'ಮಂಜ್ಯುಮೆಲ್ ಬಾಯ್ಸ್'​, 'ತುಡರಮ್'​... 3ನೇ ವಾರಕ್ಕೆ 'ಲೋಕಃ' ಲಗ್ಗೆ, ದಾಖಲೆ ಮುರಿದ ಕಲ್ಯಾಣಿ ಸಿನಿಮಾ | Lokah

Lokah: ಬೆಂಗಳೂರಿನ ಸಂಸ್ಕೃತಿ ಮತ್ತು ಅಲ್ಲಿನ ಯುವತಿಯರ ಬಗ್ಗೆ ತುಂಬಾ ಅಶ್ಲೀಲ ಪದ ಬಳಕೆ ಮಾಡುವ ಮೂಲಕ ಮಲಯಾಳಂನ ಲೋಕಃ ಚಾಪ್ಟರ್​ 1 ಚಿತ್ರ ಬಿಡುಗಡೆಗೊಂಡ ಕೆಲವೇ ದಿನಗಳಲ್ಲಿ ಭಾರೀ ವಿವಾದಕ್ಕೆ ಗುರಿಯಾಯಿತು. ಇದರ ವಿರುದ್ಧ ಬೆಂಗಳೂರಿನ ಮಂದಿ ತೀವ್ರ ಆಕ್ರೋಶ ಹೊರಹಾಕಿದ್ದರು. ಇದರ ಬೆನ್ನಲ್ಲೇ ಚಿತ್ರತಂಡ ಕ್ಷಮೆ ಕೂಡ ಕೇಳಿತು. ವಿವಾದ ಹೊರತುಪಡಿಸಿ ನೋಡುವುದಾದರೆ, ಚಿತ್ರವು ಬಾಕ್ಸ್​ ಆಫೀಸ್​ನಲ್ಲಿ ಉತ್ತಮ ಗಳಿಕೆಯತ್ತ ಸಾಗಿದೆ.

ಇದನ್ನೂ ಓದಿ: ಮಹಾನಗರ ಪಾಲಿಕೆಗೆ ಸಹಿ ಸುದ್ದಿ, ಸಂಸದ ಜಿಗಜಿಣಗಿ ಪರಿಶ್ರಮದ ಫಲ, ಎನ್‌ಎಚ್‌ಬಿ ಪಟ್ಟಿಯಲ್ಲಿ ಕೈತಪ್ಪಿದ ಹಸರು ಮರು ಸೇರ್ಪಡೆ !

ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿರುವ ನಟಿ ಕಲ್ಯಾಣಿ ಪ್ರಿಯದರ್ಶನ್, ಮಲಯಾಳಂ ಸಿನಿಪ್ರಿಯರನ್ನು ಮನರಂಜಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಉತ್ತಮ ವಿಮರ್ಶೆಗಳನ್ನು ಪಡೆದಿರುವ ಈ ಚಿತ್ರವು, ಬಾಕ್ಸ್ ಆಫೀಸ್​ನಲ್ಲಿ ಮೂರನೇ ವಾರವು ಭರ್ಜರಿ ಗಳಿಕೆ ಕಾಣುತ್ತಿದೆ. ಇದು ಚಿತ್ರತಂಡಕ್ಕೆ ಅತೀವ ಸಂತಸ ಮೂಡಿಸಿದೆ. ಆನ್​ ಮನೋರಮಾ ವರದಿ ಪ್ರಕಾರ, ಪ್ರಸ್ತುತ ಮಲಯಾಳಂನಲ್ಲಿ ಅತಿ ಹೆಚ್ಚು ಗಳಿಕೆ ಕಂಡ ಎರಡನೇ ಚಿತ್ರ ಇದಾಗಿದೆ.

