ಹೈದರಾಬಾದ್: ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮ್ಯಾನ್ಗಳಾದ ಪ್ರೇರಕ್ ಮಂಕದ್, ಮಾರ್ಕಸ್ ಸ್ಟೋಯಿನಿಸ್, ನಿಕೋಲಸ್ ಪೂರನ್ ಉಪಯುಕ್ತ ಆಟದ ಫಲವಾಗಿ ಲಖನೌ ಸೂಪರ್ ಜೈಂಟ್ಸ್ ತಂಡವು ಸನ್ರೈಸರ್ಸ್ ಹೈದರಾಬಾದ್ ವಿದುದ್ಧ 7 ವಿಕೆಟ್ಗಳ ಜಯ ಸಾಧಿಸಿದೆ.
ಹೈದರಾಬಾದಿನ ರಾಜೀವ್ ಗಾಂಧಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಸನ್ರೈಸರ್ಸ್ ತಂಡವು 6 ವಿಕೆಟ್ ನಷ್ಟಕ್ಕೆ 20 ಓವರ್ಗಳಲ್ಲಿ 182ರನ್ ಗಳಿಸಿತ್ತು.
ಆಧರಿಸಿದ ಕ್ಲಾಸಿನ್-ಸಮದ್
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಸನ್ರೈಸರ್ಸ್ ಆರಂಭಿಕ ಅನ್ಮೋಲ್ಪ್ರೀತ್ ಸಿಂಗ್(36 ರನ್, 27 ಎಸೆತ, 7 ಬೌಂಡರಿ), ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮ್ಯಾನ್ಗಳಾದ ಹೆನ್ರಿಚ್ ಕ್ಲಾಸಿನ್(47 ರನ್, 29 ಎಸೆತ, 3 ಬೌಂಡರಿ, 3 ಸಿಕ್ಸರ್), ಅಬ್ದುಲ್ ಸಮದ್(37 ರನ್, 25 ಎಸೆತ, 1 ಬೌಂಡರಿ, 4 ಸಿಕ್ಸರ್) ಸ್ಪೋಟಕ ಬ್ಯಾಟಿಂಗ್ ಫಲವಾಗಿ 20 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 182ರನ್ ಗಳಿಸಿತ್ತು.
ಲಖನೌ ಪರ ಕೃಣಾಲ್ ಪಾಂಡ್ಯ(4-0-24-2), ಯಶ್ ಠಾಕೂರ್(4-0-28-1), ಅಮಿತ್ ಮಿಶ್ರಾ(4-0-40-1), ಯುದ್ವೀರ್ ಸಿಂಗ್(3-0-24-1), ಆವೇಶ್ ಖಾನ್(2-0-30-1), ರವಿ ಬಿಷ್ಣೋಯಿ(2-0-23-0), ಕೈಲ್ ಮೇಯರ್ಸ್(1-0-11-0) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.
ಇದನ್ನೂ ಓದಿ: ಜನತೆ ಬಿಜೆಪಿಯ ಹಿಂದುತ್ವ ರಾಜಕೀಯವನ್ನು ತಿರಸ್ಕರಿಸಿ, ಕಾಂಗ್ರೆಸ್ನ ಬಂಧುತ್ವವನ್ನು ಪುರಸ್ಕರಿಸಿದ್ದಾರೆ: ಸಿದ್ದರಾಮಯ್ಯ
ಬ್ಯಾಟ್ಸ್ಮ್ಯಾನ್ಗಳ ಉಪಯುಕ್ತ ಕೊಡುಗೆ
ಗುರಿ ಬೆನ್ನತ್ತಿದ್ದ ಲಖನೌ ತಂಡವು ಮಧ್ಯಮ ಕ್ರಮಾಂಕದ ಕ್ರಮಾಂಕದ ಬ್ಯಾಟ್ಸ್ಮ್ಯಾನ್ ಪ್ರೇರಕ್ ಮಂಕದ್(64 ರನ್, 45 ಎಸೆತ, 7 ಬೌಂಡರಿ, 2 ಸಿಕ್ಸರ್), ನಿಕೋಲಸ್ ಪೂರನ್(44 ರನ್, 13 ಎಸೆತ, 3 ಬೌಂಡರಿ, 4 ಸಿಕ್ಸರ್), ಮಾರ್ಕಸ್ ಸ್ಟೋಯಿನಿಸ್(40 ರನ್, 25 ಎಸೆತ, 2 ಬೌಂಡರಿ, 3 ಸಿಕ್ಸರ್) ಸ್ಪೋಟಕ ಬ್ಯಾಟಿಂಗ್ ಫಲವಾಗಿ ಲಖನೌ ತಂಡವು ಗುರಿಯನ್ನು 19.2 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 185 ರನ್ ಗಳಿಸಿ ಗೆಲುವಿನ ನಗೆ ಬೀರಿತ್ತು.
ಸನ್ರೈಸರ್ಸ್ ಪರ ಭುವನೇಶ್ವರ್ ಕುಮಾರ್(4-0-30-0), ಮಯಾಂಕ್ ಮಾರ್ಕಂಡೆ(3-0-39-1), ಅಭಿಷೇಕ್ ಶರ್ಮಾ(3-0-42-1), ಗ್ಲೆನ್ ಫಿಲಿಪ್ಸ್(2-0-10-1), ಟಿ. ನಟರಾಜನ್(4-0-31-0), ಫಾರೂಕಿ(3.2-0-32-0) ರನ್ ನೀಡಿ ವಿಕೆಟ್ ಪಡೆದಿದ್ದಾರೆ.