ಚಳಿಗಾಲದಲ್ಲಿ ಬಿಸಿನೀರು ಸ್ನಾನ ಉತ್ತಮವೇ? ಯಾವುದೇ ಕಾರಣಕ್ಕೂ ಈ ಒಂದು ವಿಧಾನ ಅನುಸರಿಸಬೇಡಿ! Winter Bath

Winter Bath : ಚಳಿಗಾಲ ಬಂತೆಂದರೆ ಸಾಕು ಜನ ಸ್ನಾನ ಮಾಡಲು ಹೆದರುತ್ತಾರೆ. ಏಕೆಂದರೆ, ಬಿಸಿ ನೀರಾಗಲಿ ಅಥವಾ ತಣ್ಣೀರಾಗಲಿ ತಣ್ಣನೆಯ ಅನುಭವವಾಗುತ್ತದೆ. ಇಂತಹ ಪರಿಸ್ಥಿತಿಗಳಲ್ಲಿ ಕೆಲವರು ಎರಡು ಅಥವಾ ಮೂರು ದಿನಗಳಿಗೊಮ್ಮೆ ಸ್ನಾನ ಮಾಡುತ್ತಾರೆ. ಕೆಲವರು ತಣ್ಣೀರಿನಿಂದ ಸ್ನಾನ ಮಾಡಿದರೆ, ಹೆಚ್ಚಿನವರು ಬಿಸಿ ನೀರಿನಿಂದ ಸ್ನಾನ ಮಾಡಲು ಇಷ್ಟಪಡುತ್ತಾರೆ. ಆದರೆ, ಹಲವರಿಗೆ ಸರಿಯಾಗಿ ಸ್ನಾನ ಮಾಡುವುದು ಕೂಡ ತಿಳಿದಿಲ್ಲ. ಈ ನಿಟ್ಟಿನಲ್ಲಿ, ಆಯುರ್ವೇದ ತಜ್ಞರು ಸ್ನಾನವನ್ನು ಹೇಗೆ ಮಾಡಬೇಕೆಂಬುದರ ಬಗ್ಗೆ ಕೆಲವು ವಿಧಾನಗಳನ್ನು ತಿಳಿಸಿದ್ದಾರೆ. ಆ ಬಗ್ಗೆ ನಾವೀಗ ತಿಳಿಯೋಣ.

ಸರಿಯಾಗಿ ಸ್ನಾನ ಮಾಡುವುದು ಹೇಗೆ?

ಹೆಚ್ಚಿನ ಜನರು ದಿನನಿತ್ಯ ಸ್ನಾನ ಮಾಡಿದರೂ ತಪ್ಪಾದ ಕ್ರಮವನ್ನು ಅನುಸರಿಸುತ್ತಾರೆ. ಸ್ನಾನ ಮಾಡುವಾಗ ತಣ್ಣೀರನ್ನು ಮೊದಲು ದೇಹಕ್ಕೆ ಸುರಿಯುವುದರಿಂದ ದೇಹದ ಉಷ್ಣತೆ ಮೆದುಳಿನ ಮೇಲೆ ಪರಿಣಾಮ ಬೀರುತ್ತದೆ. ಮೊದಲು ತಲೆಯ ಮೇಲೆ ನೀರು ಸುರಿದು ಸ್ನಾನ ಪ್ರಾರಂಭಿಸುವುದು ಉತ್ತಮ. ಆದರೆ, ನೀವು ನಿಮ್ಮ ತಲೆಯನ್ನು ತೊಳೆಯಲು ಇಷ್ಟಪಡದಿದ್ದರೆ, ನೀವು ಈ ಕೆಳಗಿನ ವಿಧಾನವನ್ನು ಪ್ರಯತ್ನಿಸಬಹುದು.

* ನಿಮ್ಮ ತಲೆಯ ಮೇಲೆ ನೀರು ಸುರಿಯಲು ನೀವು ಬಯಸದಿದ್ದರೆ, ಕನಿಷ್ಟಪಕ್ಷ ನಿಮ್ಮ ಕೂದಲನ್ನು ಒದ್ದೆ ಮಾಡಿ. ಸ್ವಲ್ಪ ತಣ್ಣೀರು ತೆಗೆದುಕೊಂಡು ತಲೆಯ ಮಧ್ಯ ಭಾಗವನ್ನು ಒದ್ದೆ ಮಾಡಿ.

* ನಿಮ್ಮ ಎರಡೂ ಕಿವಿಗಳ ನಡುವಿನ ರೇಖೆಯನ್ನು ರೂಪಿಸುವ ತಲೆಯ ಮಧ್ಯಭಾಗದಲ್ಲಿರುವ ಭಾಗವನ್ನು ಒದ್ದೆ ಮಾಡಿ.

* ಈ ರೀತಿ ಮಾಡುವುದರಿಂದ ನಿಮ್ಮ ಮನಸ್ಸನ್ನು ತಂಪಾಗಿಸುತ್ತದೆ.

* ಇದಾದ ನಂತರ ಇಡೀ ದೇಹದ ಮೇಲೆ ನೀರನ್ನು ಸುರಿಯಬಹುದು.

