ನೀವು ಇವುಗಳನ್ನು ಕುಡಿಯುತ್ತಿದ್ರೆ ಇಂದೇ ನಿಲ್ಲಿಸಿ ಇಲ್ಲದಿದ್ರೆ ನಿಮ್ಮ ಲಿವರ್​ ಡ್ಯಾಮೇಜ್​ ಆಗೋದು ಗ್ಯಾರಂಟಿ! Liver Health

Liver Health : ಅನೇಕ ಜನರು ನಿಯಮಿತವಾಗಿ ಕೂಲ್ ಡ್ರಿಂಕ್ಸ್ ಸೇವಿಸುತ್ತಾರೆ. ಪ್ರಯಾಣ ಮಾಡುವಾಗ, ಕೆಲಸ ಮಾಡುವಾಗ, ಹುಟ್ಟುಹಬ್ಬ ಆಚರಣೆ ಮಾಡುವಾಗ ಹೀಗೆ ಒಂದಿಲ್ಲೊಂದು ಸಂದರ್ಭದಲ್ಲಿ ಕೂಲ್​ ಡ್ರಿಂಕ್ಸ್​ ಸೇವನೆ ಮಾಡುತ್ತಾರೆ. ಕೂಲ್​ ಡ್ರಿಂಕ್ಸ್​ ಆರೋಗ್ಯಕ್ಕೆ ಒಳ್ಳೆಯದಲ್ಲ ಎಂದು ಗೊತ್ತಿದ್ದರೂ ಅದನ್ನು ಕುಡಿಯುವವರ ಸಂಖ್ಯೆಯೇನು ಕಡಿಮೆಯಾಗಿಲ್ಲ ಮತ್ತು ಕೂಲ್​ ಡ್ರಿಂಕ್ಸ್​ ಕಂಪನಿಗಳ ಆದಾಯವು ಕೂಡ ಹೆಚ್ಚಾಗುತ್ತಿದೆ.

ಚಿಕ್ಕ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಎಲ್ಲರೂ ಕೂಲ್​ ಡ್ರಿಂಕ್ಸ್​ ಕುಡಿಯಲು ಇಷ್ಟಪಡುತ್ತಾರೆ. ಆದರೆ, ಈ ಒಂದು ಕೆಟ್ಟ ಅಭ್ಯಾಸ ಎಂಬುದನ್ನು ಮರೆಯಬೇಡಿ. ಕೂಲ್​ಡ್ರಿಂಕ್ಸ್​ ಕುಡಿಯುವುದರಿಂದ ದೇಹದಲ್ಲಿನ ಲಿವರ್​ಗೆ ಹಾನಿಯಾಗುವ ಸಾಧ್ಯತೆ ಹೆಚ್ಚಿದೆ. ಹೌದು, ನೀವು ಕೇಳಿದ್ದು ಸರಿಯಿದೆ. ಲಿವರ್​ಗೆ ತುಂಬಾ ಹಾನಿ ಉಂಟುಮಾಡುವ ಕೆಲವು ಪಾನೀಯಗಳಿವೆ. ಅವುಗಳನ್ನು ಸೇವಿಸಿದರೆ ಕಾಲಾನಂತರದಲ್ಲಿ ಲಿವರ್​ಗೆ ಸಂಬಂಧಿಸಿದ ಕಾಯಿಲೆಗಳು ಉಂಟಾಗುತ್ತವೆ.

