ಪವರ್ ಸ್ಟಾರ್ ಪುನೀತ್ ರಾಜ್ಕುಮಾರ್ ಅವರ ಜನ್ಮ ದಿನದ ಪ್ರಯುಕ್ತ ಅವರ ಯುವರತ್ನ ಸಿನಿಮಾದ ಡೈಲಾಗ್ ಟೀಸರ್ ಸೋಮವಾರ (ಇಂದು) ಬಿಡುಗಡೆಯಾಗಿದೆ. 1 ನಿಮಿಷ 39 ಸೆಕೆಂಡ್ಗಳ ಈ ಟೀಸರ್ನಲ್ಲಿ ಖಡಕ್ ಡೈಲಾಗ್ಗಳೊಂದಿಗೆ ಆ್ಯಕ್ಷನ್ ಸನ್ನಿವೇಶಗಳೂ ಇದ್ದು ಗಮನಸೆಳೆಯುತ್ತವೆ.
‘ಖದರ್ ಇಲ್ದಿರೋ ಕಡೆ ನಮ್ಮ ಹುಡುಗ್ರೇ ಓಡಾಡಲ್ಲ, ಇನ್ನು ನಾನೀರ್ತೀನಾ?’ ಬ್ಯಾಟ್, ಬಾಲ್ ಇದೆ ಅಂತ ಫೀಲ್ಡ್ಗೆ ಇಳಿದೋರಲ್ಲ ನಾವು…ಹೊಡಿತೀವಿ ಅಂತ ಕಾನ್ಫಿಡೆನ್ಸ್ ಇರೋದಕ್ಕೇ ಫೀಲ್ಡಿಗೆ ಇಳಿದಿರೋದು… ಎಂಬಂತಹ ಖಡಕ್ ಡೈಲಾಗ್ಗಳನ್ನು ಟೀಸರ್ನಲ್ಲಿ ಕೇಳಬಹುದು.
ಹಾಗೇ ನಾಯಕಿ (ಸಾಯೇಶಾ ಸೈಗಲ್) ಅವರು ನಾಯಕ ಪುನೀತ್ ಬಳಿ ಬಂದು ನೀವು ನೋಡೋಕೆ ಅಣ್ಣಾವ್ರ ಥರನೇ ಇದೀರಾ ಎಂದು ಹೇಳಿದಾಗ ಅದಕ್ಕೆ ಪ್ರತಿಯಾಗಿ ನಾಯಕ, ‘ಹಾಗಂತ ನನ್ನನ್ನು ಅಣ್ಣ ಎಂದುಕೊಳ್ಳಬೇಡಿ’ ಎಂಬಂತಹ ಪಂಚಿಂಗ್ ಡೈಲಾಗ್ ಹೇಳೋದನ್ನೂ ನೋಡಬಹುದು.
ಯುವರತ್ನ ಸಿನಿಮಾದಲ್ಲಿ ಡಾಲಿ ಧನಂಜಯ್ ನೆಗೆಟಿವ್ ಪಾತ್ರದಲ್ಲಿ ಅಬ್ಬರಿಸಿದ್ದಾರೆ. ನಾಯಕಿ ಸಾಯೇಶಾ ಸೈಗಲ್ ಕೂಡ ಮುದ್ದಾಗಿ ಕಾಣಿಸುತ್ತಿದ್ದಾರೆ.
ಸಂತೋಷ್ ಆನಂದ್ರಾಮ್ ನಿರ್ದೇಶನದ ಯುವರತ್ನ ಚಿತ್ರಕ್ಕೆ ವಿಜಯ ಕಿರಗಂದೂರು ಬಂಡವಾಳ ಹೂಡಿದ್ದಾರೆ. ಹೊಂಬಾಳೆ ಫಿಲಂಸ್ ಯೂಟ್ಯೂಬ್ ಚಾನೆಲ್‌ನಲ್ಲಿ ಟೀಸರ್ ಲಭ್ಯವಿದೆ. ಈಗಾಗಲೇ ಲಕ್ಷಕ್ಕೂ ಅಧಿಕ ವೀವ್ಸ್ ಪಡೆದುಕೊಂಡಿದ್ದು, 55 ಸಾವಿರಕ್ಕೂ ಹೆಚ್ಚು ಜನ ಲೈಕ್ಸ್ ನೀಡಿದ್ದಾರೆ.
ಇಂಡಿಯಾಗೆ ಬಂದ ಕರೊನಾ ವೈರಸ್ ಈಗ ಮಂಡ್ಯಕ್ಕೂ ಕಾಲಿಟ್ಟಿತಾ..; 47 ವರ್ಷದ ಮಹಿಳೆ ವಿಮ್ಸ್ಗೆ ದಾಖಲು..