ಇದು ಸೈನ್ಸ್​ ಮ್ಯಾಜಿಕ್​.... ಬ್ಯಾಕ್ಟೀರಿಯಾವನ್ನೇ ಕೊಂದು ಹಾಕುವ ಹೊಸ ವೈರಸ್ ಸೃಷ್ಟಿ ಮಾಡಿದ​ ಎಐ! New Virus

New virus: ಪ್ರಪಂಚದಲ್ಲಿ ಆವಿಸ್ಕಾರಗಳು ನಡೆಯುವುದು ಸಹಜ. ಆದರೆ ಮೊದಲ ಬಾರಿಗೆ ಆರ್ಟಿಫಿಶಿಯಲ್​ ಇಂಟೆಲಿಜೆನ್ಸ್​ (ಎಐ) ಸಹಾಯದಿಂದ ಹೊಸ ವೈರಸ್​ನ ತಳಿ ರಚಿಸಲಾಗಿದೆ. ಅದರ ಆಧಾರದ ಮೇಲೆ ವಿಜ್ಞಾನಿಗಳು ಪ್ರಯೋಗಾಲಯದಲ್ಲಿ ನಿಜವಾದ ವೈರಸ್​ ಅನ್ನೇ ಸೃಷ್ಟಿಸಿದ್ದಾರೆ. ಈ ವೈರಸ್ ಹಳೆಯ ವೈರಸ್​ಗಳಿಗಿಂತ ಬ್ಯಾಕ್ಟೀರಿಯಾವನ್ನು ನಾಶಪಡಿಸುವಲ್ಲಿ ಹೆಚ್ಚು ಪರಿಣಾಮಕಾರಿಯಾಗಿದೆ. ಅಮೆರಿಕಾದ ಸ್ಟಾನ್ಟೋರ್ಡ ವಿಶ್ವವಿದ್ಯಾಲಯದ ವಿಜ್ಞಾನಿಗಳು ಈ ಸಾಧನೆಯನ್ನು ಮಾಡಿದ್ದು, ಇದು ಭಾರತದಲ್ಲಿ ಆ್ಯಂಟಿಬಯಾಟಿಕ್ ಪ್ರತಿರೋಧದಿಂದ ಸಾವಿಗೀಡಾಗುವ 6 ಲಕ್ಷಕ್ಕೂ ಹೆಚ್ಚು ಜನರಿಗೆ ಇದು ಭವಿಷ್ಯದ ಆಶಾಕಿರಣವಾಗಿದೆ ಎಂದು ಹೇಳಲಾಗುತ್ತಿದೆ.

ನಮ್ಮ ದೇಹದಲ್ಲಿ ಕೆಲವೊಮ್ಮೆ E. coli ಎನ್ನುವ ಬ್ಯಾಕ್ಟೀರಿಯಾ ಸೋಂಕು ತಗಲುತ್ತದೆ. ಇದಕ್ಕೆ ಸಾಮಾನ್ಯವಾಗಿ ವೈದ್ಯರು ನೀಡುವ ಆ್ಯಂಟಿಬಯಾಟಿಕ್​ ಔಷಧಿಗಳು ಅದನ್ನು ನಾಶಮಾಡುತ್ತದೆ. ಆದರೆ, ಇಂದು ಅನೇಕ ಬ್ಯಾಕ್ಟೀರಿಯಾಗಳು ಔಷಧಿಗಳಿಗೂ ಪ್ರತಿರೋಧವನ್ನು ತೋರಿಸುತ್ತದೆ ಅಂದರೆ, ಯಾವುದೇ ಆ್ಯಂಟಿಬಯಾಟಿಕ್​ಗೆ ಅವುಗಳು ಸಾಯುವುದಿಲ್ಲ.

