ಬೆಳಗ್ಗೆ ಅರಿಶಿನ–ನಿಂಬೆ ನೀರು ಕುಡಿದ್ರೆ ಏನಾಗುತ್ತೆ! ನಿಜಕ್ಕೂ ಎಷ್ಟು ಪ್ರಯೋಜನ? | Turmeric-Lemon Water

Turmeric-lemon water: ಬೆಳಗ್ಗೆ ಎದ್ದ ತಕ್ಷಣ ಉಗುರುಬೆಚ್ಚಗಿನ ನೀರಿಗೆ ಸ್ವಲ್ಪ ಅರಿಶಿನ ಮತ್ತು ನಿಂಬೆ ರಸ ಬೆರೆಸಿ ಕುಡಿಯುವ ಅಭ್ಯಾಸ ಹಲವರಲ್ಲಿದೆ. ನಿಂಬೆಯಿಂದ ವಿಟಮಿನ್‌ ಸಿ, ಅರಿಶಿನದಿಂದ ಕರ್ಕ್ಯುಮಿನ್‌ ಸಿಗುತ್ತದೆ. ಕರ್ಕ್ಯುಮಿನ್‌ ಉತ್ಕರ್ಷಣ ನಿರೋಧಕ ಹಾಗೂ ಉರಿಯೂತ ಕಡಿಮೆ ಮಾಡುವ ಗುಣ ಹೊಂದಿದೆ.

ಜೀರ್ಣಕ್ರಿಯೆ: ಬೆಳಗ್ಗೆ ನೀರು ಕುಡಿಯುವುದರಿಂದ ದೇಹ ಹೈಡ್ರೇಟ್‌ ಆಗಿರುತ್ತದೆ. ಕೆಲವರಿಗೆ ಮಲವಿಸರ್ಜನೆ ಸುಲಭವಾಗಬಹುದು.

ಕರ್ಕ್ಯುಮಿನ್‌: ಅರಿಶಿನದಲ್ಲಿರುವ ಕರ್ಕ್ಯುಮಿನ್‌ ಆಂಟಿಆಕ್ಸಿಡೆಂಟ್‌ ಹಾಗೂ ಉರಿಯೂತ ಕಡಿಮೆ ಮಾಡುವ ಗುಣ ಹೊಂದಿದೆ ಎನ್ನಲಾಗಿದೆ. ಆದರೆ ಕೀಲು ನೋವು, ಸಂಧಿವಾತ ಅಥವಾ ಜೀರ್ಣಕ್ರಿಯೆ ಸಮಸ್ಯೆಗಳನ್ನು ಗುಣಪಡಿಸುತ್ತದೆ ಎಂಬುದಕ್ಕೆ ಸಾಕಷ್ಟು ಪುರಾವೆಗಳಿಲ್ಲ.

ಅರಿಶಿನ–ನಿಂಬೆ ನೀರು ದೇಹದ ಕೊಬ್ಬನ್ನು ನೇರವಾಗಿ ಕರಗಿಸುತ್ತದೆ ಅಥವಾ ಮೆಟಾಬಾಲಿಸಂ ಅನ್ನು ಗಮನಾರ್ಹವಾಗಿ ಹೆಚ್ಚಿಸುತ್ತದೆ ಎಂಬುದಕ್ಕೆ ದೃಢವಾದ ಸಾಕ್ಷ್ಯವಿಲ್ಲ. ತೂಕ ನಿಯಂತ್ರಣಕ್ಕೆ ಸಮತೋಲಿತ ಆಹಾರ ಮತ್ತು ನಿಯಮಿತ ದೈಹಿಕ ಚಟುವಟಿಕೆ ಮುಖ್ಯ.

ಕರಿಮೆಣಸಿನಲ್ಲಿರುವ ಪೈಪರಿನ್, ಕರ್ಕ್ಯುಮಿನ್ ದೇಹದಲ್ಲಿ ಹೀರಿಕೊಳ್ಳುವ ಪ್ರಮಾಣವನ್ನು ಹೆಚ್ಚಿಸಬಹುದು ಎಂಬ ಅಧ್ಯಯನಗಳಿವೆ. ಆದರೆ ಅದರಿಂದ ಅರಿಶಿನ–ನಿಂಬೆ ನೀರು ಎಲ್ಲರಿಗೂ ಹೆಚ್ಚುವರಿ ಆರೋಗ್ಯ ಪ್ರಯೋಜನ ನೀಡುತ್ತದೆ ಎಂದು ನೇರವಾಗಿ ಹೇಳಲು ಸಾಧ್ಯವಿಲ್ಲ.

ನಿಂಬೆಹಣ್ಣಿನ ಆಮ್ಲೀಯತೆ ಕೆಲವರಲ್ಲಿ ಆಮ್ಲತೆ ಅಥವಾ ಎದೆಯುರಿ ಹೆಚ್ಚಿಸಬಹುದು. ನಿಯಮಿತವಾಗಿ ಆಮ್ಲೀಯ ಪಾನೀಯ ಕುಡಿಯುವುದರಿಂದ ಹಲ್ಲಿನ ಎನಾಮಲ್ ಮೇಲೂ ಪರಿಣಾಮ ಬೀರಬಹುದು. ಹೀಗಾಗಿ ಕುಡಿದ ಬಳಿಕ ಮಾಮೂಲಿ ನೀರಿನಿಂದ ಬಾಯಿ ಮುಕ್ಕಳಿಸುವುದು ಒಳ್ಳೆಯದು.

ಅರಿಶಿನ–ನಿಂಬೆ ನೀರನ್ನು ಆರೋಗ್ಯಕರ ಆಹಾರ ಪದ್ಧತಿಯ ಒಂದು ಭಾಗವಾಗಿ ಕುಡಿಯಬಹುದು. ಆದರೆ ಇದನ್ನು ‘ಡಿಟಾಕ್ಸ್ ಡ್ರಿಂಕ್’, ‘ತೂಕ ಕರಗಿಸುವ ಪಾನೀಯ’ ಅಥವಾ ರೋಗಗಳಿಗೆ ಔಷಧಿ ಎಂದು ಪರಿಗಣಿಸುವುದು ಸರಿಯಲ್ಲ. ಆರೋಗ್ಯಕರ ಆಹಾರ, ಸಾಕಷ್ಟು ನೀರು ಮತ್ತು ನಿಯಮಿತ ವ್ಯಾಯಾಮವೇ ಒಟ್ಟಾರೆ ಆರೋಗ್ಯಕ್ಕೆ ಮುಖ್ಯ.