ಲಿವರ್​ ನಮ್ಮ ದೇಹದಲ್ಲಿ ಪ್ರಮುಖ ಅಂಗವಾಗಿದೆ. ಇದು ತ್ಯಾಜ್ಯವನ್ನು ಫಿಲ್ಟರ್ ಮಾಡಲು, ಕೊಬ್ಬನ್ನು ಚಯಾಪಚಯಗೊಳಿಸಲು ಮತ್ತು ಜೀರ್ಣಕ್ರಿಯೆಯನ್ನು ಬೆಂಬಲಿಸಲು ನಿರಂತರವಾಗಿ ಕಾರ್ಯನಿರ್ವಹಿಸುತ್ತದೆ. ನಾವು ಕುಡಿಯುವ ಕೆಲವು ಕೂಲ್​ ಡ್ರಿಂಕ್ಸ್​ ಲಿವರ್​ ಮೇಲೆ ಪರಿಣಾಮ ಬೀರುತ್ತವೆ. ಆದ್ದರಿಂದ ಎಚ್ಚರಿಕೆ ವಹಿಸುವುದು ಮುಖ್ಯವಾಗಿದೆ. ಹಾಗಾದರೆ, ಲಿವರ್​ಗೆ ಹಾನಿಯುಂಟುಮಾಡುವ ಪಾನೀಯಗಳು ಯಾವುವು ಎಂಬುದನ್ನು ನಾವೀಗ ತಿಳಿಯೋಣ.

ಸೋಡಾ: ಇದು ಕೇವಲ ಸಿಹಿ ಪಾನೀಯವಲ್ಲ. ಇದರಲ್ಲಿ ಸೇರಿಸಲಾದ ಸಕ್ಕರೆ ಮತ್ತು ಕೃತಕ ರಾಸಾಯನಿಕಗಳು ಲಿವರ್​ ಮೇಲೆ ಪರಿಣಾಮ ಬೀರುತ್ತವೆ. ಕೆನಡಿಯನ್ ಜರ್ನಲ್ ಆಫ್ ಗ್ಯಾಸ್ಟ್ರೋಎಂಟರಾಲಜಿ ಮತ್ತು ಹೆಪಟಾಲಜಿಯಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ತಂಪು ಪಾನೀಯಗಳ ನಿಯಮಿತ ಸೇವನೆಯು ಕೊಬ್ಬಿನ ಲಿವರ್​ ಅಪಾಯವನ್ನು ಹೆಚ್ಚಿಸುತ್ತದೆ. ಇದನ್ನು ನಾನ್-ಆಲ್ಕೊಹಾಲಿಕ್ ಫ್ಯಾಟಿ ಲಿವರ್ ಡಿಸೀಸ್ (NAFLD) ಎಂದು ಕರೆಯಲಾಗುತ್ತದೆ. ಲಿವರ್​ನಲ್ಲಿ ಕೊಬ್ಬು ಶೇಖರಣೆಯಾಗುವುದು ಹಲವು ಗಂಭೀರ ಸಮಸ್ಯೆಗಳನ್ನು ತಂದೊಡ್ಡುತ್ತದೆ.

ಇದನ್ನೂ ಓದಿ: ಎಷ್ಟೇ ಬೇಯಿಸಿದ್ರೂ ಅದು ಹೋಗಲ್ಲ! ಚಿಕನ್​ ಅಂದ್ರೆ ಪಂಚಪ್ರಾಣ ಅನ್ನೋರಿಗೆ ಇಲ್ಲಿದೆ ಆಘಾತಕಾರಿ ಸುದ್ದಿ | Chicken

ಎನರ್ಜಿ ಡ್ರಿಂಕ್ಸ್: ಅನೇಕ ಜನರು ಶಕ್ತಿಗಾಗಿ ಎನರ್ಜಿ ಡ್ರಿಂಕ್ಸ್ ಕುಡಿಯುತ್ತಾರೆ. ಆದರೆ, ಇವು ನಿಮ್ಮ ಲಿವರ್​ಗೆ ತುಂಬಾ ಹಾನಿಕಾರಕ. ಯುಎಸ್ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಮೆಡಿಸಿನ್ ನಡೆಸಿದ ಅಧ್ಯಯನದ ಪ್ರಕಾರ, ಹೆಚ್ಚು ಎನರ್ಜಿ ಡ್ರಿಂಕ್ ಕುಡಿಯುವುದರಿಂದ ಲಿವರ್​ಗೆ ಹಾನಿಯಾಗುತ್ತದೆ. ಈ ಪಾನೀಯಗಳಲ್ಲಿ ಹೆಚ್ಚಿನ ಪ್ರಮಾಣದ ಟೌರಿನ್, ಕೆಫೀನ್ ಮತ್ತು ಇತರ ಉತ್ತೇಜಕಗಳು ಲಿವರ್​ ಮೇಲೆ ಒತ್ತಡವನ್ನು ಉಂಟುಮಾಡುತ್ತವೆ. ಇದರೊಂದಿಗೆ ದೀರ್ಘಾವಧಿಯಲ್ಲಿ ಲಿವರ್​ಗೆ ಹಾನಿಯಾಗುವ ಸಾಧ್ಯತೆ ಇದೆ. ಅಲ್ಲದೆ, ಕೆಲವು ಸಂದರ್ಭಗಳಲ್ಲಿ ಲಿವರ್​ ಕಸಿಗೂ ಕಾರಣವಾಗುತ್ತದೆ.

