ಮಾಡುವ ವಿಧಾನ:
ಮೊದಲಿಗೆ ಗ್ಯಾಸಿನ ಮೇಲೆ ಅಥವಾ ಒಲೆಯ ಮೇಲೆ ಟೊಮೆಟೊ, ಬೆಳ್ಳುಳ್ಳಿ, ಹಸಿ ಮೆಣಸಿನಕಾಯಿಯನ್ನು ಹಾಕಿ ಸುಟ್ಟು ತೆಗೆದಿಟ್ಟುಕೊಳ್ಳಬೇಕು. ಸುಟ್ಟ ನಂತರ ಅವುಗಳನ್ನು ನೀರಿನಲ್ಲಿ ತೊಳೆದು ತರಕಾರಿಗಳ ಸಿಪ್ಪೆಯನ್ನು ತೆಗೆದು ಒಂದು ಒಣಗಿದ ಪಾತ್ರೆಗೆ ಹಾಕಿ ಕೈಯಿಂದಲೇ ಕಿವುಚಿ ಪುಡಿ ಮಾಡಬೇಕು. ಚೆನ್ನಾಗಿ ಗ್ರೇವೀಯಾದ ನಂತರ ಅದಕ್ಕೆ ಸಣ್ಣದಾಗಿ ಕತ್ತರಿಸಿದ ಈರುಳ್ಳಿ, ಕೊತ್ತಂಬರಿ ಸೊಪ್ಪು, ಹುಣಸೆಹಣ್ಣಿಸ ರಸ, ಸಾಂಬಾರ್ ಪುಡಿ, ಉಪ್ಪು ಸೇರಿಸಿ ಕಲಸಬೇಕು. ಅಗತ್ಯವಾದಲ್ಲಿ ಸ್ವಲ್ಪ ನೀರು ಹಾಕಿಕೊಳ್ಳಬಹುದು. ಗಟ್ಟಿಯಾಗಿ ಬೇಕೆಂದರೆ ಹುಳಿ ನೀರೇ ಸಾಕು. ಉಪ್ಪು, ಹುಳಿ, ಸಾಂಬಾರ್ ಪುಡಿಯನ್ನು ಅಗತ್ಯ ನೋಡಿಕೊಂಡು ಹಾಕಬೇಕು. ಈ ರೀತಿ ಕಲಸಿದ ನಂತರ 5 ನಿಮಿಷಗಳ ಕಾಲ ಹಾಗೇ ಬಿಡಬೇಕು. ನಂತರ ಬಿಸಿ ಬಿಸಿ ಅನ್ನಕ್ಕೆ, ಮುದ್ದೆಗೆ ಈ ಹಸಿ ಗೊಜ್ಜು ಹಾಕಿ ತಿಂದರೆ ಇನ್ನೊಂದು ತುತ್ತು ಹೆಚ್ಚಿಗೆ ತಿನ್ನುವ ಮನಸ್ಸಾಗುತ್ತದೆ.
