ವಿಯೆನ್ನಾ: ಕ್ರಿಶ್ಚಿಯನ್ ಸಂಭ್ರಮದಂದು ತನ್ನ ಪ್ರೀತಿಯನ್ನು ನಿರಾಕರಿಸಿದಕ್ಕೆ ಸೋದರ ಸಂಬಂಧಿ ಯುವತಿಯನ್ನು ಕೊಲೆ ಮಾಡಿದ ಯುವಕನೋರ್ವ ಆಕೆಯ ಇಡೀ ಕುಟುಂಬವನ್ನು ನಾಶಮಾಡಲು ಯತ್ನಿಸಿದ ಘಟನೆ ಆಸ್ಟ್ರೀಯಾದದಲ್ಲಿ ವರದಿಯಾಗಿದೆ.
ವಿದ್ಯಾರ್ಥನಿಯಾಗಿದ್ದ ಸಂತ್ರಸ್ತೆ ಎನಿ ಅಗುಯಿಲರ್ (25) ಆಸ್ಟ್ರೀಯಾದ ಲಿಯಾಂಡಿಂಗ್ ಗ್ರಾಮದಲ್ಲಿ ತನ್ನ ಸಹೋದರಿಯ ಮನೆಯಲ್ಲಿ ವಾಸವಿದ್ದಳು. ಅಗುಯಿಲರ್ ಸಹೋದರಿಗೆ ಮದುವೆಯಾಗಿ ಓರ್ವ ಮಗಳಿದ್ದಳು. ಅಗುಯಿಲರ್ ಸೇರಿ ಒಟ್ಟು ಮನೆಯಲ್ಲಿ ನಾಲ್ವರು ಇದ್ದರು. ಸಹೋದರಿಯರಿಬ್ಬರು ಸಹ ಕೊಲೆಗಾರನಿಗೆ ದೂರದ ಸಂಬಂಧಿಯಾಗಿದ್ದರು ಅಲ್ಲದೆ, ಮೂವರು ಸಹ ಕೇಂದ್ರ ಅಮೆರಿಕದ ಹೊಂಡಾರಸ್ ಮೂಲದವರು.
ಇದನ್ನೂ ಓದಿ: ಅಮ್ಮ ವಿವಾಹಿತನ ಜತೆ ಅನೈತಿಕ ಸಂಬಂಧ ಇರಿಸಿಕೊಂಡಿದ್ದಾಳೆ- ಭಾವಿ ಪತಿಗೆ ಹೇಗೆ ತಿಳಿಸಲಿ?
ಕೊಲೆಗಾರನನ್ನು ಗೇಬ್ರಿಯಲ್ಲೆ ಎನ್ ಎಂದು ಗುರುತಿಸಲಾಗಿದೆ. ಕ್ರಿಸ್ಮಸ್ ಮತ್ತು ನ್ಯೂ ಇಯರ್ ಸಂಭ್ರಮಾಚರಣೆಯ ಭಾಗವಾಗಿ ಗೇಬ್ರಿಯಲ್ಲೇನನ್ನು ಮನೆಗೆ ಆಹ್ವಾನಿಸಿದ್ದರು. ಭೇಟಿ ನೀಡಿದ್ದ ಆತ ಅಗುಯಿಲರ್ ಪ್ರೀತಿಯ ಬಲೆಯಲ್ಲಿ ಬಿದ್ದಿದ್ದ. ತನ್ನ ಪ್ರೀತಿಯನ್ನು ಪ್ರಸ್ತಾಪ ಮಾಡಿದಾಗ ನಿರಾಕರಿಸಿದ ಅಗುಯಿಲರ್, ಈಗಾಗಲೇ ತನಗೆ ಬಾಯ್ಫ್ರೆಂಡ್ ಇರುವುದಾಗಿಯು ಮತ್ತು ಹೊಸ ಸಂಬಂಧವನ್ನು ಬೆಳೆಸಲು ಇಷ್ಟವಿಲ್ಲದಿರುವುದಾಗಿ ಹೇಳಿದ್ದಳು.