ಮದ್ಯ: ಅತಿಯಾದ ಮದ್ಯ ಸೇವನೆಯು ಲಿವರ್​ಗೆ ಹಾನಿ ಮಾಡುತ್ತದೆ ಎಂದು ಬಹುತೇಕ ಎಲ್ಲರಿಗೂ ತಿಳಿದಿದೆ. ಜಾನ್ಸ್ ಹಾಪ್ಕಿನ್ಸ್ ಮೆಡಿಸಿನ್ ಪ್ರಕಾರ, ಮದ್ಯಯುಕ್ತ ಲಿವರ್​ ಕಾಯಿಲೆಯು ಅತಿಯಾದ ಮದ್ಯ ಸೇವನೆಯಿಂದ ಉಂಟಾಗುತ್ತದೆ. ಇದು ಉರಿಯೂತ ಮತ್ತು ಲಿವರ್​ ವೈಫಲ್ಯಕ್ಕೆ ಕಾರಣವಾಗುತ್ತದೆ.

ಸಕ್ಕರೆ ತುಂಬಿದ ಪಾನೀಯಗಳು: ಸಕ್ಕರೆಭರಿತ ಚಹಾ ಹಾಗೂ ಹಣ್ಣಿನ ಜ್ಯೂಸ್​ ಮತ್ತು ಇತರೆ ಸಕ್ಕರೆ ಪಾನೀಯಗಳು ಹೆಚ್ಚಿನ ಪ್ರಮಾಣದಲ್ಲಿ ಸಕ್ಕರೆಯನ್ನು ಹೊಂದಿರುತ್ತವೆ. ಇದು ಲಿವರ್​ ಮೇಲೆ ಹೆಚ್ಚಿನ ಒತ್ತಡವನ್ನು ಉಂಟುಮಾಡುತ್ತದೆ. ಈ ಸಕ್ಕರೆ ಲಿವರ್​ನಲ್ಲಿ ಕೊಬ್ಬಾಗಿ ಬದಲಾಗುತ್ತದೆ. ಇದು NAFLD ಅಪಾಯವನ್ನು ಹೆಚ್ಚಿಸುತ್ತದೆ. ಕಾಲಾನಂತರದಲ್ಲಿ ಲಿವರ್​, ಉರಿಯೂತ, ಫೈಬ್ರೋಸಿಸ್ ಅಥವಾ ಸಿರೋಸಿಸ್​ನಂತಹ ಗಂಭೀರ ತೊಡಕುಗಳನ್ನು ಉಂಟುಮಾಡಬಹುದು. ಹಾಗಾಗಿ ಆರೋಗ್ಯವಾಗಿರಲು ಈ ಪಾನೀಯಗಳನ್ನು ದೂರವಿಡಬೇಕು.

ಹಕ್ಕು ನಿರಾಕರಣೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ. (ಏಜೆನ್ಸೀಸ್)

https://www.vijayavani.net/winter-foods-to-eat-are-you-snacking-on-bajjis-and-pakodis-because-its-cold

https://www.vijayavani.net/health-benefits-of-lemon-water