ಗಂಟಲಿನಲ್ಲಿ ಸಿಲುಕಿಕೊಂಡ ಮೀನಿನ ಮುಳ್ಳನ್ನು ತೆಗೆಯಲು ಹೀಗೆ ಮಾಡಿ ಸಾಕು; Fish

Fish | ರುಚಿಯಾದ ಮಾಂಸಹಾರ ಪದಾರ್ಥಗಳಲ್ಲಿ ಈ ಮೀನು ಕೂಡ ಒಂದಾಗಿದೆ. ಮಿತವಾಗಿ ಮೀನು ಸೇವನೆ ಮಾಡುವುದರಿಂದ ಆರೋಗ್ಯಕ್ಕೆ ಬಹಳಷ್ಟು ಪ್ರಯೋಜನಗಳಿವೆ. ಇದರಲ್ಲಿ ಕಂಡುಬರುವ ಕೆಲವೊಂದು ಪೋಷಕಾಂಶಗಳು ಮತ್ತು ಕೊಬ್ಬಿನಾಮ್ಲ ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿ. ಪ್ರಮುಖವಾಗಿ ಮೀನಿನಲ್ಲಿರುವ ಮೀನೆಣ್ಣೆ ಅಥವಾ ಒಮೆಗಾ -3 ಕೊಬ್ಬಿನ ಆಮ್ಲ ಹೃದಯದ ಆರೋಗ್ಯಕ್ಕೆ ಬಹಳ ಒಳ್ಳೆಯದು ಎಂದು ಹೇಳಲಾಗಿದೆ.

ಇಷ್ಟೆಲ್ಲ ಲಾಭಗಳನ್ನು ಹೊಂದಿರುವ ಈ ಮೀನನ್ನು ತಿನ್ನುವುದೇ ಒಂದು ಕಷ್ಟಕರವಾಗುತ್ತದೆ. ಅದರಲ್ಲೂ ಹೊಸಬರು ಮೀನು ತಿನ್ನಲು ಹೋದಾಗ ಮೀನಿನ ಮುಳ್ಳು ಗಂಟಲಿಗೆ ಸಿಕ್ಕಿ ಹಾಕಿಕೊಳ್ಳುವುದನ್ನು ನಾವು ನೋಡಿರುತ್ತೇವೆ. ಹಾಗಿದ್ರೆ ಗಂಟಲಿನಲ್ಲಿ ಸಕ್ಕಿಹಾಕಿಕೊಂಡ ಮೀನಿನ ಮುಳ್ಳನ್ನು ಹೊರ ತೆಗೆಯುವುದೇಗೆ ಎಂಬುದನ್ನು ತಿಳಿಯೋಣ.

ಇದನ್ನೂ ಓದಿ: ಚಿನ್ನದ ಬೆಲೆಯಲ್ಲಿ 40% ಕುಸಿತವಾಗಲಿದೆ! ಇದೇನು ಮಾರ್ನಿಂಗ್‌ಸ್ಟಾರ್ ವಿಶ್ಲೇಷಕರ ಲೆಕ್ಕಾಚಾರ? Gold news

ಅನೇಕ ಜನರು ಮೀನು ತಿನ್ನಲು ಇಷ್ಟಪಡುತ್ತಾರೆ. ಆದರೆ ಕೆಲವು ಜನರು ಮೀನು ತಿನ್ನಲು ಇಷ್ಟಪಡುವುದಿಲ್ಲ ಏಕೆಂದರೆ ಅದರ ಮುಳ್ಳುಗಳೇ ಒಂದು ದೊಡ್ಡ ಸಮಸ್ಯೆಯಾಗಿದೆ. ಮೀನು ತಿನ್ನುವಾಗ ನೀವು ಜಾಗರೂಕರಾಗಿರಬೇಕು, ಏಕೆಂದರೆ ಅದರ ಮುಳ್ಳು ಯಾವುದೇ ಕ್ಷಣದಲ್ಲಾದರೂ ಸಹ ನಿಮ್ಮ ಗಂಟಲಿನಲ್ಲಿ ಸಿಲುಕಿಕೊಳ್ಳಬಹುದು.

ಕರಾವಳಿ, ಉಡುಪಿ ಮತ್ತು ದಕ್ಷಿಣ ಕನ್ನಡದ ಭಾಗದವರು ಹೆಚ್ಚಾಗಿ ಈ ಮೀನನ್ನು ಸೇವನೆ ಮಾಡುತ್ತಾರೆ. ಇಲ್ಲಿನ ಜನ ಚಿಕನ್‌ ಕರಿಗಿಂತಲೂ ಮೀನಿನ ಕರಿಯನ್ನು ಹೆಚ್ಚಾಗಿ ಇಷ್ಟಪಡುತ್ತಾರೆ. ಅದರಲ್ಲೂ ಕರಾವಳಿ ಭಾಗದವರು ವಾರಕ್ಕೆ ಎರಡೂ ಬಾರಿಯಾದರೂ ಮೀನಿನ ಅಡುಗೆ ಮಾಡಿ ಸೇವಿಸುತ್ತಾರೆ.

