ್ದು, ಆ ಬಳಿಕ ಅವರ ಮೃತದೇಹಗಳನ್ನು ಗೋಣಿ ಚೀಲದಲ್ಲಿ ಅಡಗಿಸಿಟ್ಟಿರುವುದಾಗಿ ಪೊಲೀಸರಿಗೆ ತಿಳಿಸಿದ್ದಾನೆ. ಈತನ ಮಾಹಿತಿ ಮೇರೆಗೆ ಪೊಲೀಸರು ಪರಿಶೀಲನೆ ನಡೆಸಿದ್ದು, ಘಟನಾ ಸ್ಥಳದಲ್ಲಿ ಮೋಟಾರ್‌ ಸೈಕಲ್, ಆರೋಪಿಯ ನಾಲ್ಕು ಚಕ್ರದ ವಾಹನ ಹಾಗೂ ಅಪರಾಧ ನಡೆದ ಸ್ಥಳದಲ್ಲಿ ಚೀಲಗಳು ಕಂಡು ಬಂದಿವೆ.(ಏಜೆನ್ಸೀಸ್)

https://www.vijayavani.net/father-ends-his-life-from-heart-attack-on-the-day-of-daughter-marriage-in-karimnagar

https://www.vijayavani.net/mother-testimony-sends-son-to-jail-for-life-in-tripura