Sharvari gold lehenga: ಒಂದು ಕಾಲದಲ್ಲಿ ಮದುವೆ ಅಂದರೆ ಕೆಂಪು ಬಣ್ಣದ ಲೆಹೆಂಗಾ ಅಥವಾ ಸೀರೆ ಎನ್ನಲಾಗುತ್ತಿತ್ತು. ಬಳಿಕ ಪಾಸ್ಟೆಲ್, ಐವರಿ, ಪಿಂಕ್, ಬ್ಲೂ ಸೇರಿದಂತೆ ಹಲವು ಬಣ್ಣಗಳು ಬ್ರೈಡಲ್ ಫ್ಯಾಷನ್ನಲ್ಲಿ ಟ್ರೆಂಡ್ ಆದವು. ಇದೀಗ ಮತ್ತೆ ಗೋಲ್ಡ್ ಬಣ್ಣದತ್ತ ವಧುವಿನ ಫ್ಯಾಷನ್ ತಿರುಗುತ್ತಿದೆಯಾ ಎಂಬ ಕುತೂಹಲ ಮೂಡಿದೆ.
ಇದಕ್ಕೆ ಕಾರಣ ನಟಿ ಶಾರ್ವರಿ ಅವರ ಹೊಸ ಬ್ರೈಡಲ್ ಲುಕ್. ಅವರ ಮುಂಬರುವ ಸಿನಿಮಾ ‘ಯೇ ಪ್ರೇಮ್ ಮೋಲ್ ಲಿಯಾ’ ಚಿತ್ರದ ಟೈಟಲ್ ಟ್ರ್ಯಾಕ್ನಲ್ಲಿ ಆಯುಷ್ಮಾನ್ ಖುರಾನಾ ಜೊತೆಗಿನ ಮದುವೆ ಸನ್ನಿವೇಶದಲ್ಲಿ ಶಾರ್ವರಿ ಭರ್ಜರಿ ಗೋಲ್ಡನ್ ಲೆಹೆಂಗಾದಲ್ಲಿ ಕಾಣಿಸಿಕೊಂಡಿದ್ದಾರೆ.
90ರ ದಶಕದ ಫ್ಯಾಷನ್ ನೆನಪಿಸಿದ ಲುಕ್
ಡಿಸೈನರ್ ಗಝಲ್ ಗುಪ್ತಾ ವಿನ್ಯಾಸಗೊಳಿಸಿರುವ ಈ ಲೆಹೆಂಗಾದಲ್ಲಿ ಪೈಸ್ಲಿ, ಹೂವಿನ ವಿನ್ಯಾಸ ಮತ್ತು ಭರ್ಜರಿ ಎಂಬ್ರಾಯ್ಡರಿ ಇದೆ. ಅದಕ್ಕೆ ಹೊಂದುವ ಗೋಲ್ಡ್ ಟೋನ್ ಚೋಲಿ ಮತ್ತು ಶೀರ್ ಗೋಲ್ಡನ್ ದುಪಟ್ಟಾ ಲುಕ್ಗೆ ಇನ್ನಷ್ಟು ಗ್ರ್ಯಾಂಡ್ ಟಚ್ ನೀಡಿವೆ.
