ಒಳಗಡೆ ಲೋಕಾಯುಕ್ತ ಅಧಿಕಾರಿಗಳ ಪರಿಶೀಲನೆ; ಹೊರಗಡೆ ಲಂಚ ಸ್ವೀಕಾರ..!

ಬೆಂಗಳೂರು: ಆರ್​​ಟಿಓ ಅಧಿಕಾರಿಗಳಿಗೆ, ಲೋಕಾಯುಕ್ತ ಅಧಿಕಾರಿಗಳು ಶಾಕ್ ನೀಡಿದ್ದಾರೆ. ಬೆಳಗ್ಗೆ 4 ಗಂಟೆ ವೇಳೆ ಲೋಕಾಯುಕ್ತ ಎಸ್ಪಿ ಶ್ರೀನಾಥ್ ಜೋಷಿ ನೇತೃತ್ವದಲ್ಲಿ 20ಕ್ಕೂ ಅಧಿಕ ಮಂದಿ ಲೋಕಾಯುಕ್ತ ಅಧಿಕಾರಿಗಳ ತಂಡ ಅತ್ತಿಬೆಲೆ ಆರ್​​ಟಿಓ ಕಛೇರಿಗೆ ದಾಳಿ ನಡೆಸಿದ್ದಾರೆ.

ಸುಮಾರು 5 ವಾಹನಗಳಲ್ಲಿ ಆಗಮಿಸಿದ ಲೋಕಾಯುಕ್ತ ಪೊಲೀಸರು ಆರ್​​ಟಿಓ ಕಛೇರಿ ಸಿಬ್ಬಂದಿ ಬಳಿಯಿದ್ದ ಮೊಬೈಲ್ ಮತ್ತು ಪರ್ಸ್​ಗಳನ್ನು ವಶಕ್ಕೆ ಪಡೆದು ದಾಖಲೆಗಳ ಪರಿಶೀಲನೆ ನಡೆಸಿದ್ದಾರೆ. ಪರಿಶೀಲನೆ ವೇಳೆ ಪತ್ತೆಯಾದ ಹಣಕ್ಕೆ ಸೂಕ್ತ ದಾಖಲೆಗಳು ಲಭ್ಯವಾಗಿಲ್ಲ ಎನ್ನಲಾಗಿದೆ.

ಒಂದೊಂದು ಲಾರಿಗೆ ಹಣ ಫಿಕ್ಸ್

ಅತ್ತಿಬೆಲೆ ಆರ್​​ಟಿಓ ಕಛೇರಿಯಲ್ಲಿ ಭ್ರಷ್ಟಾಚಾರವಾಗುತ್ತಿರುವ ಬಗ್ಗೆ ಸಾರ್ವಜನಿಕರಿಂದ ದೂರು ಬಂದಿತ್ತು. ಈ ಹಿನ್ನೆಲೆಯಲ್ಲಿ ಲೋಕಾಯುಕ್ತ ಅಧಿಕಾರಿಗಳು ದಾಳಿ ನಡೆಸಿದ್ದಾರೆ. ಕಛೇರಿ ಒಳಗಡೆ ಲೋಕಾಯುಕ್ತ ಅಧಿಕಾರಿಗಳು ದಾಖಲೆಗಳ ಪರಿಶೀಲನೆಯಲ್ಲಿ ತೊಡಗಿದ್ದಾಗಲೇ, ಹೊರಗಡೆ ಲಾರಿ ಕ್ಲೀನರ್ಸ್​​ಗಳಿಂದ ಲಂಚ ಪಡೆಯುತ್ತಿದ್ದುದು ಅಧಿಕಾರಿಗಳ ಗಮನಕ್ಕೆ ಬಂದಿದೆ.

ಬೆಂಗಳೂರಿನ ಹೂವಿನ ಮಾರುಕಟ್ಟೆಗೆ ಸಾಗುವ ವಾಹನವೊಂದಕ್ಕೆ ನಿಗಿದಿತ ಮೊತ್ತ ಫಿಕ್ಸ್ ಮಾಡಿರುವ ಆರ್​ಟಿಓ ಅಧಿಕಾರಿಗಳು, ಲಂಚ ಪಡೆದು ಕೈಗೆ ಶೀಲ್ ಹಾಕುತ್ತಾರೆ. ವಾಹನವೊಂದಕ್ಕೆ 100 ರೂಪಾಯಿ ಫಿಕ್ಸ್ ಮಾಡಿದ್ದು, ನಿಗದಿತ ಹಣ ನೀಡಿದರೆ ಕೈಗೆ ಶೀಲ್ ಹಾಕುತ್ತಾರೆ. ಶೀಲ್ ಇದ್ದರೆ ಮುಂದೆ ವಾಹನಗಳನ್ನು ಆರ್​ಟಿಓ ಅಧಿಕಾರಿಗಳು ಪರಿಶೀಲನೆ ಮಾಡುವುದಿಲ್ಲ ಎಂದು ಹೂ ಸಾಗಾಟ ವಾಹನದ ಕ್ಲೀನರ್ ಲೋಕಾಯುಕ್ತ ಅಧಿಕಾರಿಗಳಿಗೆ ತಿಳಿಸಿದ್ದಾನೆ.

ವಾಹನ ಚಾಲಕರ ಬಳಿ ಅಧಿಕಾರಿಗಳ ನೆಪದಲ್ಲಿ ಹಣ ವಸೂಲಿ ಮಾಡುತ್ತಿದ್ದ ಧರ್ಮ ಎಂಬ ವ್ಯಕ್ತಿಯನ್ನು ಪೋಲೀಸರು ವಶಕ್ಕೆ ಪಡೆದಿದ್ದಾರೆ.

https://www.vijayavani.net/congress-jodo-yatra-is-being-conducted-by-rahul-gandhi/

https://www.vijayavani.net/bharat-jodo-yatra-is-a-penance-yatra-of-congress/

https://www.vijayavani.net/virat-kohli-shows-his-video-call-with-anushka-sharma/