ರುಚಿಕರ ಟೊಮೆಟೊ ಹಪ್ಪಳ ಮಾಡುವುದೇಗೆ?; ಇಲ್ಲಿದೆ ಸಿಂಪಲ್​ ವಿಧಾನ | Recipe

ಭರ್ಜರಿ ಭೋಜನ ಹಪ್ಪಳ ಇಲ್ಲದಿದ್ದರೆ ಸಂಪೂರ್ಣ ಎಂದು ಎನ್ನಿಸುವುದಿಲ್ಲ. ಊಟದ ಎಲೆಯ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಈಗ ಪಾಪಡ್‌ನಲ್ಲಿಯೂ ಹಲವು ವಿಧಗಳಿವೆ. ಹೆಸರು ಬೇಳೆ ಪಾಪಡ್, ಅಕ್ಕಿ ಪಾಪಡ್, ಸಾಗುವಾನಿ ಪಾಪಡ್ ಇತ್ಯಾದಿ. ಈ ಪಟ್ಟಿಯಲ್ಲಿ ಟೊಮೆಟೊ ಪಾಪಡ್ ಇದ್ದಿದ್ದರೆ ಚೆನ್ನಾಗಿರುತಿತ್ತು. ಟೊಮೆಟೊ ಹಪ್ಪಳ ಮಾಡುವುದೇಗೆ ಎಂದು ಆಲೋಚಿಸುತ್ತಿದ್ದೀರಾ.. ನಿಮಗಾಗಿಯೇ ಈ ರೆಸಿಪಿ.

ಇದನ್ನು ಓದಿ: ಹೋಟೆಲ್​ ಸ್ಟೈಲ್​​ ಪನೀರ್ ಅಮೃತಸರಿ ಮಾಡುವ ವಿಧಾನ ಇಲ್ಲಿದೆ; ನೀವೊಮ್ಮೆ ಟ್ರೈ ಮಾಡಿ | Recipe

ಕೇವಲ 4 ಟೊಮೆಟೊಗಳಿಂದ 100 ಪಾಪಡ್‌ಗಳನ್ನು ತಯಾರಿಸುವ ವಿಧಾನವನ್ನು ಇಲ್ಲಿ ತಿಳಿಸಲಾಗಿದೆ. ಚಳಿಗಾಲದಲ್ಲಿ ಟೊಮೆಟೊ ಅಗ್ಗವಾಗಿ ಲಭ್ಯವಿರುವಾಗ, ನೀವು ಖಂಡಿತವಾಗಿಯೂ ಟೊಮೆಟೊ ಪಾಪಡ್ ಮಾಡಲು ಪ್ರಯತ್ನಿಸಬಹುದು. ಬಹುಶಃ ನಿಮಗೆ ಅದರ ರುಚಿ ತುಂಬಾ ಇಷ್ಟವಾಗಿ ನೀವು ಬಹಳಷ್ಟು ಪಾಪಡ್‌ಗಳನ್ನು ಮಾಡಿ ಸಂಗ್ರಹಿಸುತ್ತೀರಾ?

