ವ್ಯವಸ್ಥೆ ತುಂಬಾ ಕೆಟ್ಟದಾಗಿದೆ, ನನ್ನ ಹೆಂಡ್ತಿ ಮೂರು ಸತಿ ಕಳೆದು ಹೋಗಿದ್ದಾಳೆ; Mahakumbh ಮೇಳದಲ್ಲಿ ಪೊಲೀಸರು ಕಾರ್ಯವೈಖರಿ ಬಗ್ಗೆ ವೃದ್ಧನ ಹೇಳಿಕೆ ವೈರಲ್

ಪ್ರಯಾಗ್​ರಾಜ್​: ಹಾಲಿ ನಡೆಯುತ್ತಿರುವ ಮಹಾಕುಂಭ ಮೇಳವು (Mahakumbh Mela) ವಿಶ್ವವ್ಯಾಪಿ ಸದ್ದು ಮಾಡುತ್ತಿದ್ದು, ಇದಕ್ಕೆ ಸಂಬಂಧಿಸಿದ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿವೆ. ಪ್ರತಿನಿತ್ಯ ಕೋಟ್ಯಂತರ ಭಕ್ತರು ಭೇಟಿ ನೀಡುತ್ತಿರುವ ಕುಂಭಮೇಳದಲ್ಲಿ ಕೆಲವು ಸ್ವಾರಸ್ಯಕರ ಘಟನೆಗಳು ನಡೆಯುತ್ತಿದ್ದು, ಇದೀಗ ವ್ಯಕ್ತಿಯೊಬ್ಬರು ತನ್ನ ಹೆಂಡತಿ ಮೂರು ಬಾರಿ ಕಳೆದು ಹೋದ ಬಗ್ಗೆ ಮಾತನಾಡಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸದ್ಯ ವೈರಲ್​ ಆಗಿದೆ.

ಈ ಹಿಂದೆ ಅನೇಕ ಹಿಂದಿ ಸಿನಿಮಾಗಳಲ್ಲಿ ಕುಂಭಮೇಳದಲ್ಲಿ (Mahakumbh Mela) ಕುಟುಂಬಗಳು ಬೇರ್ಪಡುವುದನ್ನು ಸಾಮಾನ್ಯ ಕಥಾವಸ್ತುವಾಗಿತ್ತು. ಈ ರೀತಿಯ ಸಿನಿಮಾಗಳು ಕಡಿಮೆಯಾಗಿದ್ದರು ನಿಜಜೀವನದಲ್ಲಿ ಆಗಿಂದಾಗೆ ನಡೆಯುತ್ತಿರುತ್ತವೆ. ಇದೀಗ ವೃದ್ಧರೊಬ್ಬರು ತಮ್ಮ ಹೆಂಡತಿ ಕಳೆದು ಹೋದಾದ ಪೊಲೀಸರು ನಡೆದುಕೊಂಡ ರೀತಿಯನ್ನು ವಿವರಿಸಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಈ ವಿಡಿಯೋ ಸಖತ್ ವೈರಲ್​ ಆಗಿದೆ. 

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ಕುಂಭಮೇಳದಲ್ಲಿ (Mahakumbh Mela) ನನ್ನ ಹೆಂಡತಿ ಮೂರು ಬಾರಿ ಮಿಸ್​ ಆದಳು. ನಾನು ಪೊಲೀಸರಿಗೆ ದೂರು ನೀಢಿದೆ. ದೂರು ನೀಡಿದ ಅರ್ಧಗಂಟೆಯೊಳಗೆ ಹುಡುಕಿಕೊಟ್ಟಿರುವುದಾಗಿ ಹೇಳಿದ್ದು, ಪೊಲೀಸರ ಕಾರ್ಯವೈಖರಿಯನ್ನು ಹಾಡಿಹೊಗಳಿದ್ದಾರೆ. ಇದರ ಜೊತೆಗೆ ಪೊಲೀಸರ ಕಾರ್ಯವೈಖರಿಯ ಬಗ್ಗೆಯೂ ಅಸಮಾಧಾನ ಹೊರಹಾಕಿದ್ಧಾರೆ. ನನ್ನ ಹೆಂಡತಿಯನ್ನು ಅಷ್ಟು ಬೇಗ ಹುಡುಕಿದ್ದು ಸರಿಯೇ? ಇದೆಂಥಾ ವ್ಯವಸ್ಥೆ ಪೊಲೀಸರೇ ಎಂದು ಪ್ರಶ್ನಿಸಿದ್ಧಾರೆ.

