ಅಭಿಮಾನಿಗಳ ಪಿತ್ತ ನೆತ್ತಿಗೇರಿಸಿದ ಎರಡು ಸ್ಟಾರ್ ನಟರ ಚಿತ್ರತಂಡಗಳು! ಕಾರಣ ಎಷ್ಟು ಸಿಲ್ಲಿ ಗೊತ್ತಾ?

ದಕ್ಷಿಣ ಚಿತ್ರರಂಗದಲ್ಲಿ ಸ್ಟಾರ್ ನಟರ ಅಭಿಮಾನಿಗಳ ಕಿತ್ತಾಟ ತುಂಬಾ ಕಾಮನ್. ಇನ್ನು, ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಿಂದ ಇಂತಹ ಅಭಿಮಾನಿಗಳ ವಾರ್​ಗಳು ತುಂಬಾ ಹೆಚ್ಚಾಗಿಯೆ ನಡೆಯುತ್ತಿವೆ. ಸದ್ಯ, ಟಾಲಿವುಡ್ ಪ್ರಿನ್ಸ್, ಸೂಪರ್ ಸ್ಟಾರ್ ನಟ ಮಹೇಶ್ ಬಾಬು ಹಾಗೂ ಕಾಲಿವುಡ್​ನ ದಳಪತಿ ವಿಜಯ್ ಅವರ ಅಭಿಮಾನಿಗಳ ಮಧ್ಯೆ ದೊಡ್ಡ ಮಟ್ಟದಲ್ಲಿ ವಾರ್ ನಡೆಯುತ್ತಿದೆ. ಹೌದು, ಎರಡೂ ನಟರ ಅಭಿಮಾನಿಗಳು ಸೋಶಿಯಲ್ ಮೀಡಿಯಾದಲ್ಲಿ ಒಂದು ರೇಂಜ್​ಗೆ ಕಿತ್ತಾಡುತ್ತಿದ್ದಾರೆ.

ಮುಂದಿನ ದಿನಗಳಲ್ಲಿ ಇದು ಮತ್ತಷ್ಟು ತಾರಕಕ್ಕೆ ಹೋದರು ಅಚ್ಚರಿ ಏನಿಲ್ಲ. ಅಂದಹಾಗೆ, ಯಾವ ಕಾರಣಕ್ಕೆ ಕಿತ್ತಾಡುತ್ತಿದ್ದಾರೆ ಅಂತೀರಾ? ಇದು ಫೆಬ್ರವರಿ ತಿಂಗಳು. ಪ್ರೀತಿಯ ತಿಂಗಳು. ಮತ್ತೊಂದೆಡೆ, ನಟ ಮಹೇಶ್​ ಬಾಬು ಹಾಗೂ ವಿಜಯ್ ಅವರ ಎರಡು ಸಿನಿಮಾಗಳು ರಿಲೀಸ್​ಗೆ ರೆಡಿಯಾಗಿವೆ. ಹೌದು, ಹೊಸ ವರ್ಷದ ಪ್ರಯುಕ್ತ ‘ಬೀಸ್ಟ್​’ ಸಿನಿಮಾ ತಂಡ ಹೊಸ ಪೋಸ್ಟರ್​ ರಿಲೀಸ್​ ಮಾಡಿತ್ತು. ಈ ಪೋಸ್ಟರ್​ನಲ್ಲಿ ಏಪ್ರಿಲ್​ನಲ್ಲಿ ಸಿನಿಮಾ ಚಿತ್ರಮಂದಿರಕ್ಕೆ ಲಗ್ಗೆ ಇಡುವ ಬಗ್ಗೆ ತಂಡ ಮಾಹಿತಿ ನೀಡಿತ್ತು. ಆದರೆ, ರಿಲೀಸ್​ ದಿನಾಂಕ ಇನ್ನೂ ಘೋಷಣೆ ಆಗಿಲ್ಲ.

