ಬೇಸಿಗೆಯಲ್ಲಿ ಕೊತ್ತಂಬರಿಸೊಪ್ಪನ್ನು ಒಣಗದಂತೆ ಇಡುವುದು ಹೇಗೆ?; ಇಲ್ಲಿದೆ ಸಿಂಪಲ್​ ಟಿಪ್ಸ್​​ | Health Tips

ಯಾವುದೇ ಅಡುಗೆ ಮಾಡುವಾಗ ಕೊನೆಯಲ್ಲಿ ಖಾದ್ಯದ ಸುವಾಸನೆ ಮತ್ತು ಸೌಂದರ್ಯವನ್ನು ಹೆಚ್ಚಿಸುವಲ್ಲಿ ಹಸಿರು ಕೊತ್ತಂಬರಿ ಸೊಪ್ಪು ಹೆಚ್ಚು ಉಪಯುಕ್ತವಾಗಿದೆ. ಅದು ಸಲಾಡ್ ಆಗಿರಲಿ ಅಥವಾ ತರಕಾರಿ ಆಗಿರಲಿ, ದಾಲ್ ಆಗಿರಲಿ ಅಥವಾ ರೈತಾ ಆಗಿರಲಿ ಅದರ ಮೇಲೆ ಹಸಿರು ಕೊತ್ತಂಬರಿ ಸೊಪ್ಪನ್ನು ಅಲಂಕರಿಸುವುದರಿಂದ ಖಾದ್ಯವು ಸುಂದರವಾಗಿ ಕಾಣುತ್ತದೆ. ಬೇಸಿಗೆಯಾಗಿರಲಿ ಅಥವಾ ಚಳಿಗಾಲವಾಗಿರಲಿ ಹಸಿರು ಕೊತ್ತಂಬರಿ ಸೊಪ್ಪಿಗೆ ಪ್ರತಿ ಋತುವಿನಲ್ಲಿಯೂ ಬೇಡಿಕೆ ಇರುತ್ತದೆ. ಏಕೆಂದರೆ ಇದನ್ನು ಪ್ರತಿ ಋತುವಿನಲ್ಲಿಯೂ ಬಳಸಲಾಗುತ್ತದೆ.(Health Tips)

ಇದನ್ನು ಓದಿ: ಮೂಳೆಗಳಿಗೆ ಅಗತ್ಯವಾದ ಕ್ಯಾಲ್ಸಿಯಂ ಪಡೆಯಲು ಮೊಸರು ಸಾಕು; ಆದರೆ ಸೇವಿಸುವ ಸರಿಯಾದ ಮಾರ್ಗ ತಿಳಿದಿರಬೇಕು | Health Tips

ಆದರೆ ಬೇಸಿಗೆಯಲ್ಲಿ ಕೊತ್ತಂಬರಿ ಸೊಪ್ಪು ಮಾರುಕಟ್ಟೆಯಿಂದ ತಂದ ಕೂಡಲೇ ಒಣಗಲು ಪ್ರಾರಂಭಿಸುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ ಕೊತ್ತಂಬರಿ ಸೊಪ್ಪನ್ನು 2 ವಾರಗಳವರೆಗೆ ಅಂದರೆ 15 ದಿನಗಳವರೆಗೆ ತಾಜಾವಾಗಿಡಲು ಏನು ಮಾಡಬಹುದು ಎಂಬುದನ್ನು ಇಲ್ಲಿ ತಿಳಿಸಲಾಗಿದೆ.

ಕೊತ್ತಂಬರಿಸೊಪ್ಪನ್ನು ತಾಜಾವಾಗಿಡಲು ನಿಮಗೆ 2 ಬಾಕ್ಸ್‌ಗಳು ಬೇಕಾಗುತ್ತದೆ. ಅದರಲ್ಲಿ ಒಂದು ಚಿಕ್ಕದ್ದು, ಮತ್ತೊಂದು ದೊಡ್ಡದ್ದು. ಮೊದಲಿಗೆ ಚಿಕ್ಕ ಬಾಕ್ಸ್​ನಲ್ಲಿ ಕಾಲುಭಾಗ ನೀರನ್ನು ತುಂಬಿಸಿ ಬಳಿಕ ಈ ಚಿಕ್ಕ ಬಾಕ್ಸಿನ ಕೆಳಗೆ ಮತ್ತೊಂದು ದೊಡ್ಡ ಬಾಕ್ಸಿನ ಮುಚ್ಚಳವನ್ನು ಇಡಿ. ಬಳಿಕ ದೊಡ್ಡ ಬಾಕ್ಸ್​ ಅನ್ನು ಚಿಕ್ಕ ಬಾಕ್ಸಿನ ಮೇಲೆ ಕ್ಲೋಸ್​​ ಮಾಡಿ. ಈ ರೀತಿ ಮಾಡಿದಾಗ ಕೊತ್ತಂಬರಿ ಸೊಪ್ಪು ಕುಂಡದಲ್ಲಿ ಬೆಳೆದಂತೆ ಕಾಣುತ್ತದೆ. ಈಗ ನೀವು ಈ ಪೆಟ್ಟಿಗೆಯನ್ನು ಫ್ರಿಡ್ಜ್‌ನಲ್ಲಿ ತಲೆಕೆಳಗಾಗಿ ಇಡಬೇಕು. ಈಗ ನೀವು ತಾಜಾ ಎಲೆಗಳನ್ನು ಪ್ರತಿದಿನ ಬಳಸಬಹುದು.