ಇದನ್ನೂ ಓದಿ: ಮುಂದಿನ ಮಾರ್ಚ್​ವೆರೆಗೆ… ಅಲ್ಲು ಅರ್ಜುನ್​ ಕುರಿತು ಸ್ಫೋಟಕ ಭವಿಷ್ಯ ನುಡಿದ ಸೆಲೆಬ್ರಿಟಿ ಜ್ಯೋತಿಷಿ ವೇಣು ಸ್ವಾಮಿ! Allu Arjun

ಈ ರೀತಿ ಸ್ನಾನ ಮಾಡುವುದು ಅಪಾಯಕಾರಿ

ನಿಮ್ಮ ತಲೆಯ ಮೇಲೆ ನೀರನ್ನು ಸುರಿದಾಗ ತಕ್ಷಣವೇ ತಲೆ ತಂಪಾಗುತ್ತದೆ. ಸ್ನಾನ ಮಾಡುವಾಗ ತಲೆಯ ಬದಲು ಕಾಲು ಅಥವಾ ದೇಹಕ್ಕೆ ನೀರು ಹಾಕಿಕೊಳ್ಳುವವರು ಬಹಳ ಮಂದಿ ಇದ್ದಾರೆ. ಹೀಗೆ ಮಾಡುವುದು ಅಪಾಯಕಾರಿ ಎನ್ನುತ್ತಾರೆ ಆಯುರ್ವೇದ ತಜ್ಞರು. ನಿಮ್ಮ ತಲೆಯ ಬದಲಿಗೆ ನಿಮ್ಮ ದೇಹದ ಮೇಲೆ ನೀರನ್ನು ಸುರಿದಾಗ ತಲೆಯ ಕಡೆಗೆ ಶಾಖ ಹೆಚ್ಚಾಗುತ್ತದೆ ಇದು ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದಲ್ಲ.

ಚಳಿಗಾಲದಲ್ಲಿ ಸ್ನಾನ ಮಾಡಲು ಯಾವ ನೀರು ಸರಿ?

ಚಳಿಗಾಲದಲ್ಲಿ ಸ್ನಾನ ಮಾಡುವುದು ತುಂಬಾ ಕಷ್ಟ. ಈ ಋತುವಿನಲ್ಲಿ ಸ್ನಾನ ಮಾಡಲು ಬೆಚ್ಚಗಿನ ನೀರು ಉತ್ತಮವಾಗಿದೆ. ಬೆಚ್ಚಗಿನ ನೀರು ತುಂಬಾ ಬಿಸಿಯಾಗಿರುವುದಿಲ್ಲ ಮತ್ತು ತುಂಬಾ ತಂಪಾಗಿರುವುದಿಲ್ಲ. ಇದರೊಂದಿಗೆ ಸ್ನಾನ ಮಾಡುವುದರಿಂದ ಚರ್ಮಕ್ಕೆ ಯಾವುದೇ ಹಾನಿಯಾಗದಂತೆ ದೇಹವು ಶಮನಗೊಳ್ಳುತ್ತದೆ.

ಸ್ನಾನದ ಪ್ರಯೋಜನಗಳು

ಸ್ನಾನವು ಕೊಳಕು, ಬೆವರು ಮತ್ತು ಸತ್ತ ಚರ್ಮದ ಕೋಶಗಳನ್ನು ತೆಗೆದುಹಾಕುತ್ತದೆ. ಸ್ನಾನವು ದೇಹಕ್ಕೆ ವಿಶ್ರಾಂತಿ ನೀಡುತ್ತದೆ ಮತ್ತು ಒತ್ತಡವನ್ನು ಕಡಿಮೆ ಮಾಡುತ್ತದೆ. ದೇಹದಲ್ಲಿ ಇರುವ ಬ್ಯಾಕ್ಟೀರಿಯಾ ಮತ್ತು ಇತರ ಸೂಕ್ಷ್ಮಾಣುಗಳು ನಾಶವಾಗುತ್ತವೆ ಮತ್ತು ರೋಗಗಳನ್ನು ತಡೆಯುತ್ತವೆ. ರಕ್ತ ಪರಿಚಲನೆಗೆ ಮತ್ತು ಮಾನಸಿಕ ಆರೋಗ್ಯಕ್ಕೂ ಸ್ನಾನ ತುಂಬಾನೇ ಒಳ್ಳೆಯದು.

ಹಕ್ಕು ನಿರಾಕರಣೆ: ಲೇಖನದಲ್ಲಿ ಉಲ್ಲೇಖಿಸಲಾದ ಸಲಹೆಗಳು ಸಾಮಾನ್ಯ ಮಾಹಿತಿಗಾಗಿ ಮಾತ್ರ. ನೀವು ಯಾವುದೇ ಪ್ರಶ್ನೆಗಳನ್ನು ಹೊಂದಿದ್ದರೆ ಯಾವಾಗಲೂ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

https://www.vijayavani.net/trisha-tragedy-at-heroine-trishas-house

https://www.vijayavani.net/bagalkote-soldier-among-5-killed-after-army-vehicle-falls-into-gorge-in-jammu-and-kashmir

https://www.vijayavani.net/horoscope-2025-3-zodiac-signs-who-will-get-high-positions-in-2025