ಈ ಹಿಂದೆ ಮಾಲಿವುಡ್​ನಲ್ಲಿ ಬ್ಲಾಕ್​ಬಸ್ಟರ್​ ಚಿತ್ರಗಳಾಗಿ ಹೊರಹೊಮ್ಮಿದ 'ಥುಡರಮ್' ಮತ್ತು 'ಮಂಜುಮ್ಮೆಲ್ ಬಾಯ್ಸ್' ಚಿತ್ರಗಳನ್ನು ಇದೀಗ 'ಲೋಕಃ' ಹಿಂದಿಕ್ಕಿದೆ. ಬಾಕ್ಸ್ ಆಫೀಸ್ ಟ್ರ್ಯಾಕಿಂಗ್ ವೆಬ್‌ಸೈಟ್ 'ಸಕ್ನಿಲ್ಕ್' ಮಾಹಿತಿ ಪ್ರಕಾರ, ಡೊಮಿನಿಕ್ ಅರುಣ್ ನಿರ್ದೇಶನದ ಕಲ್ಯಾಣಿ ಪ್ರಿಯದರ್ಶನ್ ಅಭಿನಯದ ಸೂಪರ್‌ಹೀರೋ ಈ ಚಿತ್ರ, ಕಳೆದ ವರ್ಷ ಬಾಕ್ಸ್ ಆಫೀಸ್​ನಲ್ಲಿ ದಾಖಲೆ ನಿರ್ಮಿಸಿದ್ದ ಮಂಜುಮ್ಮೆಲ್ ಬಾಯ್ಸ್ (ಜಾಗತಿಲ 241ಕ್ಕೂ ಅಧಿಕ ಕೋಟಿ ರೂ.) ಗಳಿಕೆಯನ್ನು ಮುರಿದಿದೆ.

ಇದರೊಂದಿಗೆ ಮಾಲಿವುಡ್​ ದಿಗ್ಗಜ, ನಟ ಮೋಹನ್​ಲಾಲ್​ ನಟಿಸಿದ ಸೂಪರ್​ಹಿಟ್​ 'ಥುಡರಮ್' (ಜಾಗತಿಕ 235ಕ್ಕೂ ಅಧಿಕ ಕೋಟಿ ರೂ.) ಗಳಿಕೆಯನ್ನೂ ಬ್ರೇಕ್ ಮಾಡಿದೆ. ಸತತ ಮೂರನೇ ವಾರವು ಚಿತ್ರಮಂದಿರಗಳಲ್ಲಿ ಯಶಸ್ವಿಯಾಗಿ ಪ್ರದರ್ಶನ ಕಾಣುತ್ತಿರುವ ಲೋಕಃ, ಜನರನ್ನು ಥಿಯೇಟರ್​, ಮಲ್ಟಿಪ್ಲೆಕ್ಸ್​ಗಳತ್ತ ಕೈಬೀಸಿ ಕರೆಯುತ್ತಿರುವುದು ಗಮನಾರ್ಹ.

ತೆರೆಕಂಡ 18ನೇ ದಿನಕ್ಕೆ ಜಾಗತಿಕವಾಗಿ ಬ್ಲಾಕ್‌ಬಸ್ಟರ್ ಆಗಿ ಸದ್ದು ಮಾಡುತ್ತಿರುವ ಲೋಕಃ, ಸುಮಾರು 248ಕ್ಕೂ ಹೆಚ್ಚು ಕೋಟಿ ರೂ. ಬಾಕ್ಸ್ ಆಫೀಸ್​ ಗಳಿಕೆಯನ್ನು ಕಂಡಿದೆ. ಶೀಘ್ರದಲ್ಲೇ, 'ಎಂಪುರಾನ್'​ ಚಿತ್ರದ 267 ಕೋಟಿ ರೂ. ಗಳಿಕೆಯನ್ನೂ ಮುರಿಯುವ ಎಲ್ಲ ಲಕ್ಷಣಗಳಿವೆ. ಚಿತ್ರವು ದೇಶಿಯವಾಗಿ ಸುಮಾರು 140 ಕೋಟಿ ರೂ. ಕಲೆಕ್ಷನ್ ಮಾಡಿದೆ ಎಂದು ಸ್ಯಾಕ್ನಿಲ್ಕ್ ವರದಿ ತಿಳಿಸಿದೆ,(ಏಜೆನ್ಸೀಸ್).

https://www.vijayavani.net/asia-cup-2025-pakistan-takes-a-u-turn