ಕ್ರೀಡಾಪಟುವಿಗೆ ಶಕ್ತಿಯು ಅಮೂಲ್ಯವಾಗಿದೆ. ಇದಕ್ಕೆ ಯೋಗವು ಸಹಕಾರಿಯಾಗಿದೆ. ಕ್ರೀಡಾಪಟುಗಳು ಉತ್ತಮ ಉಸಿರಾಟದ ತಂತ್ರಗಳನ್ನು (ಪ್ರಾಣಾಯಾಮ) ಅಭಿವೃದ್ಧಿಪಡಿಸಲು ಯೋಗವು ಸಹಾಯ ಮಾಡುತ್ತದೆ. ಇದು ಸಮತೋಲನ, ನಮ್ಯತೆ, ಪ್ರಮುಖ ಶಕ್ತಿ ಮತ್ತು ಸಹಿಷ್ಣುತೆಯನ್ನು ಸುಧಾರಿಸುತ್ತದೆ. ಯಾವುದೇ ಕ್ರೀಡಾಪಟು ಅವರ ತರಬೇತಿ ಕಟ್ಟುಪಾಡುಗಳಿಗೆ ಯೋಗವನ್ನು ಸೇರಿಸುವ ಮೂಲಕ ಲಾಭ ಪಡೆಯಬಹುದು.
ಯೋಗದ ಸಮತೋಲನ ಆಸನಗಳಿಂದ ಎಲ್ಲದರಲ್ಲೂ ಒಟ್ಟು ಸಮತೋಲವನ್ನುಸುಧಾರಿಸುತ್ತದೆ. ಕಾಲುಗಳಲ್ಲಿ ಸಮತೋಲನ ಮತ್ತು ಸ್ಥಿರತೆಯನ್ನು ಸುಧಾರಿಸುತ್ತದೆ. ಪಾದಗಳ ಅಸ್ಥಿರಜ್ಜುಗಳು ಮತ್ತು ಸ್ನಾಯುರಜ್ಜು ಬಲಪಡಿಸುತ್ತದೆ. ಪೃಷ್ಠದವರೆಗೆ ಇಡೀ ನಿಂತಿರುವ ಕಾಲನ್ನು ಬಲಪಡಿಸುತ್ತದೆ ಮತ್ತು ಟೋನ್ ಮಾಡುತ್ತದೆ. ಬೀಳುವಿಕೆ, ಗಾಯವನ್ನು ತಡೆಯುತ್ತದೆ. ಸಮತೋಲನ ಆಸನಗಳಲ್ಲಿ ವೃಕ್ಷಾಸನ, ನಟರಾಜಾಸನ, ಬಕಾಸನ, ಪಾರ್ಶ್ವಬಕಾಸನ, ವೀರಭದ್ರಾಸನ ಇತ್ಯಾದಿ.
ಕ್ರೀಡಾಪಟುಗಳ ಸೊಂಟ, ಬೆನ್ನು ಬಲವೃದ್ಧಿಗೆ ಉತ್ಕಟಾಸನ, ತ್ರಿಕೋಣಾಸನ, ಪಶ್ಚಿಮೋತ್ಥಾನಾಸನ, ವಜ್ರಾಸನ, ಉಷ್ಟ್ರಾಸನ, ಮಾರ್ಜಾಲಾಸನ, ಮರೀಚ್ಯಾಸನ, ಭುಜಂಗಾಸನ, ಚಕ್ರಾಸನ, ಧನುರಾಸನ, ಅದೋಮುಖ ಶ್ವಾನಾಸನ, ಶವಾಸನ. ಮನಸ್ಸಿನ ಏಕಾಗ್ರತೆಗಾಗಿ, ಆಳ ವಿಶ್ರಾಂತಿಗಾಗಿ ಬೆಳಗ್ಗೆ, ಸಂಜೆ ತಲಾ ಹತ್ತು ನಿಮಿಷದಂತೆ ಉಸಿರನ್ನು ಗಮನಿಸುವ ಧ್ಯಾನ ಮಾಡಿ. ನಿರ್ದಿಷ್ಟ ಸ್ನಾಯುಗಳ ಶಕ್ತಿಯನ್ನು ಹೆಚ್ಚಿಸಲು ಯೋಗ ಸಹಾಯ ಮಾಡುತ್ತದೆ. ಬೆನ್ನು ಮತ್ತು ಹೊಟ್ಟೆಯ ಸ್ನಾಯುಗಳು ಬೆನ್ನು ಮೂಳೆಯ ಸ್ನಾಯುವಿನ ಚಾಲನೆ (ಜಾಲದ) ಅಗತ್ಯ ಅಂಶಗಳಾಗಿವೆ. ಈ ಸ್ನಾಯುಗಳ ಉತ್ತಮ ಸ್ಥಿತಿಯಲ್ಲಿದ್ದಾಗ ಬೆನ್ನುನೋವು ಬಹಳವಾಗಿ ಕಡಿಮೆಯಾಗುತ್ತದೆ ಯಾ ತಪ್ಪಿಸಬಹುದು.
