ಮುಂಬೈ: ನಟ ಸುಶಾಂತ್ ಸಿಂಗ್ ಸಾವಿನ ತನಿಖೆಯನ್ನು ಸುಪ್ರಿಂಕೋರ್ಟ್ ಸಿಬಿಐಗೆ ವಹಿಸಿದೆ. ಸಿಬಿಐ ಅಧಿಕಾರಿಗಳು ಕೂಡ ಮಾಹಿತಿಗಳನ್ನು ಕಲೆ ಹಾಕುತ್ತಿದ್ದಾರೆ. ಆದರೂ ಸುಶಾಂತ್ ಸಿಂಗ್ ಸಾವಿನ ಬಗ್ಗೆ ಪ್ರತಿದಿನ, ಒಬ್ಬೊಬ್ಬರು ಒಂದು ರೀತಿಯ ಹೇಳಿಕೆ ನೀಡುತ್ತಿರುವುದು ಪ್ರಕರಣದ ಆಳವನ್ನು ತೋರಿಸುತ್ತಿದೆ.
ಇದೀಗ ಈ ಕೇಸ್ನಲ್ಲಿ ಮತ್ತೊಂದು ಮಹತ್ವದ ಬೆಳವಣಿಗೆ ನಡೆದಿದೆ. ನಟ ಸುಶಾಂತ್ ಸಿಂಗ್ ಮೃತಪಟ್ಟ ದಿನ (ಜೂನ್ 14)ದ ಮುನ್ನಾದಿನ ಅಂದರೆ ಜೂನ್ 13ರಂದು ಅವರ ಮನೆಯಲ್ಲಿ ಏನೋ ಅನುಮಾನಾಸ್ಪದ ಚಟುವಟಿಕೆಗಳು ನಡೆಯುತ್ತಿರುವಂತೆ ಭಾಸವಾಗಿತ್ತು ಎಂದು ಸುಶಾಂತ್ ನಿವಾಸದ ಪಕ್ಕದ ಮನೆಯವರು ಹೇಳಿಕೆ ನೀಡಿದ್ದಾರೆ. ಇದನ್ನು ಓದಿ: ಸೇನಾ ಶಿಬಿರದ ಮೇಲೆ ದಾಳಿ ನಡೆಸಲು ಹೊಂಚು ಹಾಕಿದ್ದ ಐವರು ಉಗ್ರರ ಬಂಧನ
ಜೂ.13ರಂದು ರಾತ್ರಿ ಬಹುಬೇಗನೇ ಅಂದರೆ 10.30ರಿಂದ 10.45ರ ಸಮಯದಲ್ಲಿ ಸುಶಾಂತ್ ಮನೆಯ ಎಲ್ಲ ಲೈಟ್ಗಳೂ ಅಸಹಜ ರೀತಿಯಲ್ಲಿ ಆಫ್ ಆಗಿದ್ದವು. ಆದರೆ ಅಡುಗೆಕೋಣೆಯ ಲೈಟ್ ಹಾಗೇ ಉರಿಯುತ್ತಿತ್ತು. ಹಾಗಂತ ಅಂದು ಅವರ ನಿವಾಸದಲ್ಲಿ ಯಾವುದೇ ಪಾರ್ಟಿ ನಡೆಯುತ್ತಿರಲಿಲ್ಲ ಎಂದು ಮಾಧ್ಯಮಗಳಿಗೆ ತಿಳಿಸಿದ್ದಾರೆ. ಇದನ್ನು ಓದಿ: ರಫೇಲ್ ಯುದ್ಧವಿಮಾನಗಳನ್ನು ಸ್ಫೋಟಿಸುವುದಾಗಿ ಬೆದರಿಕೆ ಪತ್ರ; ಅಂಬಾಲದಲ್ಲಿ ಹೈಅಲರ್ಟ್
ಸುಶಾಂತ್ ಸಾವಿನ ನಂತರ ಮನೆಯನ್ನೆಲ್ಲ ಪರಿಶೀಲಿಸಿ, ಕಾನೂನು ಪ್ರಕ್ರಿಯೆಗಳೆಲ್ಲ ಮುಗಿದ ಬಳಿಕ ಪೊಲೀಸರು ಅದರ ಮಾಲೀಕರ ವಶಕ್ಕೆ ನೀಡಿದ್ದಾರೆ. ಮನೆಯಲ್ಲಿದ್ದ ಸುಶಾಂತ್ ವಸ್ತುಗಳನ್ನೆಲ್ಲ ಅವರ ಕುಟುಂಬದವರು ತೆಗೆದುಕೊಂಡು ಹೋಗಿದ್ದಾರೆ. ಇದೀಗ ಮಾಲೀಕ ಮನೆಯನ್ನು ಪೂರ್ತಿಯಾಗಿ ಪರಿಷ್ಕರಿಸಿದ್ದಾರೆ. ಹಳೇ ಫರ್ನೀಚರ್ಗಳನ್ನೆಲ್ಲ ಬದಲಿಸಿ, ಅನೇಕ ಮಾರ್ಪಾಡು ಮಾಡಿದ್ದಾರೆ ಎಂದು ಮೂಲಗಳು ತಿಳಿದಿವೆ.(ಏಜೆನ್ಸೀಸ್)
ಸುಶಾಂತ್ ಸಿಂಗ್ ರಜಪೂತ್ ಮಾದಕ ದ್ರವ್ಯ ವ್ಯಸನಿಯೇ? ತನಿಖೆಯಲ್ಲಿ ಹೊರಬಿತ್ತು ಭಯಾನಕ ಸತ್ಯ…!