ಈ ವ್ಯವಸ್ಥೆ ತುಂಬಾ ಕೆಟ್ಟದಾಗಿದೆ ಏಕೆಂದರೆ ಮೊದಲೆಲ್ಲಾ ಜನರು ಕುಂಭಮೇಳಕ್ಕೆ (Mahakumbh Mela) ಹೋದಾಗ ದಾರಿ ತಪ್ಪಿದ್ರೆ ಅವರನ್ನು ಹುಡುಕಲು 10-15 ವರ್ಷಗಳೇ ಬೇಕಾಗುತ್ತಿದ್ದವು. ಈ ಬಾರಿ ನಾವು ಕುಂಭಮೇಳಕ್ಕೆ ಹೋದಾಗ ನನ್ನ ಹೆಂಡ್ತಿ ಮೂರು ಬಾರಿ ಕಾಣೆಯಾಗಿದ್ದಳು. ಆದ್ರೆ ಪ್ರತಿ ಬಾರಿಯೂ ಆಕೆಯನ್ನು ಪೊಲೀಸರು ಅರ್ಧಗಂಟೆಯೊಳಗೆ ಹುಡುಕಿಕೊಟ್ಟಿದ್ದಾರೆ. ನಾನು ಹೇಗಾದರೂ ಆಕೆಯಿಂದ ತಪ್ಪಿಸಿಕೊಳ್ಳಬೇಕೆಂದು ಬಯಸಿದ್ದೆ, ಆದ್ರೆ ಅದೂ ಆಗಿಲ್ಲ, ಈ ಸಿಸ್ಟಮ್‌ ಸರಿಯೇ ಇಲ್ಲ ಎಂದು ಫನ್ನಿ ವಿಡಿಯೋ ಮಾಡಿ ಹಾಕಿದ್ಧಾರೆ.

ನಿತಿನ್ ಶುಕ್ಲಾ ಎಂಬುವವರು ಈ ವಿಡಿಯೋವನ್ನು ಹಂಚಿಕೊಂಡಿದ್ದು, ಈವೆಗೆ 368.8ಗೂ ಅಧಿಕ ಬಾರಿ ವೀಕ್ಷಣೆಗೆ ಒಳಪಟ್ಟಿದೆ. ವೃದ್ಧರೊಬ್ಬರ ಈ ಫನ್ನಿ ಮಾತುಗಳಿಗೆ ನೆಟ್ಟಿಗರು ಫಿದಾ ಆಗಿದ್ದು, ನೀವು ಕಂಟೆಂಟ್​ ಕ್ರಿಯೇಟರ್ ಆಗಿ ಎಂದು ಹಲವರು ಸಲಹೆ ನೀಡಿದ್ದಾರೆ. ತಾತ ತುಂಬಾ ದುಃಖವಾದಂತೆ ಕಾಣುತ್ತಿದೆ ಮತ್ತೊಬ್ಬರು ಕಮೆಂಟ್​ ಹಾಕಿದ್ದಾರೆ.

https://www.vijayavani.net/team-india-proper-cheating-controversial-concussion-substitution-sees-harshit-rana-replace-shivam-dube-vs-england-internet-reacts

https://www.vijayavani.net/poor-thing-row-over-sonia-gandhis-remarks-on-presidents-speech