ಇದನ್ನೂ ಓದಿ: ಟ್ರಂಪ್​ ಹೊಸ ನೀತಿಯಿಂದ ಅಮೆರಿಕದ ಕನಸಿಗೆ ಹೊಡೆತ! ಎಂಐಟಿ ಸೇರಿ 9 ವಿವಿಗಳಿಗೆ ಎಂಟ್ರಿ ಕಷ್ಟ, ಭಾರತೀಯ ವಿದ್ಯಾರ್ಥಿಗಳ ಗತಿಯೇನು?Indian Students

ಇದೇ ಕಾರಣಕ್ಕೆ ಭಾರತ ಒಂದರಲ್ಲೇ ವರ್ಷಕ್ಕೆ ಸರಾಸರಿ 6 ಲಕ್ಷಕ್ಕೂ ಹೆಚ್ಚು ಜನರು ಮೃತಪಟಿದ್ದಾರೆ. ಇಂತಹ ದುರಂತವನ್ನು ತಡೆಯಲು ಹೊಸ ವೈರಸ್​ ಸಹಕಾರಿಯಾಗಲಿದೆ. ಈ ಮೂಲಕ ಎಐ ಸಹಾಯದಿಂದ ಜೀವಕಣಗಳನ್ನು ರಚಿಸುವುದು ಮತ್ತು ಪರಿಣಾಮಕಾರಿ ಔಷಧಿಗಳನ್ನು ಕಡಿಮೆ ಸಮಯದಲ್ಲಿ ಅಭಿವೃದ್ಧಿಪಡಿಸಲು ಸಾಧ್ಯವಾಗುತ್ತದೆ ಎಂದು ತಜ್ಱರು ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಈ ಪ್ರಯೋಗದಲ್ಲಿ ಚಾಟ್ ಜಿಪಿಟಿಗೆ ಹೋಲುವಂತಹ ಇವೊ (Evo) ಅನ್ನು ಜೀನೋಮಿಕ್ ಎಐ ಭಾಷಾ ಮಾದರಿಯನ್ನು ಬಳಸಲಾಗಿದೆ. ಬ್ಯಾಕ್ಟೀರಿಯೋಫೇಜ್ ಫೈ ಎಕ್ಸ್-174 (PhX-174) ಎಂಬ ವೈರಸ್ ಅನ್ನು ಉಪಯೋಗಿಸಲಾಗಿದೆ. ಇದನ್ನು E. coli ಬ್ಯಾಕ್ಟೀರಿಯಾವನ್ನು ನಾಶಪಡಿಸಲು ಬಳಸಲಾಗುತ್ತದೆ. ಇದು ಅತಿ ಸಂಕೀರ್ಣ ರಚನೆ ಹೊಂದಿರುವ ವೈರಸ್ ಆಗಿದೆ. ಇಂತಹ ಸುಮಾರು ಎರಡು ಮಿಲಿಯನ್ ಫೈ ಎಕ್ಸ್-174 ವೈರಸ್​ಗಳ ತಳಿ ರಚನೆಗಳ ಮಾಹಿತಿಯನ್ನು ಇವೊ (Evo)ಗೆ ನೀಡಲಾಯಿತು. ಅದಕ್ಕೆ ಸ್ಪಷ್ಟವಾದ ಸೂಚನೆಗಳನ್ನು ನೀಡಲಾಗಿತ್ತು.

ಅದರಂತೆಯೇ ಇವೊ ಅದರ ಅನುಗುಣವಾಗಿ E. coli ಬ್ಯಾಕ್ಟೀರಿಯಾವನ್ನು ನಾಶಮಾಡಬಲ್ಲ ಹೊಸ ವೈರಸ್ ಡಿಜಿಟಲ್ ಬ್ಲೂಪ್ರಿಂಟ್ ಅನ್ನು ಸೃಷ್ಟಿ ಮಾಡಿತು. ಈ ವೈರಸ್ ಈ ತಂತ್ರಜ್ಞಾನವನ್ನು ಪರಿಸರದಲ್ಲಿಯೂ ಹಾಗೂ ಕೃಷಿಯಲ್ಲಿಯೂ ಬ್ಯಾಕ್ಟೀರಿಯಾ ನಿಯಂತ್ರಕ್ಕೆ ಉಪಯೋಗಿಸಬಹುದು ಎಂದು ತಜ್ಱರು ಹೇಳಿದ್ದಾರೆ. (ಏಜೆನ್ಸೀಸ್)

https://www.vijayavani.net/adopt-these-8-natural-healthy-habits-to-look-younger-forever