ಟೊಮೆಟೊ ಹಪ್ಪಳ ಮಾಡಲು ಬೇಕಾಗುವ ಪದಾರ್ಥಗಳು

• ಟೊಮೆಟೊ
• ಸಬ್ಬಕ್ಕಿ
• ಜೀರಿಗೆ
• ಚಿಲ್ಲಿ ಪೌಡರ್​
• ಕೊತ್ತಂಬರಿಸೊಪ್ಪು
• ಉಪ್ಪು

ಟೊಮೆಟೊ ಹಪ್ಪಳ ಮಾಡುವ ವಿಧಾನ

4 ಟೊಮೆಟೊಗಳನ್ನು ನಿಮಗೆ ಬೇಕಾದ ಗಾತ್ರಕ್ಕೆ ಕತ್ತರಿಸಿದ ನಂತರ ಅವುಗಳನ್ನು ಮಿಕ್ಸರ್‌ನಲ್ಲಿ ಪೇಸ್ಟ್​ ಮಾಡಿಕೊಳ್ಳಿ. ಬಳಿಕ ಅದನ್ನು ಜರಡಿ ಬಳಸಿ ಶೋಧಿಸಿ, ಸಿಪ್ಪೆಗಳನ್ನು ಬೇರ್ಪಡಿಸಿ. ಇದರ ನಂತರ ಒಂದು ಬಟ್ಟಲು ಸಬ್ಬಕ್ಕಿ ತೆಗೆದುಕೊಂಡು ಮಿಕ್ಸರ್​ನಲ್ಲಿ ನುಣ್ಣಗೆ ಪುಡಿಮಾಡಿ. ಈಗ ಒಂದು ಪಾತ್ರೆಯಲ್ಲಿ ನೀರು ಹಾಕಿ ಸ್ವಲಪ್ ಬಿಸಿಯಾದ ಬಳಿಕ ರುಬ್ಬಿದ ಟೊಮೆಟೊವನ್ನು ಅದರಲ್ಲಿ ಹಾಕಿ. ಬಳಿಕ ಅದಕ್ಕೆ ಪುಡಿ ಮಾಡಿಕೊಂಡಿರುವ ಸಬ್ಬಕ್ಕಿಯನ್ನು ಸೇರಿಸಿ. ಈಗ ರುಚಿಗೆ ತಕ್ಕಂತೆ ಉಪ್ಪು ಮತ್ತು ಚಿಲ್ಲಿ ಪೌಡರ್​ ಸೇರಿಸಿ, ಚೆನ್ನಾಗಿ ಬೇಯಲು ಬಿಡಿ, ನಂತರ ಜೀರಿಗೆ, ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಸೇರಿಸಿ.

ಅದು ಚೆನ್ನಾಗಿ ಬೆಂದ ನಂತರ ಮತ್ತು ದಪ್ಪವಾದಾಗ ನೀವು ಪಾಪಡ್ ಮಾಡಬಹುದು. ಗ್ಯಾಸ್​ ಆಫ್​ ಮಾಡಿದ ಬಳಿ ಸ್ವಲ್ಪ ಸಮಯದವರೆಗೆ ತಣ್ಣಗಾಗಲು ಬಿಡಿ. ಹಪ್ಪಳ ತಯಾರಿಸಲು ಪಾಲಿಥಿಲೀನ್ ಬಳಸಿದರೆ ಅದು ಕರಗಬಹುದು. ಪಾಪಡ್ ತಯಾರಿಸುವ ಮೊದಲು ಪಾಲಿಥಿನ್ ಮೇಲೆ ಎಣ್ಣೆ ಹಚ್ಚಿ, ಇದರಿಂದ ಅದು ಒಣಗಿದ ನಂತರ ಅದನ್ನು ತೆಗೆಯಲು ಸುಲಭವಾಗುತ್ತದೆ. ಈಗ ಹಪ್ಪಳ ತಯಾರಿಸಲು ಸಿದ್ಧವಿರುವ ದ್ರವವನ್ನು ದೊಡ್ಡ ಚಮಚದಲ್ಲಿ ತೆಗೆದುಕೊಂಡು ವೃತ್ತಾಕಾರವಾಗಿ ಹರಡಿ. ಹೀಗೆ ಮಾಡುವುದರಿಂದ ಟೊಮೆಟೊ ಹಪ್ಪಳವು ಕಡಿಮೆ ಸಮಯದಲ್ಲಿ ಸಿದ್ಧವಾಗುತ್ತದೆ. ಒಣಗಿದ ನಂತರ ನೀವು ಅವುಗಳನ್ನುಕರಿದು ತಿನ್ನಬಹುದು.

https://www.vijayavani.net/recipe-how-to-make-tasty-samosa-at-home-here-is-the-simple-way