ಇದನ್ನೂ ಓದಿ: ಹುಡುಗನಾಗಿದ್ದರೂ, ಹುಡುಗರನ್ನು ಕಂಡರೆ ಏನೇನೋ ಆಸೆ ಹುಟ್ಟುತ್ತಿದೆ: ಪ್ಲೀಸ್ ಪರಿಹಾರ ಹೇಳಿ…
ಇದರಿಂದ ತೀವ್ರ ಅಸಮಾಧಾನಗೊಂಡ ಗೇಬ್ರಿಯಲ್ಲೆ ಆಕೆಯ ಇಡೀ ಕುಟುಂಬವನ್ನು ನಾಶ ಮಾಡುವ ನಿರ್ಧಾರಕ್ಕೆ ಬಂದಿದ್ದ. ಸದ್ಯ ಪೊಲೀಸರ ವಶದಲ್ಲಿರುವ ಆರೋಪಿ, ಬರಿಗೈನಿಂದ ಉಸಿರುಗಟ್ಟಿಸಿ ಅಗುಯಿಲರ್ಳನ್ನು ಕೊಲೆ ಮಾಡಿದ್ದಾಗಿ ಮತ್ತು ಮನೆಯ ಬೇಸ್ಮೆಂಟ್ನಲ್ಲಿ ಚಾಕುವಿನಿಂದ ಅನೇಕ ಬಾರಿ ಆಕೆಯ ಹೊಟ್ಟೆಗೆ ಇರಿದಿರುವುದಾಗಿ ತಪ್ಪೊಪ್ಪಿಕೊಂಡಿದ್ದಾನೆ. ಇದೇ ವೇಳೆ ಮನೆಯ ಇತರೆ ಸದಸ್ಯರು ಕ್ರಿಸ್ಮಸ್ ಎಂಜಾಯ್ನಲ್ಲಿರುವಾಗಲೇ ಗೇಬ್ರಿಯಲ್ಲೇ ಕ್ರೂರತ್ವ ಮೆರೆದಿದ್ದ.
ಇದನ್ನೂ ಓದಿ: ಮುಕೇಶ್ ಅಂಬಾನಿ ಹಿಂದಿಕ್ಕಿದ ಝಾಂಗ್: ವಾಟರ್ ಬಾಟಲ್ ಕಂಪನಿ ಮಾಲೀಕ ಏಷ್ಯಾದ ನಂ. 1 ಶ್ರೀಮಂತ!
ಇತ್ತ ಬೇಸ್ಮೆಂಟ್ನಲ್ಲಿ ಏನು ನಡೆದಿದೆ ಎಂಬ ಅರಿವು ಅಗುಯಿಲರ್ ಸಹೋದರಿ, ಆಕೆಯ ಪತಿ ಮತ್ತು ಮಗಳಿಗೆ ಇರಲಿಲ್ಲ. ಕೊಲೆಗಾರನ ಮುಂದಿನ ದೃಷ್ಟಿ ಅಗುಯಿಲರ್ ಸಹೋದರಿ ಮೇಲೆ ಬಿದ್ದಿತ್ತು. ಆಕೆಯನ್ನು ಪುಸಲಾಯಿಸಿ ಬೇಸ್ಮೆಂಟ್ಗೆ ಕರೆತಂದು ಬಲವಾದ ಆಯುಧದಿಂದ ತಲೆಗೆ ಹೊಡೆದಿದ್ದ. ಬಳಿಕ ಉಸಿರುಗಟ್ಟಿಸಿ ಸಾಯಿಸುವಾಗ ನರಳಾಟ ಕೇಳಿದ ಪತಿ ಬೇಸ್ಮೆಂಟ್ಗೆ ಓಡಿ ಬರುತ್ತಾನೆ. ನಂತರ ಆತನನ್ನು ನೂಕಿ ದಾಳಿ ಮಾಡುತ್ತಾನೆ. ಇಬ್ಬರು ಜಗಳ ಆಡುವುದನ್ನು ಆತನ 8 ವರ್ಷದ ಮಗಳು ನೋಡುತ್ತಾಳೆ. ಬಳಿಕ ತನ್ನ ತಾತನಿಗೆ ವಿಷಯ ತಿಳಿಸುತ್ತಾಳೆ. ಬಳಿಕ ಎಲ್ಲರೂ ಸೇರಿ ಆರೋಪಿಯನ್ನು ಹಿಡಿದು ಕೇಬಲ್ ವೈರ್ನಿಂದ ಕಟ್ಟಿಹಾಕಿ ಪೊಲೀಸರಿಗೆ ಒಪ್ಪಿಸುತ್ತಾರೆ. (ಏಜೆನ್ಸೀಸ್)
ಅಕ್ರಮ ವಲಸಿಗರೆಂದು ತಿಳಿದು ಒಂದೂವರೆ ವರ್ಷ ಜೈಲಲ್ಲಿ ಕಳೆದ ದಂಪತಿಯ ಕಣ್ಣೀರಿನ ಕಥೆ…
ಲೈಂಗಿಕ ತಜ್ಞೆ ಪದ್ಮಿನಿ ಪ್ರಸಾದ್ ಹೆಸರಲ್ಲಿ ನಕಲಿ ಖಾತೆ: ಮಹಿಳೆಯರೇ ಟಾರ್ಗೆಟ್, ಅಶ್ಲೀಲ ಚಾಟಿಂಗ್ ವೈರಲ್!