ಮುಳ್ಳು ಸಿಲುಕಿಕೊಂಡಾಗ ಏನು ಮಾಡಬೇಕು?

4) ಹೆಚ್ಚಿನ ಮೀನಿನ ಮೂಳೆಗಳು ನಿಮ್ಮ ಗಂಟಲಿನ ಹಿಂಭಾಗದಲ್ಲಿ, ನಿಮ್ಮ ಟಾನ್ಸಿಲ್‌ಗಳ ಸುತ್ತಲೂ ಸಿಲುಕಿಕೊಳ್ಳುತ್ತವೆ. ಹಾಗಾಗಿ ಜೋರಾಗಿ ಕೆಮ್ಮಲು ಪ್ರಯತ್ನಿಸುವುದರಿಂದ ಬಲವಾದ ಕೆಮ್ಮಿನಿಂದ ಮುಳ್ಳನ್ನು ಹೊರಗೆ ತರಬಹುದು.

3) ಅನ್ನದ ಸಣ್ಣ ಉಂಡೆಗಳನ್ನು ಮಾಡಿ ನುಂಗುವುದು ಉತ್ತಮ. ಬಾಳೆಹಣ್ಣಿನಂತೆ, ಅನ್ನವು ಸಹ ಮುಳ್ಳನ್ನು ಭೇದಿಸುವ ಸಾಮರ್ಥ್ಯವನ್ನು ಹೊಂದಿದೆ. ಹಾಗಾಗಿ ಅನ್ನವನ್ನು ಅಗಿಯುವ ಬದಲಾಗಿ ಉಂಡೆ ಮಾಡಿ ನುಂಗಬೇಕು.

2) ನಿಂಬೆಹಣ್ಣಿನ ಮೇಲೆ ಸ್ವಲ್ಪ ಉಪ್ಪು ಸಿಂಪಡಿಸಿ ಅದರ ರಸವನ್ನು ಕುಡಿಯಿರಿ. ನಿಂಬೆಹಣ್ಣಿನಲ್ಲಿರುವ ಸಿಟ್ರಿಕ್ ಆಮ್ಲವು ಮುಳ್ಳು ಹೊಟ್ಟೆಗೆ ಹೋಗಲು ಸಹಾಯ ಮಾಡುತ್ತದೆ ಹಾಗೂ ಮಲವನ್ನು ಮೃದುಗೊಳಿಸುತ್ತದೆ.

1) ಗಂಟಲಿನಲ್ಲಿ ಮೀನಿನ ಮುಳ್ಳು ಸಿಲುಕಿಕೊಂಡರೆ ಒಂದು ಬಾಳೆಹಣ್ಣನ್ನು ತೆಗೆದುಕೊಂದು ತಿನ್ನಬೇಕು. ಗಂಟಲಿನಿಂದ ಮುಳ್ಳು ಬಾಳೆಹಣ್ಣಿನ ಜೊತೆಗೆ ಹೊಟ್ಟೆಯೊಳಗೆ ಹೋಗುತ್ತದೆ. ನಿಧಾನವಾಗಿ ಹೊಟ್ಟೆಯಲ್ಲಿನ ಆಮ್ಲವು ಮುಳ್ಳುಗಳನ್ನು ಕರಗಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: ವಾಹನ ಸವಾರರೇ ಗಮನಿಸಿ; ಏಪ್ರಿಲ್ 1 ರ ವರೆಗೆ ಸಂಚಾರ ದಂಡ ಪಾವತಿಸದಿದ್ದರೆ ಚಾಲಕರ ಪರವಾನಗಿ ರದ್ದು! drivers licence

(ಏಜೆನ್ಸೀಸ್​)

ಒಂದು ವೇಳೆ ಮುಳ್ಳಿನ ಸಮಸ್ಯೆ ನಿವಾರಣೆಯಾಗದೆ ಇದ್ದರೆ, ಊಟ ಮಾಡುವಾಗ, ಗಂಟಲಿನಲ್ಲಿ ಅಥವಾ ಅನ್ನನಾಳದಲ್ಲಿ ನೋವು ಉಂಟಾಗಿದ್ದರೆ, ಕೂಡಲೇ ವೈದ್ಯರನ್ನು ಭೇಟಿ ಮಾಡಿ, ಪರೀಕ್ಷೆಗೆ ಒಳಗಾಗಿ. ಏಕೆಂದರೆ ಮೀನಿನ ಮುಳ್ಳು ಹಾಗೇ ಉಳಿದರೆ ಆ ಭಾಗದಲ್ಲಿ ಸೋಂಕು ಎದುರಾಗಬಹುದು. ಇನ್ನೂ ಮುಳ್ಳು ಗಂಟಲಿನ ಅನ್ನನಾಳದ ಭಾಗದಲ್ಲಿ ಚುಚ್ಚಿಕೊಂಡಿದ್ದರೆ ಶಸ್ತ್ರಚಿಕಿತ್ಸೆ ಮಾಡುವ ಅವಶ್ಯಕತೆಯೂ ಇರುತ್ತದೆ.

https://www.vijayavani.net/new-updat-gold-prices-to-fall-below-rs-56000-morningstar-analyst-to-future