ಮುಖದ ಗ್ಲೋ ಹೆಚ್ಚಿಸಲು ಸಾವಿರಾರು ರೂಪಾಯಿ ವೇಸ್ಟ್ ಮಾಡಬೇಡಿ; ಮನೆಯಲ್ಲೇ ಈ ಸೀಕ್ರೆಟ್ ಟೋನರ್ ಟ್ರೈ ಮಾಡಿ ನೋಡಿ! Glowing Skin Tips

ನಿಮಗೂ ಈ ಸಮಸ್ಯೆ ಇದ್ದರೆ, ಪಾರ್ಲರ್‌ಗೆ ಹೋಗುವ ಅಗತ್ಯವೇ ಇಲ್ಲ. ಬದಲಾಗಿ ಸೌತೆಕಾಯಿ, ಗ್ರೀನ್ ಟೀ ಮತ್ತು ರೋಸ್ ವಾಟರ್ ಬಳಸಿ ಮನೆಯಲ್ಲಿಯೇ ಆಂಟಿಆಕ್ಸಿಡೆಂಟ್ ಟೋನರ್ ಅನ್ನು ಹೇಗೆ ತಯಾರಿಸಬೇಕೆಂದು ನಾವಿಂದು ನಿಮಗೆ ತೋರಿಸಿಕೊಡಲಿದ್ದೇವೆ. ಈ ಟೋನರ್ ಬಳಸುವುದರಿಂದ ಇದು ನಿಮ್ಮ ಚರ್ಮವನ್ನು ಸುಗಮಗೊಳಿಸುತ್ತದೆ ಜೊತೆಗೆ ಕಲೆಗಳನ್ನು ಕಡಿಮೆ ಮಾಡುತ್ತದೆ.

ಕೇವಲ ಒಂದು ತಿಂಗಳು ನಿಯಮಿತವಾಗಿ ಬಳಸುವುದರಿಂದ ನಿಮಗೆ ಸ್ವಚ್ಛ ಮತ್ತು ದೋಷರಹಿತ ಮೈಬಣ್ಣ ಸಿಗುತ್ತದೆ. ಈ ಟೋನರ್‌ನಲ್ಲಿರುವ ಸೌತೆಕಾಯಿ ಚರ್ಮವನ್ನು ಹೈಡ್ರೇಟ್ ಆಗಿರಿಸುವುದರ ಜೊತೆಗೆ ಗ್ರೀನ್ ಟೀ ಕಲೆಗಳನ್ನು ತೆಗೆದುಹಾಕಲು ಫ್ರೀ ರಾಡಿಕಲ್‌ಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಜೊತೆಗೆ ರೋಸ್​ ವಾಟರ್​ ನಿಮ್ಮ ಮುಖಕ್ಕೆ ನೈಸರ್ಗಿಕ ಹೊಳಪನ್ನು ನೀಡುತ್ತದೆ.

* 1 ಸಣ್ಣ ಸೌತೆಕಾಯಿ

* 1 ಟೀ ಚಮಚ ಹಸಿರು ಚಹಾ ಎಲೆಗಳು

* ಅರ್ಧ ಕಪ್ ರೋಸ್ ವಾಟರ್

* ಅರ್ಧ ಕಪ್ ನೀರು

* 1 ವಿಟಮಿನ್ ಇ ಕ್ಯಾಪ್ಸುಲ್

* ಸ್ಪ್ರೇ ಬಾಟಲ್

ಮೊದಲು ಅರ್ಧ ಕಪ್ ನೀರನ್ನು ಕುದಿಸಿ. ಗ್ರೀನ್ ಟೀ ಬ್ಯಾಗ್ ಅಥವಾ ಎಲೆಗಳನ್ನು ಸೇರಿಸಿ 5-7 ನಿಮಿಷಗಳ ಕಾಯಿಸಲು ಬಿಡಿ. ನಂತರ ನೀರನ್ನು ಸ್ವಲ್ಪ ತಣ್ಣಗಾಗಿಸಿ ಅದನ್ನು ಸೋಸಿ. ತುರಿದ ಸೌತೆಕಾಯಿಯನ್ನು ಸ್ವಚ್ಛವಾದ ಹತ್ತಿ ಬಟ್ಟೆ ಅಥವಾ ಜರಡಿ ಬಳಸಿ ಹಿಂಡಿ, ಅದರ ಎಲ್ಲಾ ರಸವನ್ನು ಹೊರತೆಗೆಯಿರಿ.

ನಂತರ ಒಂದು ಸ್ವಚ್ಛವಾದ ಬಟ್ಟಲಿನಲ್ಲಿ ಅರ್ಧ ಕಪ್​ ಸೌತೆಕಾಯಿ ರಸ, ಅರ್ಧ ಕಪ್ ಕುದಿಸಿದ ಹಸಿರು ಚಹಾ ಮತ್ತು ಅರ್ಧ ಕಪ್ ರೋಸ್ ವಾಟರ್ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ನಿಮ್ಮ ಚರ್ಮ ತುಂಬಾ ಒಣಗಿದ್ದರೆ, ವಿಟಮಿನ್ ಇ ಕ್ಯಾಪ್ಸುಲ್ ಅನ್ನು ತೆಗೆದುಕೊಂಡು ಅದರ ಎಣ್ಣೆಯನ್ನು ಈ ಮಿಶ್ರಣಕ್ಕೆ ಸೇರಿಸಿ. ತಯಾರಾದ ದ್ರವವನ್ನು ಸ್ವಚ್ಛವಾದ ಸ್ಪ್ರೇ ಬಾಟಲಿಗೆ ಸುರಿಯಿರಿ. ಬಳಸಲು ಸಿದ್ಧವಾಗುವವರೆಗೆ ಯಾವಾಗಲೂ ರೆಫ್ರಿಜರೇಟರ್‌ನಲ್ಲಿ ಸಂಗ್ರಹಿಸಿ (ಏಜೆನ್ಸೀಸ್​).