ಹೀಗಿದ್ದರೂ, ‘ಬೀಸ್ಟ್​’ ಸಿನಿಮಾ ಏಪ್ರಿಲ್​ 14ರಂದು ತೆರೆಗಪ್ಪಳಿಸುವ ನಿರೀಕ್ಷೆ ಇದೆ. ಇನ್ನು, ನಟ ಮಹೇಶ್​ ಬಾಬು ಅವರ ನಟನೆಯ ‘ಸರ್ಕಾರು ವಾರಿ ಪಾಟ’ ಚಿತ್ರತಂಡ ಕೂಡಾ ಬಿಡುಗಡೆ ದಿನಾಂಕವನ್ನು ಮೇ 12 ಎಂದು ಘೋಷಿಸಿದೆ. ಹೀಗಿರುವಾಗ, ಸಹಜವಾಗಿಯೇ ಕಾಂಪಿಟಿಷನ್ ಮನೋಭಾವ ಎಲ್ಲರಲ್ಲಿ ಮೂಡುತ್ತೆ. ಅಂತಹದ್ದರಲ್ಲಿ, ಈ ಎರಡೂ ಚಿತ್ರಗಳ ಒಂದು ಪ್ರೀತಿಯ ಸಾಂಗ್​ ಫೆಬ್ರವರಿ 14ರಂದು, ಅಂದರೆ ಒಂದೇ ದಿನ ಎರಡು ಹಾಡುಗಳು ರಿಲೀಸ್​ ಆಗುತ್ತಿದೆ ಎಂದರೆ ಸಹಜವಾಗಿಯೇ ಅಭಿಮಾನಿಗಳು ಕೋಪಗೊಂಡಿದ್ದಾರೆ.

ಒಂದೇ ದಿನ ಎರಡು ಚಿತ್ರಗಳ ಸಾಂಗ್ ರಿಲೀಸ್​ ಆಗುತ್ತಿರುವುದಕ್ಕೆ ಅಭಿಮಾನಿಗಳು ಸಂಭ್ರಮಿಸಬಹುದಿತ್ತು. ಆದರೆ, ಹಾಗೆ ಮಾಡದ ಅಭಿಮಾನಿಗಳು ಕಿತ್ತಾಡುತ್ತಿದ್ದಾರೆ. ಇಂತಹ ಸಿಲ್ಲಿ ಕಾರಣಕ್ಕೆ ಕಿತ್ತಾಟ ನಡೆಯುತ್ತಿರುವ ಬಗ್ಗೆ ಕೆಲವರಂತೂ ಬಿದ್ದು ಬಿದ್ದು ನಗುತ್ತಿದ್ದಾರೆ. ‘ಯೂಟ್ಯೂಬ್​ನಲ್ಲಿ ಹೆಚ್ಚು ಲೈಕ್ಸ್​ ಗಿಟ್ಟಿಸಿಕೊಳ್ಳಲು ವಿಜಯ್​ ಅಭಿಮಾನಿಗಳು ಕಳ್ಳ ಹಾದಿ ಹಿಡಿಯುತ್ತಾರೆ’ ಎಂದು ಮಹೇಶ್​ ಅಭಿಮಾನಿಗಳು ದೂರಿದ್ದಾರೆ. ಇದಕ್ಕೆ, ವಿಜಯ್​ ಅಭಿಮಾನಿಗಳು ಕೂಡಾ ‘ಸರ್ಕಾರಿ ವಾರು ಪಾಟ’ ಚಿತ್ರದ ಬಗ್ಗೆ, ಮಹೇಶ್ ಅಭಿಮಾನಿಗಳನ್ನು ಟೀಕಿಸಿದ್ದಾರೆ.

https://www.vijayavani.net/amulya-mom-to-be-pictures-with-vaishnavi-gowda-goes-viral-on-internet/

https://www.vijayavani.net/sreeleela-increases-remuneration-and-in-turn-gets-opted-out-of-mahesh-babus-ssmb-28-movie-directed-by-trivikram/