ಇದಪ್ಪಾ ಅದೃಷ್ಟ ಅಂದ್ರೆ! ಪತ್ನಿಗೆ ಚಿನ್ನದ ಸರ ಖರೀದಿಸಿದ ಬೆನ್ನಲ್ಲೇ 8 ಕೋಟಿ ಹಿಡಿದು ಅದೃಷ್ಟಲಕ್ಷ್ಮೀ ಮನೆಗೆ ಎಂಟ್ರಿ | Lucky Man

Lucky Man : ಅದೃಷ್ಟ ಯಾವಾಗ? ಯಾರಿಗೆ? ಯಾವ ರೂಪದಲ್ಲಿ ಬರುತ್ತದೆ ಎಂದು ಅಂದಾಜಿಸಲಾಗದು. ಸಾಮಾನ್ಯ ವ್ಯಕ್ತಿಗೆ ಲಾಟರಿ ಹೊಡೆದು ಕೋಟ್ಯಾಧಿಪತಿ ಆಗಿರುವುದನ್ನು ನೋಡಿ ನಮಗ್ಯಾಕೆ ಇಂಥ ಅದೃಷ್ಟ ಬರಬಾರದೆಂದು ಅಂದುಕೊಂಡಿರುತ್ತೇವೆ. ಆದರೆ, ಅದೆಲ್ಲ ಕಾಲದ ಮಹಿಮೆಯಷ್ಟೇ. ಅಂಥದ್ದೆ ಮಹಿಮೆ ಇದೀಗ ಸಿಂಗಾಪೂರ್​ನಲ್ಲಿರುವ ಭಾರತೀಯ ಮೂಲದ ವ್ಯಕ್ತಿಯೊಬ್ಬರ ಬದುಕಲ್ಲಿ ನಡೆದಿದೆ. ಈ ಸ್ಟೋರಿ ಓದಿದ್ರೆ ಎಂಥಾ ಅದೃಷ್ಟನಪ್ಪಾ ಎಂದು ಹುಬ್ಬೇರಿಸದೇ ಇರಲಾರಿರಿ.

ಭಾರತೀಯ ಮೂಲದ ವ್ಯಕ್ತಿ ತನ್ನ ಹೆಂಡತಿಯ ಮಾತನ್ನು ಕೇಳಿ ಇದೀಗ 8 ಕೋಟಿ ರೂ. ಮೌಲ್ಯದ ಲಕ್ಕಿ ಡ್ರಾ ಗೆದ್ದಿದ್ದಾರೆ. ಪತ್ನಿಗಾಗಿ ಚಿನ್ನದ ಸರ ಖರೀದಿಸಿದ ನಂತರ ಲಕ್ಕಿ ಡ್ರಾದಲ್ಲಿ 1 ಮಿಲಿಯನ್ ಡಾಲರ್ ಬಹುಮಾನವನ್ನು ಗೆದಿದ್ದಾರೆ. ಮೂರು ತಿಂಗಳ ಹಿಂದೆ ಪತ್ನಿಗಾಗಿ ಖರೀದಿಸಿದ ಚಿನ್ನದ ಸರ ಇದೀಗ ಅದೃಷ್ಟವನ್ನು ತಂದುಕೊಟ್ಟಿದೆ. ಒಂದೇ ರಾತ್ರಿಯಲ್ಲಿ ಈ ವ್ಯಕ್ತಿ ಕೋಟ್ಯಧೀಶ್ವರನಾಗಿದ್ದಾನೆ.

ವಿವರಣೆಗೆ ಬರುವುದಾದರೆ, ಬಾಲಸುಬ್ರಮಣ್ಯಂ ಚಿದಂಬರಂ ಎಂಬುವವರು 21 ವರ್ಷಗಳಿಂದ ಸಿಂಗಾಪುರದಲ್ಲಿ ನೆಲೆಸಿದ್ದಾರೆ. ಆಭರಣ ಕಂಪನಿಯ ವಾರ್ಷಿಕ ಕಾರ್ಯಕ್ರಮದ ಅಂಗವಾಗಿ ಲಕ್ಕಿ ಡ್ರಾ ನಡೆಸಲಾಯಿತು. ಆ ಆಭರಣ ಮಳಿಗೆಯಲ್ಲಿ 250 ಡಾಲರ್​ಗಿಂತ ಹೆಚ್ಚು ಮೌಲ್ಯದ ಆಭರಣಗಳನ್ನು ಖರೀದಿಸಿದವರು ಲಕ್ಕಿ ಡ್ರಾಗೆ ಅರ್ಹರಾಗಿರುತ್ತಾರೆ.

ಇದನ್ನೂ ಓದಿ: ಮಲಗುವಾಗ ಈ ವಸ್ತುಗಳು ನಿಮ್ಮ ಸುತ್ತ ಇರದಂತೆ ನೋಡಿಕೊಳ್ಳಿ… ಇಲ್ಲದಿದ್ರೆ ಭಾರಿ ಸಮಸ್ಯೆಗಳು ಉಂಟಾಗುತ್ತೆ | Sleeping

ತನ್ನ ಪತ್ನಿ ಚಿನ್ನದ ಸರ ಕೊಡಿಸುವಂತೆ ಕೇಳಿದ್ದಳು. ಹೀಗಾಗಿ ಚಿದಂಬರಂ ಅವರು ಆಭರಣದ ಮಳಿಗೆಗೆ ಹೋಗಿ ಹೆಂಡತಿಗಾಗಿ 6000 ಡಾಲರ್ ಮೌಲ್ಯದ ಚಿನ್ನವನ್ನು ಖರೀದಿಸಿ, ಮನೆಗೆ ಬಂದಿದ್ದರು. ಇದಾದ ಮೂರು ತಿಂಗಳ ಬಳಿಕ ಲಕ್ಕಿ ಡ್ರಾನಲ್ಲಿ 8 ಕೋಟಿ ರೂ. ಬಂಪರ್​ ಬಹುಮಾನ ಸಿಕ್ಕಿದೆ. ಇದನ್ನು ಕೇಳಿ ಚಿದಂಬರಂ ಕುಟುಂಬ ಕುಣಿದು ಕುಪ್ಪಳಿಸಿದೆ.

ಇಷ್ಟು ದೊಡ್ಡ ಲಕ್ಕಿ ಡ್ರಾ ಗೆದ್ದಿದ್ದಕ್ಕೆ ಕಣ್ಣೀರು ಹಾಕುತ್ತಾ ಚಿದಂಬರಂ ಸಂತಸ ವ್ಯಕ್ತಪಡಿಸಿದರು. ತಂದೆ ತೀರಿಕೊಂಡ ದಿನವೇ ಈ ಸುದ್ದಿ ಕೇಳಿ ಒಂದು ಕಡೆ ಖುಷಿಯಾಯಿತು ಎಂದರು. ತಮ್ಮ ತಾಯಿಯೊಂದಿಗೆ ಒಳ್ಳೆಯ ಸುದ್ದಿಯನ್ನು ಹಂಚಿಕೊಳ್ಳಲು ಮತ್ತು ಗೆದ್ದ ಹಣದ ಒಂದು ಭಾಗವನ್ನು ಸಮುದಾಯಕ್ಕೆ ದಾನ ಮಾಡಲು ಯೋಜಿಸಿರುವುದಾಗಿ ಚಿದಂಬರಂ ಅವರು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/my-fiance-died-just-days-before-our-wedding-i-still-went-on-our-honeymoon

https://www.vijayavani.net/after-kannada-and-hindi-rcb-will-come-in-telugu-malayalam-and-bengali