ಸಂಭಾವನೆ ಏರಿಸಿಕೊಂಡ ಶ್ರೀಲೀಲಾಗೆ ಸಂಕಷ್ಟ! ಮಹೇಶ್ ಸಿನಿಮಾದಿಂದ ಔಟ್!

ನಟಿ ಶ್ರೀಲೀಲಾ ಸದ್ಯ ಕನ್ನಡ ಮತ್ತು ತೆಲುಗು ಸಿನಿಮಾಗಳಲ್ಲಿ ಸಿಕ್ಕಾಪಟ್ಟೆ ಬ್ಯುಸಿ ಆಗಿದ್ದಾರೆ. ಶ್ರೀಲೀಲಾಗೆ ತೆಲುಗು ಚಿತ್ರರಂಗದಲ್ಲಿ ಬೇಡಿಕೆ ಸಖತ್ ಹೆಚ್ಚಾಗುತ್ತಿದೆ. ನಟ ರವಿತೇಜ, ನಟ ಮಹೇಶ್ ಬಾಬು ರಂತಹ ದೊಡ್ಡ ಸ್ಟಾರ್ ನಟರ ಜೊತೆಗೆ ನಟಿಸಲು ಶ್ರೀಲೀಲಾ ಅವರಿಗೆ ಅವಕಾಶಗಳು ಅರಸಿ ಬರುತ್ತಿವೆ ಎಂಬ ಮಾತುಗಳು ಕೇಳಿಬಂದಿವೆ. ಹಾಗೆ, ನಟ ರವಿತೇಜ ಅವರ 'ಧಮಾಕಾ' ಸಿನಿಮಾದಲ್ಲಿ ಅವಕಾಶ ಗಿಟ್ಟಿಸಿಕೊಂಡರು. ನಂತರ, ನಟಿ ಶ್ರೀಲೀಲಾ ಅವರು ತಮ್ಮ ಸಂಭಾವನೆಯನ್ನು 75 ಲಕ್ಷಕ್ಕೆ ಹೆಚ್ಚಿಸಿಕೊಂಡಿದ್ದರು ಎಂಬ ಸುದ್ದಿಗಳು ಹರಿದಾಡಿದವು.

ಇತ್ತೀಚೆಗೆ, ನಟಿ ಶ್ರೀಲೀಲಾ ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ಅವರ ಮುಂದಿನ #SSMB28 ನೇ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ ಎನ್ನುವ ಸುದ್ದಿ ಹಬ್ಬಿತ್ತು. ಆದರೆ, ಇದೀಗ ನಟಿ ಶ್ರೀಲೀಲಾ ಅವರ ಸಂಭಾವನೆ ಕೇಳಿ ಈ ಸಿನಿಮಾದ ಮೇಕರ್ಸ್ಗೆ ಶಾಕ್ ಆಗಿದೆಯಂತೆ. ಹೌದು, ಚಿತ್ರದಲ್ಲಿ ಎರಡನೇ ನಾಯಕಿಯಾಗಿ ನಟಿಸಲು ನಟಿ ಶ್ರೀಲೀಲಾ ಬರೋಬ್ಬರಿ ಒಂದು ಕೋಟಿ ಸಂಭಾವನೆಯನ್ನು ಕೇಳಿದ್ದಾರಂತೆ. ಇನ್ನು, ಶ್ರೀಲೀಲಾಗೆ ಇಷ್ಟೊಂದು ಸಂಭಾವನೆ ನೀಡಲು ಚಿತ್ರ ತಂಡ ಸಿದ್ಧ ಇಲ್ಲವಂತೆ. ಹಾಗಾಗಿ, ಶ್ರೀಲೀಲಾ ಅವರನ್ನು ಸಿನಿಮಾದಿಂದ ಔಟ್ ಮಾಡಿದೆಯಂತೆ ಚಿತ್ರತಂಡ.

75 ಲಕ್ಷಕ್ಕೆ ಸಂಭಾವನೆ ಏರಿಕೆ ಮಾಡಿಕೊಂಡ ನಟಿ ಶ್ರೀಲೀಲಾ, ಈಗ 1 ಕೋಟಿಗೆ ಸಂಭಾವನೆ ಏರಿಕೆ ಮಾಡಿಕೊಂಡಿರುವುದು ಅವರ ಮುಂದಿನ ಸಿನಿಮಾಗಳಿಗೆ ಕಂಟಕ ಆಗಿದೆ ಎಂದು ಹೇಳಲಾಗುತ್ತಿದೆ. ಸಂಭಾವನೆ ವಿಚಾರವಾಗಿ ಶ್ರೀಲೀಲಾ ಹೆಸರನ್ನು ಕೈ ಬಿಡಲು ಚಿತ್ರತಂಡ ನಿರ್ಧಾರ ಮಾಡಿದೆ ಎಂಬ ಹಲವು ಸುದ್ದಿಗಳು ಈಗ ಕೇಳಿಬರುತ್ತಿವೆ. ಹಾಗಾಗಿ, ಶ್ರೀಲೀಲಾ ಅವರ ಸ್ಥಾನಕ್ಕೆ ಹೊಸ ನಟಿಯನ್ನು ತರಲು ಚಿತ್ರ ತಂಡ ಮುಂದಾಗಿದ್ದು, ಈಗಾಗಲೇ ಹುಡುಕಾಟ ಕೂಡಾ ಶುರು ಆಗಿದೆಯಂತೆ.

https://www.vijayavani.net/rakshith-shetty-to-get-married-very-soon-according-to-astrologer-bhaskar-shetty/

https://www.vijayavani.net/salman-khan-shares-mother-salma-picture-on-instagram-setting-the-internet-on-fire/

https://www.vijayavani.net/mohaka-tare-ramya-reacts-on-twitter-regarding-the-hijab-versus-kesari-row-that-is-currently-happening-in-karnataka/