ಹಸಿರು ಕೊತ್ತಂಬರಿ ಸೊಪ್ಪನ್ನು ತಾಜಾವಾಗಿಡಲು ಅದನ್ನು ಖರೀದಿಸಿದ ನಂತರ ಒಂದು ಲೋಟ ಅಥವಾ ಪಾತ್ರೆಯಲ್ಲಿ ನೀರನ್ನು ತುಂಬಿಸಿ ಮತ್ತು ಕೊತ್ತಂಬರಿ ಸೊಪ್ಪಿನ ಬೇರನ್ನು ಅದರಲ್ಲಿ ಮುಳುಗಿಸಿಡಿ. ನೀರನ್ನು ಸಿಂಪಡಿಸುತ್ತಲೇ ಇರಿ. ನೀವು ಕೊತ್ತಂಬರಿ ಸೊಪ್ಪನ್ನು ತೊಳೆಯುವಾಗಲೆಲ್ಲಾ ಅದನ್ನು ಗಾಳಿಯಾಡುವ ಸ್ಥಳದಲ್ಲಿ ಒಣಗಿಸಿ ಮತ್ತು ಸೂರ್ಯನ ಬೆಳಕಿನಿಂದ ರಕ್ಷಿಸಿ ಎಂಬುದನ್ನು ನೆನಪಿನಲ್ಲಿಡಿ-ನೆರಳಿನಲ್ಲಿ ಇರಿಸಿ.

ನೀವು ಕೊತ್ತಂಬರಿ ಸೊಪ್ಪನ್ನು ತೊಳೆದ ನಂತರ ಸಂಗ್ರಹಿಸಿದಾಗಲೆಲ್ಲಾ ಅದನ್ನು ಗಾಳಿಯಾಡದ ಪಾತ್ರೆಯಲ್ಲಿ ಇರಿಸಿ. ಕೊತ್ತಂಬರಿ ಸೊಪ್ಪು ಒಣಗುವ ಭಯ ನಿಮಗಿದ್ದರೆ ಅದರ ಮೇಲೆ ಒದ್ದೆಯಾದ ಟಿಶ್ಯೂ ಪೇಪರ್ ಹಾಕಿ; ಹಾಗೆ ಮಾಡುವುದರಿಂದ ಅದರ ತಾಜಾತನ ಮತ್ತು ಸುವಾಸನೆಯನ್ನು ಹಾಗೆಯೇ ಉಳಿಸಿಕೊಳ್ಳುತ್ತದೆ.

ಕೊತ್ತಂಬರಿ ಸೊಪ್ಪನ್ನು ಕತ್ತರಿಸಿ ಗಾಳಿಯಾಡದ ಪಾತ್ರೆಯಲ್ಲಿ ಸಂಗ್ರಹಿಸುವ ಮೂಲಕ ಅದರ ಶೆಲ್ಫ್ ಜೀವಿತಾವಧಿಯನ್ನು ಹೆಚ್ಚಿಸಬಹುದು. ಇದಕ್ಕಾಗಿ ಮೊದಲು ಕೊತ್ತಂಬರಿ ಸೊಪ್ಪನ್ನು ತೊಳೆದು ಒಣಗಿಸಿ. ಅದರ ಬೇರುಗಳನ್ನು ಕತ್ತರಿಸಿ. ಎಲೆಗಳನ್ನು ನೀರಿನಲ್ಲಿ ಚೆನ್ನಾಗಿ ನೆನೆಸಿ ಒಣಗಿದ ನಂತರ ಸಣ್ಣ ತುಂಡುಗಳಾಗಿ ಕತ್ತರಿಸಿ. ಕತ್ತರಿಸಿದ ಕೊತ್ತಂಬರಿ ಸೊಪ್ಪನ್ನು ಗಾಳಿಯಾಡದ ಪಾತ್ರೆಯಲ್ಲಿ ಸಂಗ್ರಹಿಸಿ. ಈ ಟ್ರಿಕ್‌ನಿಂದ ಅದು ಎರಡು ವಾರಗಳವರೆಗೆ ತಾಜಾ ಮತ್ತು ಪರಿಮಳಯುಕ್ತವಾಗಿರುತ್ತದೆ.

https://www.vijayavani.net/health-tips-here-is-the-home-remedy-to-stop-migraine-doctor-suggest-its-actualluy-effective-or-not