ಒಬ್ಬ ಜ್ಞಾನಿಯ ಬಳಿ ಹೋಗಿ ತನಗೆ ಕಂಡ ಕನಸಿನ ವಿಷಯವನ್ನು ಅವಳು ಅರುಹಿಕೊಂಡಾಗ, ಕನಸಿನ ಕುರಿತಾಗಿ ಅವರ ವಿಶ್ಲೇಷಣೆ ಎಷ್ಟು ಚೆನ್ನಾಗಿದೆ ನೋಡಿ. ‘ಸಾವು ಸಿಂಹದಂತೆ ಸದಾ ನಮ್ಮನ್ನು ಬೆನ್ನಟ್ಟಿಕೊಂಡು ಬರುತ್ತಿರುತ್ತದೆ. ಆ ಕಪು್ಪ-ಬಿಳಿ ಇಲಿಗಳು ಹಗಲು-ರಾತ್ರಿಗಳಿಗೆ ರೂಪಕವಾಗಿವೆ. ಅವು ನಮ್ಮನ್ನು ಸಾವಿನೆಡೆಗೆ ಕೊಂಡೊಯ್ಯುತ್ತಲೇ ಇರುತ್ತವೆ. ಇನ್ನೂ ಸಮಾಧಿಯಂತೆ ಆ ಹೆಬ್ಬಾವು. ಅದು ಸದಾ ನಮ್ಮನ್ನು ತನ್ನೊಳಗೆ ಎಳೆದುಕೊಳ್ಳಲು ಬಯಸುತ್ತಲೇ ಇರುತ್ತದೆ. ಇನ್ನು ಜೇನುಗೂಡು ನಮ್ಮ ಈ ಜಗತ್ತಿಗೆ ಹೋಲಿಕೆಯಾಗಿದ್ದು ಅದರೊಳಗಿನ ಜೇನುತುಪ್ಪ ಲೌಕಿಕ ಜೀವನದ ಸುಖಭಾಗ್ಯಗಳ ಸಂಕೇತ. ಅದು ಮರಣ, ದಾರುಣ, ಗೋರಿ, ಚಿತೆ ಮುಂತಾದವುಗಳನ್ನು ಮರೆತು ಬದುಕುವಂತೆ ಮಾಡುತ್ತದೆ’ ಎಂದು ವಿವರಿಸಿದರು.
