Window Seat: ಬಸ್ ಆಗಿರಲಿ, ರೈಲು ಆಗಿರಲಿ, ವಿಮಾನವೇ ಆಗಿರಲಿ... ಟಿಕೆಟ್ ಬುಕ್ ಮಾಡುವಾಗ ‘ವಿಂಡೋ ಸೀಟ್ ಸಿಗುತ್ತಾ?’ ಅಂತ ನೋಡೋದು ಹಲವರ ಅಭ್ಯಾಸ. ಕಿಟಕಿಯ ಪಕ್ಕ ಕುಳಿತು ಹೊರಗಿನ ದೃಶ್ಯ ನೋಡುತ್ತಾ ಪ್ರಯಾಣಿಸುವ ಅನುಭವವೇ ಬೇರೆ. ಆದರೆ ವಿಂಡೋ ಸೀಟ್ ಮೇಲೆ ಇಷ್ಟೊಂದು ಕ್ರೇಜ್ ಇರೋದಕ್ಕೆ ಕೇವಲ ಹೊರಗಿನ ನೋಟವೇ ಕಾರಣವಲ್ಲ.
ಮರಗಳು, ಬೆಟ್ಟಗಳು, ಹೊಲಗಳು, ನಗರಗಳು ಅಥವಾ ಮೋಡಗಳ ದೃಶ್ಯ ನೋಡುತ್ತಾ ಕುಳಿತರೆ ಪ್ರಯಾಣದ ಸಮಯ ಬೇಗ ಕಳೆಯುತ್ತದೆ. ಜೊತೆಗೆ, ಕಿಟಕಿಯ ಪಕ್ಕ ವೈಯಕ್ತಿಕ ಸ್ಪೇಸ್ ಸಿಗುವುದರಿಂದ ಆರಾಮವಾಗಿ ಕುಳಿತುಕೊಳ್ಳಲು ಅಥವಾ ನಿದ್ದೆ ಮಾಡಲು ಸಹ ಅನುಕೂಲ.
ಮಿದುಳಿಗೂ ಸಿಗುತ್ತೆ ಫ್ರೆಶ್ ಫೀಲ್
ಪ್ರಯಾಣದ ವೇಳೆ ಬದಲಾಗುತ್ತಾ ಇರುವ ದೃಶ್ಯಗಳು ಮಿದುಳಿಗೆ ಹೊಸ ಅನುಭವ ಕೊಡುತ್ತವೆ. ಇದರಿಂದ ಪ್ರಯಾಣದ ಬೋರ್ ಕಡಿಮೆಯಾಗುತ್ತದೆ. ಹೊರಗೆ ನೋಡುತ್ತಾ ಹಾಡು ಕೇಳೋದು, ಹಳೆಯ ನೆನಪುಗಳನ್ನು ಮೆಲುಕು ಹಾಕೋದು ಅಥವಾ ಸುಮ್ಮನೆ ಆಲೋಚನೆ ಮಾಡುತ್ತಾ ಕೂರೋದು ಮನಸ್ಸಿಗೆ ನೆಮ್ಮದಿ ಕೊಡುತ್ತದೆ.
