ವೊಲೊಖೋವಿಚ್ ತಮ್ಮ ವ್ಯಥೆಯನ್ನು ತೋಡಿಕೊಂಡದ್ದು ಹೀಗೆ- ಆಲ್ಫಾ ಬ್ಯಾಂಕ್ನವರು 20,000 ಡಾಲರ್ ಮರುಪಾವತಿಸಬೇಕು ಎಂದು ತಿಳಿಸಿದಾಗ, ಸಾಲ ತೆಗೆದುಕೊಂಡವರು ಯಾರು ಎಂಬುದನ್ನು ಪತ್ತೆ ಹಚ್ಚಲು ಮುಂದಾದೆ. ಸ್ಮಾರ್ಟ್ಫೋನ್ ಕಳೆದುಕೊಂಡಾಗ ಅದರಲ್ಲಿ ಆಲ್ಫಾ ಬ್ಯಾಂಕಿನ ಆ್ಯಪ್ ಚಾಲ್ತಿಯಲ್ಲಿತ್ತು. ಅದರಲ್ಲಿ ಪ್ರೀ ಅಪ್ರೂವ್ಡ್ ಸಾಲದ ವ್ಯವಸ್ಥೆಯನ್ನು ವಂಚಕರು ಬಳಸಿಕೊಂಡಿದ್ದರು. ಸರಳ ಇಲೆಕ್ಟ್ರಾನಿಕ್ ಸಿಗ್ನೇಚರ್ ಬಳಸಿಕೊಂಡು ಯಾವುದೇ ಆಧಾರವಿಲ್ಲದೆ ಬ್ಯಾಂಕ್ ಸಾಲ ನೀಡುವ ವ್ಯವಸ್ಥೆ ಇದು. ಕೂಡಲೇ ಬ್ಯಾಂಕ್ ಅಧಿಕಾರಿಗಳಿಗೆ ಸಾಲದ ಖಾತೆ ಮುಚ್ಚುವಂತೆ ಸೂಚಿಸಿದ ಬಳಿಕ ಅವರು ವಂಚಕರ ಖಾತೆಯಿಂದ 1,900 ಡಾಲರ್ ಹಿಂಪಡೆಯುವಲ್ಲಿ ಯಶ ಕಂಡಿದ್ದಾರೆ. ಆದರೆ, ಉಳಿದ ಹಣವನ್ನು ಮರುಪಾವತಿಸುವಂತೆ ನನಗೆ ದಂಬಾಲು ಬಿದ್ದಿದ್ದಾರೆ. ಸ್ಮಾರ್ಟ್ಫೋನ್ ಕಳುವಾದ ತಕ್ಷಣ ಮಾಹಿತಿ ನೀಡಬೇಕಾಗಿತ್ತು ಎಂಬುದು ಬ್ಯಾಂಕ್ನವರ ವಾದ. ನನ್ನ ಬಳಿ 24 ಗಂಟೆ ಫೋನ್ ಇರಲಿಲ್ಲ. ಆ್ಯಪ್ಗಳನ್ನು ಬ್ಲಾಕ್ ಮಾಡುವುದು ಸಾಧ್ಯವಾಗಲಿಲ್ಲ. ಆಗ ಈ ಪ್ರೀ ಅಪ್ರೂವ್ಡ್ ಸಾಲದ ವಿಚಾರ ಗಮನಕ್ಕೆ ಬಂದಿರಲಿಲ್ಲ.
