ಖರ್ಚಿಗೆ ಹಣ ಕೊಡದ ಅತ್ತೆಗೆ ಅಳಿಯನಿಂದ ಮಚ್ಚಿನೇಟು; ತಲೆಮರೆಸಿಕೊಂಡಿರುವ ಗಂಡನ ವಿರುದ್ಧ ಹೆಂಡತಿಯಿಂದ ದೂರು

ನೆಲಮಂಗಲ: ಖರ್ಚಿಗೆ ಹಣ ನೀಡಲಿಲ್ಲ ಎಂಬ ಕಾರಣಕ್ಕೆ ಅಳಿಯನೊಬ್ಬ ಮಚ್ಚಿನಿಂದ ಹಲ್ಲೆ ಮಾಡಿರುವ ಪ್ರಕರಣವೊಂದು ನಡೆದಿದೆ. ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ನೆಲಮಂಗಲದ ಬಿಲ್ಲಿನಕೋಟೆ ಗ್ರಾಮದಲ್ಲಿ ಈ ಹಲ್ಲೆ ಪ್ರಕರಣ ನಡೆದಿದೆ.

ಬಿಲ್ಲಿನಕೋಟೆ ಗ್ರಾಮದ ಸರಸ್ವತಮ್ಮ ಎಂಬಾಕೆ ಅಳಿಯನಿಂದ ಹಲ್ಲೆಗೊಳಗಾಗಿರುವ ಅತ್ತೆ. ಚಿಕ್ಕಬಳ್ಳಾಪುರ ಮೂಲದ ಶ್ರೀರಾಮ್​ ಹಲ್ಲೆ ಮಾಡಿರುವವ ವ್ಯಕ್ತಿ. ಶ್ರೀರಾಮ್​ ಖರ್ಚಿಗೆ ಬೇಕು ಎಂದು ಅತ್ತೆ ಬಳಿ ಹತ್ತು ಸಾವಿರ ರೂಪಾಯಿ ಕೇಳಿದ್ದಾನೆ. ಅದಕ್ಕೆ ಅತ್ತೆ ನನ್ನ ಬಳಿ ಹಣವಿಲ್ಲ ಎಂದು ಹೇಳಿದ್ದರು.

ಇದನ್ನೂ ಓದಿ: ಸೆಲ್ಫಿ ತೆಗೆದುಕೊಳ್ಳಲು ಹೋಗಿ ಬೃಹತ್ ಮೊಸಳೆಯ ದಾಳಿಗೊಳಗಾದ; ಸ್ವಲ್ಪ ಎಡವಟ್ಟಾಗಿದ್ದರೂ ಜನ್ಮದಿನದಂದೇ ಸಾವು!?

ಇದರಿಂದ ಬೇಸರಗೊಂಡ ಶ್ರೀರಾಮ್​, ಪತ್ನಿ ಚೈತ್ರಾ ಬಳಿ ಜಗಳ ತೆಗೆದಿದ್ದ. ಮಗಳೊಂದಿಗೆ ಅಳಿಯ ಗಲಾಟೆ ಮಾಡುತ್ತಿದ್ದಾಗ ಮಧ್ಯ ಪ್ರವೇಶಿಸಿದ ಅತ್ತೆ, ಅಳಿಯನನ್ನು ಪ್ರಶ್ನಿಸಿದ್ದಾರೆ. ಆಗ ಮಾತಿಗೆ ಮಾತು ಬೆಳೆದು ಸಿಟ್ಟಾದ ಅಳಿಯ ಅತ್ತೆಯ ಮೇಲೆ ಮಚ್ಚಿನಿಂದ ಹಲ್ಲೆ ಮಾಡಿದ್ದಾನೆ.

ಇದನ್ನೂ ಓದಿ: ಅವಳ ಮನೆಗೆ ಅವನು ಬಂದಾಗ ಹಿಡ್ಕೊಂಡ ಜನರು; ಇಬ್ಬರನ್ನೂ ಕಂಬಕ್ಕೆ ಕಟ್ಟಿ ಮನ ಬಂದಂತೆ ಹಲ್ಲೆ: ಅನೈತಿಕ ಸಂಬಂಧ ಹೊಂದಿದ್ದಕ್ಕೆ ಘೋರ ಶಿಕ್ಷೆ?

ಮಚ್ಚಿನೇಟಿಗೆ ಸರಸ್ವತಮ್ಮನ ತಲೆಗೆ ಗಂಭೀರ ಗಾಯವಾಗಿದ್ದು, ನಿಮ್ಹಾನ್ಸ್​ಗೆ ದಾಖಲು ಮಾಡಲಾಗಿದೆ. ಹಲ್ಲೆ ಬಳಿಕ ಅಳಿಯ ಪರಾರಿಯಾಗಿ ತಲೆಮರೆಸಿಕೊಂಡಿದ್ದು, ಗಂಡನ ವಿರುದ್ಧ ಹೆಂಡತಿ ಪೊಲೀಸರಿಗೆ ದೂರು ನೀಡಿದ್ದಾಳೆ. ದಾಬಸ್​ ಪೇಟೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಆರೋಪಿಯ ಪತ್ತೆಗೆ ಮುಂದಾಗಿದ್ದಾರೆ.

https://www.vijayavani.net/mla-neharu-olekars-grand-children-committed-suicide/

https://www.vijayavani.net/he-was-ips-officer-now-working-as-security-officer/