ಇಡ್ಲಿ ವೆರೈಟಿ: ಇಡ್ಲಿ ರೋಸ್ಟ್ ಮತ್ತು ಓಟ್ಸ್ ಇಡ್ಲಿ, ಮಸಾಲ ಇಡ್ಲಿ ಮನೆಯಲ್ಲೇ ಮಾಡಿ ಸವಿಯಿರಿ

ಇಡ್ಲಿ ರೋಸ್ಟ್

ಮಾಡುವ ವಿಧಾನ: ಇಡ್ಲಿಯನ್ನು ಉದ್ದಕ್ಕೆ ಕಟ್ ಮಾಡಿ ಡೀಪ್ ಫ್ರೖೆ ಮಾಡಿರಿ. ನಂತರ ಇಡ್ಲಿ ಮೇಲೆ ಸ್ವಲ್ಪ ಉಪ್ಪು, ಹಳದಿ ಪುಡಿ, ಚಾಟ್ ಮಸಾಲವನ್ನು ಹಾಕಿ. ಇಡ್ಲಿ ರೋಸ್ಟ್ ರೆಡಿ .ಇದನ್ನು ಟೊಮೆಟೊ ಕೆಚಪ್ ಜತೆ ಸವಿಯಲು ರುಚಿ .

ಮಸಾಲಾ ಇಡ್ಲಿ

ಮಾಡುವ ವಿಧಾನ: ಇಡ್ಲಿ ಹಿಟ್ಟಿಗೆ ಕಾಯಿತುರಿ, ಕ್ಯಾರೆಟ್ ತುರಿ, ಹಸಿಮೆಣಸಿನಕಾಯಿ, ಕೊತ್ತಂಬರಿ ಸೊಪ್ಪು, ಉಪ್ಪನ್ನು ಹಾಕಿ ಬೆರೆಸಿರಿ. ಒಗ್ಗರಣೆಗೆ ಸಾಸಿವೆ, ಜೀರಿಗೆ, ಕರಿಬೇವು, ಚಾಟ್ ಮಸಾಲಾ ಹಾಕಿರಿ. ಹಿಟ್ಟಿಗೆ ಒಗ್ಗರಣೆ ಹಾಕಿ ಕಲಸಿರಿ. ಹಿಟ್ಟನ್ನು ಇಡ್ಲಿ ಸ್ಟಾಂಡಿನಲ್ಲಿ ಹಾಕಿ ಆರು ನಿಮಿಷ ಬೇಯಿಸಿ.

ಓಟ್ಸ್ ಇಡ್ಲಿ

ಮಾಡುವ ವಿಧಾನ: ಓಟ್ಸ್ ಮತ್ತು ಉದ್ದಿನ ಬೇಳೆಯನ್ನು ಒಣದಾಗಿರುವಂತೆಯೇ ಮಿಕ್ಸಿಯಲ್ಲಿ ನುಣ್ಣಗೆ ಪುಡಿಮಾಡಿ. ಇದಕ್ಕೆ ನೀರು ಹಾಕಿ ಕಲಕಿ ನುಣ್ಣನೆಯ ಮಿಶ್ರಣ ತಯಾರಿಸಿ. ಇದಕ್ಕೆ ಉಪ್ಪು ಮತ್ತು ಹಸಿಮೆಣಸಿನ ಪೇಸ್ಟ್ ಸೇರಿಸಿ ಕಲಕಿ. ಇದು ಸುಮಾರು ಇಡ್ಲಿಹಿಟ್ಟಿನ ಹದಕ್ಕೆ ಬರಬೇಕು.ಈ ಪಾತ್ರೆಯನ್ನು ಸುಮಾರು ಒಂದು ಗಂಟೆ ಕಾಲ ಮುಚ್ಚಿಡಿ. ಬಳಿಕ ಇಡ್ಲಿಪಾತ್ರೆಯ ಲೋಟ ಗಳ (ಅಥವಾ ಅಚ್ಚು) ಒಳಭಾಗಕ್ಕೆ ಕೊಂಚ ಎಣ್ಣೆ ಸವರಿ ಪ್ರತಿ ಅಚ್ಚಿನಲ್ಲಿಯೂ ತುಂಬುವಷ್ಟು ಹಿಟ್ಟನ್ನು ತುಂಬಿ. ಇಡ್ಲಿಗಳನ್ನು ಇಡ್ಲಿಪಾತ್ರೆಯಲ್ಲಿ ಸುಮಾರು ಎಂಟರಿಂದ ಹತ್ತು ನಿಮಿಷಗಳವರೆಗೆ ಹಬೆಯಲ್ಲಿ ಬೇಯಿಸಿ. ಅಚ್ಚುಗಳಿಂದ ಹೊರತೆಗೆದ ಇಡ್ಲಿಗಳನ್ನು ಬಿಸಿಬಿಸಿಯಿರುವಂತೆಯೇ ಬಡಿಸಿ.

https://www.vijayavani.net/yuvarathnaa-dialogue-teaser-release-puneeth-rajkumar/