ಚಹಾವನ್ನು ಅತಿಯಾಗಿ ಕುಡಿಯಬಾರದು ಯಾಕೆ ಗೊತ್ತಾ?

ಪಂಚದಾದ್ಯಂತದ ಹೆಚ್ಚಿನ ಜನರು ಇಷ್ಟಪಡುವ ಪಾನೀಯಗಳಲ್ಲಿ ಚಹಾ ಕೂಡಾ ಒಂದು. ಕೆಲವರಿಗಂತೂ ಚಹಾ ಕುಡಿಯದಿದ್ದರೆ ದಿನವಿಡೀ ಮೂಡ್ ಸರಿಯಿರೋದಿಲ್ಲ. ಇನ್ನು ಹಲವರು ದಿನಕ್ಕೆ 4ರಿಂದ 5 ಬಾರಿ ಚಹಾ ಕುಡಿಯೋದೂ ಇದೆ. ಅತಿಯಾದರೆ ಅಮ್ಋತವೂ ವಿಷವಾಗುತ್ತೆ ಎಂಬ ಮಾತಿನಂತೆ ಅನೇಕರು ಚಹಾ ಆರೋಗ್ಯಕ್ಕೆ ಒಳ್ಳೆಯದು ಎಂದರೆ ಇನ್ನೂ ಕೆಲವರು ಇದು ಆರೋಗ್ಯಕ್ಕೆ ಒಳ್ಳೆಯದಲ್ಲ ಎನ್ನುತ್ತಾರೆ.
ಆದರೆ ಚಹಾವನ್ನು ಮಧ್ಯಮಪ್ರಮಾಣದಲ್ಲಿ ಸೇವಿಸಿದರೆ ಉತ್ತಮ. ಅದೇ ಅತಿಯಾಗಿ ಸೇವಿಸಿದರೆ ಆರೋಗ್ಯಕ್ಕೆ ಹಾನಿಕಾರಕವಾಗಿದೆ. ಇದು ಮಾನವ ದೇಹದ ಮೇಲೆ ಕೆಲವು ಅಪಾಯಕಾರಿ ಅಡ್ಡ ಪರಿಣಾಮಗಳನ್ನು ಉಂಟುಮಾಡಬಹುದು.

ಅತಿಯಾಗಿ ಕುಡಿಯಬಾರದು ಯಾಕೆ?
ಚಹಾವು ನೈಸರ್ಗಿಕವಾಗಿ ಕೆಫೀನ್ ಅನ್ನು ಹೊಂದಿರುವುದರಿಂದ, ಅದನ್ನು ಅತಿಯಾಗಿ ಸೇವಿಸುವುದರಿಂದ ನಿಮ್ಮ ನಿದ್ರೆಯ ಚಕ್ರವನ್ನು ಅಡ್ಡಿಪಡಿಸಬಹುದು. ಕೆಫೀನ್ ಮೆಲಟೋನಿನ್ ಉತ್ಪಾದನೆಯನ್ನು ಪ್ರತಿಬಂಧಿಸುತ್ತದೆ ಎಂದು ವಿವಿಧ ಅಧ್ಯಯನಗಳು ತೋರಿಸಿವೆ. ಇದು ಕಳಪೆ ನಿದ್ರೆಯ ಗುಣಮಟ್ಟಕ್ಕೆ ಕಾರಣವಾಗುತ್ತದೆ.

ಚಹಾದಲ್ಲಿ ಕಂಡುಬರುವ ಟ್ಯಾನಿನ್‌ಗಳು ದೇಹದ ಕೆಲವು ಪೋಷಕಾಂಶಗಳ ಹೀರಿಕೊಳ್ಳುವಿಕೆಯ ಮೇಲೆ ಪರಿಣಾಮ ಬೀರಬಹುದು ಮತ್ತು ಆತಂಕ, ನಿದ್ರೆಯ ಸಮಸ್ಯೆಗಳು ಮತ್ತು ತಲೆನೋವಿನಂತಹ ಅಡ್ಡ ಪರಿಣಾಮಗಳನ್ನು ಉಂಟುಮಾಡಬಹುದು. ಹೆಚ್ಚು ಚಹಾವನ್ನು ಸೇವಿಸುವ ಕೆಲವು ಅಡ್ಡಪರಿಣಾಮಗಳು ಇಲ್ಲಿವೆ.

ಎದೆಯುರಿ ಮತ್ತು ಆಸಿಡ್ ರಿಫ್ಲಕ್ಸ್​
ಹೆಚ್ಚುವರಿ ಕೆಫೀನ್ ಎದೆಯುರಿ ಸಮಸ್ಯೆಗಳನ್ನು ಉಂಟುಮಾಡಬಹುದು. ಕೆಫೀನ್ ಹೊಟ್ಟೆಯಲ್ಲಿ ಆಮ್ಲದ ಉತ್ಪಾದನೆಯನ್ನು ಹೆಚ್ಚಿಸುತ್ತದೆ ಎಂದು ವಿವಿಧ ಸಂಶೋಧನೆಗಳು ತೋರಿಸಿವೆ. ಇದು ಆಸಿಡ್ ರಿಫ್ಲಕ್ಸ್ ಮತ್ತು ಎದೆಯುರಿ ಕಾರಣವಾಗಬಹುದು.